CANDON CITY. Pormal a nalukatan itay bigat ti selebrasyon iti Feria Exposition 2008 iti syudad.Ti selebrasyon ket agpaut iti uppat nga aldaw.
Ni Deputy Speaker Eric Singson iti nangidaulo iti pananglukat iti selebrasyon. Immunan a program iti pannakacut iti ribbon iti trade fair a nakaiparangan dagiti naduma duma a produkto dagiti il ili iti segundo distrito. Kadwana ni Gobernor DV Savellano ken dagiti mayores a nangbisita kadagiti nadumaduma nga booth.
Iti panagbitla ni congressman Singson ditoy nga imbagana iti panangsuportar na iti agtultuloy a panangpapintas kadagitoy a produkto dagiti il ili. Inwaragawag na met iti panangted na iti pundo nga 100K iti kada booth dagiti ili a nakipagpaset iti trade fair.
Naigiddan met iti programa iti mobile passporting ken jobsfair iti civic center. Adda pay iti patraining iti TESDA iti plumbing,carpentry ken welding.
Paset amin dagitoy iti Feria celebration ken programa ni Congressman Singson.
Ni mayor Allen Singson iti nangted iti pammasangbay kadagiti sangaili.
Daytoy iti maikatlo a tawenen iti Feria de Candon.Immuna a naaramid ti feria ti candon idi tawen 1892 nga biniyag iti syudad iti 2005.
