TAGUDIN, iLOCOS SUR. Napili manipud iti 249 nga entry ni Mayor Roque Versoza, Jr. a kas National Pag-Asa Awardee iti Civil Service Commission iti pagilian a Filipinas ket awatenna ti pammadayaw manipud mismo kenni Presidente Gloria Macapagal Arroyo
.mayor-versoza
Ni Versoza met laeng ti kaunaan a Pag-asa Awardee iti region 1 manipud idi napaadda ti nasao a pammadayaw idi 1962.
Manipud iti 249 a napagpilian, nagtungpal iti sangapulo ket maysa (11) ti semifinals, ket manipud iti dayta a bilang, napili ti innem kas mapadayawan intono Septiembre 19, 2008 idiay Kalayaan Hall, iti Malacanang, Manila.
“Dakkel ti kaipapananna kaniak daytoy nga award, agsipud ta ad-adda pay nga iturongnak iti panagserbi, ta siempre, national awardee kamin, ket nangatngato ti ekspektarendan kadakami.” Kinunana bayat iti interview kenkuana.
Inlawlawagna a ti panakapili kenkuana ket kas maibasar met laengen iti panangi-suggest kenkuana ti CSC provincial and regional level, ket manipud dita, naipan iti national ti panagpilian.
“Taga-region 4 dagiti nagbalin nga evaluators, invalidateda ti kapasidadko kas maysa a lider sa inpasa daytoy iti national level.”
Iti innem nga awardee, kinunana a duada laeng a politiko.
Maysa pay kadagiti makitkitana a gapuna iti panakapili kenkuana kas national awardee iti CSC ket gapu iti programada iti Executive-Legislative Agenda wenno ELA.
“Daytoy ngamin ti guidelinesmi iti panagserbi kadagiti umili.”
danny antalan
