TASK GROUP TO PROBE PANGASINAN SHOOTING

CAMP BGEN OSCAR M FLORENDO – Region 1 police head Chief Superintendent. Ramon V. Gatan ordered today the formation of a Special Investigation Task Group (SITG) to .arrest the suspect/s in a shooting incident that happened at around 8:25 this morning in Barangay Barangobong, Villasis, Pangasinan.

Initial reports reaching the PRO1 headquarters identified the five victims as Ferdinand Celis alias Caboy, 46; Rolando Celis alias Lando, 57; Nora Celis, of legal age; Richard Celis, 28; and Daniel Celis, 5; all residents of the said place. The victims were reportedly aboard their Isuzu Extreme Vehicle heading towards east direction when the suspects riding in a Mitsubishi L300 white van with unidentified plate number blocked the way of the victims and subsequently fired at them.

The victims sustained gunshot wounds and were rushed by responding policemen to the Sacred Heart Hospital in Urdaneta City. However, Ferdinand and Nora Celis were declared dead on arrival by the attending physician, while Rolando Celis is now in critical condition.

The police recovered from the scene 46 empty shells and one live ammunition for 5.56 MM rifle, 20 empty shells and one live ammunition for .30 Carbine, three empty shells and one live ammunition for Caliber .45 pistol, three empty shells for Caliber 9 MM, and two deformed slugs.

Gatan forthwith directed the Pangasinan police to focus their efforts in solving the incident even as he formed a special probe team for the purpose.

“I have today given the order for the creation of a Special Investigating Task Group to dig deeper into the case for the early identification and arrest of the perpetrators of this heinous crime,” Gatan said. ###

Lalaki, napaltogan, natay

Burgos, Ilocos Sur-Nainget ti isaysayangkat a ‘follow-up investigation’ kadagiti kameng ti polisya iti daytoy nga ili mainaig ti napasamak a pammaltog a nakatayan ti maysa a lalalki idi parbangon kalman, aggarup oras ala una, sadiay brgy. Callitong, Burgos, Ilocos Sur.
Nabigbig a ti biktima managan Elmer Dizon y Pimentel, 45-anyos, mannalon, naasawaan ken residente iti nakapasamakan ti nasao nga insidente, manipud kadagiti di nailasinan a suspek.
Ti imbestigasyon kadagiti pannakabagi ti linteg, naammuan nga aggarup ala una idi parbangon ti martes, ti biktima a kadduana ti live-in partner na a managan Rosemarie Dagdag y Lazaro, nataengan ket matmaturogda iti uneg ti pagtaenganda a masarakan iti turod a lauden a paset ti nasao a barangay.
Naammuan a dagiti di nailasinan a suspek, ket nagkatokda iti ridaw ti pagtaengan iti biktima.
Naammuan pay nga idi napan linukatan ti biktima ti ridaw, sigida a pinaltopaltogan dagiti suspek ti biktima a nakapuntaan iti nadumaduma a paset iti bagina a nangitunda ti sigida a nakatayanna.
Kabayatanna dagiti saan a nailasinan a suspek ket sigida met a naglibasda kalpasan ti insidente.
Nakarekobre dagiti kameng ti polisya iti nakapasamakan ti pammaltog ti uppat a kapsula ti M16 rifle ken maysa a cartridge para iti carbine.
Agdama pay laeng nga am-ammuen dagiti kameng ti pannakabagi ti integ no ania ti motibo ti nasao a pammaltog.
Jeff Barredo

GUMIL-IS, NAKIPAGLADINGIT ITI IPUPUSAY NI DR. REYES

SANTA MARIA, Ilocos Sur.  Sinarungkaran ken dinaniwan dagiti opisial ken kameng ti GUMIL-Ilocos Sur ni Dr. Godofredo Reyes iti panakaisayangkat ti necrology para kenkuana.

Indauluan ni Dr. Edilberto H. Angco, presidente ti GUMIL-Ilocos Sur, ti gunglo idi Hulio 11, 2009 tapno padayawan ti Laureado a Mannaniw ti Ilocandia.

Ni Dra. Dedicasion Reyes ti nangpasangbay iti gunglo ken nakisarsarita pay daytoy kalpasan ti programa.

Paset iti nagbalin a programa ket ti panakaibasa iti daniw a nairuknoy kenni Apo Godo ken ti panakaipaay kadagiti sumagmamano a pakalaglagipan nga artikulo.

Pakairamanan kadagiti nagatendar ket da Herminigildo Viloria ken ti singin a Tabbada sisters a makuna a punganay a kameng ti Gumil Ilocos Sur, da Generato Pastores, Stephen Balanza, Dr. Jaime Raras ken ti pamilia, Danny Antalan, Djuna Alcantara ken dadduma pay.

Ni Dr. Reyes ket maysa kadagiti nangsapuyot iti irarang-ay iti GUMIL wenno gunglo dagiti mannurat nga Ilocano, ket iti kinamannaniwna ken kinamannurat, adu ti naitulongna iti irarang-ay iti literatura-Ilocana.

Iti disso a nakamasayaganna ket ditoy a naisayangkat iti adu a gundaway ti konbension ti GUMIL-Filipinas, ken isuna pay ti nangidonar iti lote a nakaipatakderan iti di pay nalpas a Balay Ti Gumil.

Natay ni Apo Godo idi Hunio 5, 2009.

Candon: Lalaki Nasugatan Iti Aksidente

Candon City. Nasugatan ti maysa a lalaki idi ti naglugananna ket nagsarili a naaksidente iti national highway, barangay Oaig Daya, itoy a siudad.

Ti biktima ket managan Guillermo Garces, karpintero, 34 anios, residente iti San Jose, Candon City.

Iti inisial nga imbestigasion, ti biktima ket naglugan iti motorsiklo a minaneho iti di nainaganan idi ta pagamuan ket napukaw ti drayber ti kontrolna iti manibela agingga a na-slideda iti kalsada.

Nasugatan iti rupana ti biktima ket naitaray daytoy iti Candon City Hospital para iti panakaagas kenkuana.

Tallo ti nasugatan a karaman ti minor de edad, panagdinnungpar tallo a tricycle

Santa Maria, Ilocos Sur-Nagsagaba ti saan a nakaro a pannakasugat dagiti dua a driver ti tricycle ken maysa aminor de edad, ti napasamak a panagdidinnungpar ti tallo a tricycle a napasamak idi kalman aggarup oras alas 11:30 ti aldaw iti national highway partikular iti intersection a sango iti Iglecia ni Cristo iti brgy. Baliw Laud iti dayoy nga ili.
Dagiti biktima ket nabigbig nga isuda Noli Dela Cruz y Mendoza, 20-anyos, naasawaan, awanan lisensia ken residente iti nasao a barangay a daytoy ti nagmaneho ti maysa a motorized tricycle Honda TMX, awanan plaka ken ti pasahero na a maysa a minor de edad nga agtawen ti onse a ni Joshua Avenido y Geronimo, elementary student ken residente iti brgy. Suso iti daytoy nga ili.
TI maikaktlo a biktima ket managan JOse Sipin y Degracia, 33-anyos, naasawaan, agik-ikut ti student permit ken residene iti brgy. Silag iti daytoy nga ili a nagmaneho ti Motorized tricycle nga RS Yamaha, addaan plaka QL-5099.
Ti sabali pay a tricycle a karaman ti aksidente ket maysa a TMX, addaan plaka ZT-4485 a minaneho ni Angelo Cabotage y Aquino, 17-anyos,baro, high school student ken residente iti brgy. Baliw laud iti daytoy nga ili.
Ti imbestigasyon kadagiti kameng iti polisya iti daytoy nga ili, ti RS Yamaha tricycle ket agdaldalyasat iti nasao a kalsada nga agturturong iti amianan a direction a sumarsaruno ti tricycle a manmanehuen ni Angelo. Idi dayta a gundaway ti Yamaha Tricycle, ket simrek iti intersection nga agturong iti daya nga isu met ti panang-overtake ti tricycle a manmanehuen ni Angelo.
Naammuan a bayat ti panag-overtake ti tricycle ni Angelo, masabatna met ti tricycle a manmanehuen ni Noli ket aksidente a nagdinnungpardaz.
Naammuan pay ti tricycle a manmanehuen ni Noli, ket nadungparna met ti TS Yamaha.
Nagresulta a ti driver ti RS Yamaha, ken ti driver ti TMX tricycle a ni Noli ket naaddaanda ti pannakasugat iti kannigid nga ima ken kannigid a saka da.
Idinto ni JOshua ket nagsagaba ti pannakasugsugat iti nadumaduma a paset iti bagina a dagitoy tallo a biktima ket naitarayda sadiay Municipal Health office iti daytoy nga ili para ti pannakapaagasda.
Naammuan pay kadagiti imbestigador, nga adda metten napasamak a kumprontasyon kadagiti tallo a drivers.

Jeff Barredo

Soldado, Kimmiddaw ti Hustisia ni Johnny Habon

Kidkidawen ti panakangiwat ti soldado iti human rights groups  iti panakaimbestigar iti panakapapatay iti maysa a rebel returnee a napapatay itay nabiit.

Iti programada nga Oras Ti Soldado iti DZTP Radio Tirad Pass, kidkidawenda iti human rights groups kas koma iti Karapatan-Ilocos tapno iti kasta ket imbestigaranda ti panakapapatay kenni Johnny Habon iti Salcedo, Ilocos Sur.

Iti programa, kinuna ni Sgt. Marcelo Garcia, civil military affairs officer ken mangibagbagi iti 5oth Infantry Battalion iti programada iti radio, a kitaenda koma met daytoy a napasamak.

Kinunada a ti biktima ket mapapati a pinatay dagiti kameng ti New Peoples Army wenno NPA ket rumbeng laeng a maikkan daytoy iti hustisia.

Ti biktima a ni Johnny Habon ket napapatay idi Hunio 1, bayat iti kaaddana iti pagtaenganda idiay barangay Kinmarin, Salcedo, Ilocos Sur.

Ni Johnny Habon ket mapapati a kimmapon iti NPA idi 2003 ngem kalpasan iti makatawen ket nagsubli daytoy iti sidong ti gobierno.

Suyo: Tunnel Ti Irigasion, Pagpiknikan

Maysa a napintas a tourist attraction ti nasimpa a pagurnongan ti danum para irigasion iti barangay Cabugao, itoy nga ili.

Kinuna ni Mayor Elpidio Bistoyong iti daytoy nga ili, nga adda dagiti agturturong iti nasao a dam tapno dita nga agpipiknikda.

Malaksid iti dayta, ti tunnel a pagdalanan ti danum manipud Cabugao agingga Baringcucurong ket maysa a bantay a napintas a lasaten ket nakurang maysa a kilometro ti kawayatna.

Daytoy a tunnel ket naaramid pay idi 1940’s ken 60’s babaen kadagiti Amerikano ken Hapon nga umuna a nangsimpa iti dayta nga irigasion.

Maipalagip a ti irigasion ket naponduan iti P35 a milion a pisos tapno mapasayakan ti 1 a barangay iti Suyo, 9 iti Tagudin ken 4 iti Santa Cruz babaen iti inisiatibo ni Congressman Eric Singson.

Candon City: Ubing, Nadungpar

Candon City. Nayospital ti maysa nga ubing idi daytoy ket nadungpar iti ibabalasiwna iti kalsada a sakupen ti Galimuyod-Salcedo road, a sakupen ti barangay Allangigan 2nd, itoy siudad.

Ti biktima ket managan Lenard Garringo, 5 anios, residente iti Patac, Galimuyod, Ilocos Sur kabayatanna a ti nakadungpar ket Yamaha Mio, addaan plaka 8940-AO, minaneho ni Gilbert Gacusana, iti Parioc 2nd, Candon City.

Iti inisial nga imbestigasion, ti biktima ket bumallasiw iti kalsada idi daytoy ti aksidente a nadungpar ti nasao a lugan.

Nasugatan ti biktima ket naitaray daytoy iti ospital para iti panakaagas kenkuana.

Candon City: Aksidente Iti Darapidap Road, Manen!

Candon City. Adda manen napasamak nga aksidente iti Darapidap beach road, partikular iti asideg iti Candon Wet Market barangay San Agustin itoy a siudad.

Dagiti lugan ket Honda XRM 125, addaan plaka 5529-AN, minaneho ni Dsil Vernebryan Sorio, 24 anios, iti Guardia, Banayoyo ken ti Black Euro, addaan plaka 7745-AL, minaneho ni Ronie Manzano, residente met iti Talogtog, Candon City.

Naglugan iti XRM da Danny Pang-ao, 20 anios iti Matibuey, San Emilio ken ni Dennis Dumag, 24 anios, residente iti Nagtablaan, Santa Lucia, kabayatanna a naglugan met iti Euro ni Marycel de Guzman, 23 anios iti Talogtog, Candon City.

Iti inisial nga imbestigasion, ti XRM ket agpadaya ket mapapati nga agaangaw dagiti tallo a naglugan kabayatanna a ti Euro ket agpalaud met idi napasamak ti aksidente.

Kinuna ti drayber ti Euro nga inala ti XRM ti liniada kabayatanna a kinuna met ti naglugan iti XRM nga ag-overtake ti Euro.

Ginandat ti XRM ti pumanaw iti nakapasamak ti aksidente ngem nalapdan daytoy babaen iti traysikel kabayatanna a mapapati a nakainom iti arak ti drayber ti XRM.

Nasugatan ni Marycel iti dayta nga aksidente ket naitaray daytoy iti ospital para iti panakaagas kenkuana.

dannyboy

P50,000, Natakaw

Candon City. Gatad nga agarup P50,000 ti natakaw babaen kadagiti di nabigbig a suspek iti barangay San Antonio, itoy a siudad.

Ti gatad ket natakaw iti pagtaenganda Johnny Palacio, addaan naan-anay nga edad, residente iti nasao a barangya.

Iti inisial nga imbestigasion, ti pamilia ti biktima ket nakimisa iti Bagani Gabor iti dayta a malem. Dagiti suspek ti nanggundaway iti kaawanda ket dinadaelda ti abagatan a paset ti plywood a ruangan sa da nagaramat ti martilio, screw driver, ragadi iti panangserrekda iti kusina ken balay.

Agtultuloy ti imbestigasion dagiti panakabagi ti linteg.