videoke bars, nainget a tuttutukan dagiti pulis

SANTA MARIA, ILOCOS SUR – “Manipud idi nagsasaruno ti napasamak a riribuk nga adda ti pakainaiganna ti videoke bars, nainget ti panangtutukmi tapno maikkan ti seguridad dagiti umayuyang dagitoy a dissu.” Daytoy ti nabatad iti hepe ti polisya iti daytoy nga ili a ni Police Sr. Insp. Eric Ecob Fernandez.
Naammuan kenkuana a bimmaba ti oras ti panag-operate dagiti videoke bars a masarakan iti abagatan a paset iti public market, masaksakupan iti brgy. Maynganay Sur.
Kinunana pay nga agisaysayangkatda ti regular nga operation bakal tapno maammuan no adda kadagiti agitugtugot kadagiti makapatay nga igam.
Inpakaammo pay ni P/Sr. Fernandez, a bimmaba ti oras ti operasyon dagiti videoke bars, ken tallo laengen dagiti steady nga agop-operate.
Kinunana pay a mangnamnama a maammiendaran ti ordinansa mainaig ti operasyon ti videoke bars agsipud ta daytoy ti naammuanna kadagiti kameng ti konseho.
Jeff Barredo