NARVACAN, Ilocos Sur. Addan ti kabarbaro a chief of police ti Narvacan PNP ket daytoy ti manamnama a mangiwanwan iti urnos ken talna nangruna iti daytoy panag-fiestada.
NI PCI John Charongen ti kabarbaro a COP iti Narvacan, ket nagsarita mismo iti sanguanan dagiti Narvacaneo bayat iti panakaisayangkat ti flag raising ceremony.
“Aramidek amin a kabaelak tapno mapagtalinaed ti urnos ken talna iti ili a Narvacan. Daytoy ket maaramidanmi babaen iti panagtitinulong dagiti bumarangay.” Kinunana.
Kastoy met laeng ti ekspektasion ni Mayor Edgar Zaragoza, nangruna iti daytoy umadanin a panag-fiesta ti ilida.
“Namnamaek a dakkel ti maitulongda iti daytoy fiestami iti daytoy bulan ti Desiembre,” kinunana.
