ABRA. Naisaaden nga adda iti salinong ti state of calamity ti probinsya babaen ken Gob. Eustaqio Bersamin a sinuportaran met iti Sangunniang Panlalawigan.
Naamwan a minilyon a gatad iti dinadael ni bagyo karen iti benneg iti agrikultura ken infrastraktura.
Maysa met iti naireport a natay idinto tallo pay dagiti mapukpukaw a kalugaranda.
Babaen iti pannakadeclare nga under ti state of calamity naparpartak iti pannakaited iti tulong kadagiti biktima iti kalamidad.
Nadadael met ti Baay bridge idiay ili ti Lagangilang
Nabigbig ti natay nga ni Camille Rasalan agtawen iti 12 iti Penarubia. Dagiti met mapukpukaw ket isuda Faustino Bilerma, 66, manipud San Juan, Isabelo Biyok, 12, ken Emencio Velasquez, 38, iti ili a Tineg.
