Tagudin, Ilocos Sur. Agsipud ta nagbalin napintas ti impakitada a trabaho ken responsibilidad, nairekomenda ken nagbalinen a regular employee dagiti amin a casual employee ti local government unit iti daytoy nga ili.
Daytoy ti naammuan kenni Mayor Roque Versoza iti Tagudin bayat iti eksklusibo nga interview kenkuana ti DZTP Radio Tirad Pass.
“Sapay koma ta nupay nagbalindan a regular employee, agtultuloy latta ti kinagagetda iti trabaho ken agtultuloy ti napintas a serbisioda kadagiti kakailian ditoy Tagudin,” kinuna ti mayor.
Ti panagbalin a regular dagiti empleado ket kas maibasar iti rekomendasion dgiti opisina a pagtrabtrabahuanda.
Ti pammaliiw iti panagbalin regularda ket naibasar iti performanceda itay napalabas a tawen.
danny
