Katas ng VAT, naidanun kadagiti Senior Citizens iti Galimuyod

GALIMUYOD, ILOCOS SUR – “Nasurok nga uppat a gasut a senior citizens dagiti mabenipisyaran manipud ti programa ti national a ‘katas ng vat.’ Daytoy man ti nabatad a kinuna ni Municipal Mayor Jessie Balingsat.
Dagiti mabenepisyaran ket dagiti agtawen ti pito pulo a nasurok ken dagiti awan ti aw-awatenda a pension, innayon ti alkalde.
Naammuan kenni Mayor Balingsat nga inmatunan dagiti naggapu kadagiti nangibagi iti regional office ti DSWD ken nai-coordinate iti municipal DSWD office, tapno maarisit ken naisubmitar da dagiti kuwalipikado a mabenepisyaran.
Naammuan pay kenni Mayor Balingsat nga iti ilida pay laeng ti 100 a porsiento a naikkan kadagiti senior citizens ti katas ng VAT a lima gasut a pisos ti tunggal maysa.
Innayon pay ti nasao nga opisyal, kadagiti saan a nakakamakam idi mierkoles, ibati dagiti taga regional office ti financial support iti opisina ti DSWD iti ilida ta isudanto ti mangited.
Jeff Barredo