CANDON CITY, ILOCOS SUR – Napang-or ti botelya a nagresulta ti pannakasugat iti bukotna ti maysa a lalaki a daytoy ti naganawa ti maysa a rambol a napasamak sadiay brgy. Tamurong 2nd iti daytoy a siyudad idi aggarup oras alas 9:45 idi rabii.
Ti biktima ket isuni Edmund Bongolan y del Rosario, 23-anyos, baro ken residente iti brgy. Tamurong 1st iti daytoy a siyudad, idinto ti suspek ket ni Jorge Ryan Baltazar alyas Rambo/Jr a residente iti brgy. Tamurong 2nd iti daytoy a siydad.
Ti imbestigasyon, naammuan babaen iti maysa a nakasaksi iti nasao a pasamak ti suspek ken ti maysa managan ti Darren a residente iti daytoy a barangay adda ti timmaud a saanda a nagkiinnawatan, napasamak ti rambol a ginandat ti biktima ti napan naganawa.
Mapapati, a ti suspek ket aksidente a naimalona ti iggemna a botelya ket nagdissu iti kannigid a paset iti bukot ti biktima nga isu ti nakasugatanna gapu ta nabettak ti botelya.
Ti biktima ket sigida a naitaray sadiay St. Martin de Porres Hospital para ti pannakapaagasda.
Agdama pay laeng a maisaysayangkat ti imbestigasyon ti nasao a pasamak.
Jeff Barredo
