VIGAN CITY. Masapul a maorganize iti rescue team ditoy probinsya kinuna ni dati a gobernador Chavit Singson kabayatan iti interview iti DZTP kenkuana.
Naiwaragawag ni Singson daytoy kalpasan a di pay laeng narescue ken nabirukan dagiti dua a tao a nakita idi miyerkules nga agpapaarayat iti kabaybayan iti ili a Sta Catalina.
Iti pannakadakamat iti dati a gobernador iti daytoy a problema,ditoy a simmangpet idi kalman kaduana iti dua nga Huey helicopter manipud iti Philippine Airforce.Ita met nga aldaw iti naituding a panagsawar iti kabaybayan iti probinsya iti namnama a masapulan pay dagiti dua mangngalap.
Immun-unan a nakita dagiti dua a mangngalap nga agpapaarayat idi aldaw iti myerkules iti ili a Sta.Catalina ngem awan iti nakaitured nga immarayat gapu iti kinadawel iti baybay a nabuyugan iti dadakkel a dalluyon.Naamwan a dagiti dua a mangngalap ket agkapkapetda kan iti troso iti nakita isuda dagiti umili sadiay nga agpay-payapay iti kabaybayan. Maipagarup met a dagitoy ket dagiti mapukpukaw a mangalap manipud ili ti Santa a naiyanud iti kapigsa iti bagyo karen.
Iti dayta met laeng nga malem,ditoy a simmangpet dagiti daddadakkel a bilog manipud Puro Pingit Magsingal ket sinawarda daras iti nakakitaan da kadagiti dua ngem didan nasapulan pay.
Babaen iti kaadda ita dagiti helicopter ket mabirukanen dagiti nasao a mangalap.
Kinuna ni Singson nga adda met dagiti jetski kan a mabalin nga aramaten iti baluarte ngem awan iti nalaing a mangiggem. Daytoy iti maysa a napintas a pasrescue kuna ni Singson.
Imbagana a kapatangna iti gobernador tapno mapasayaat ti rescue team iti probinsya.Kasapulan a mabuangay daras sakbay nga umay manen iti sabali pay a didigra innayun ni Singson.
