Tagudin, Ilocos Sur. Dua a lalaki ti tiniliw dagiti panakabagi ti linteg idi dagitoy ket natiliwan iti marijuana a naikabil iti posporo idiay barnagay Lacong, Tagudin, Ilocos Sur.
Dagiti natiliw ket da Caesar Lascota Fajardo, 44 anios, residente iti Malacanang, Tagudin, ilocos Sur ken ni Michael laranang CArlos, 30 anios, residente met iti Lacong, Tagudin, ilocos Sur.
Iti impormasion a naala ti DZTP, dagiti dua ket mapapati nga ag-marijuana koma ngem impulong daytoy dagiti maseknan a bumarangay iti pulisia.
Idi nagresponde dagiti pulis, inyawat ni Caesar ti kahon ti posporo a daytoy ket naglaon iti napagango a bulong a mapapati a marijuana.
Naiturong dagiti suspek iti Tagudin General Hospital para iti panaka-check up kadakuada.
danny
