CANDON CITY, ILOCOS SUR – Babaen ti bileg ti warrant of arrest, naarestar ti maysa a lalaki iti aggarup oras alas 12:30 idi tengnga ti rabii babaen ti panangidaulo ti Deputy Chief Of police a ni Police Insp. Manuel Viaje.
Nabigbig a ti suspek ket isuni Reynante Ramos y Mojita, 44-anyos, baro ken residente iti brgy. Caterman iti daytoy a siyudad.
Naarestar ti suspek babaen ti panagpatpatrolya dagiti kameng ti polisya nga inmatunan ti DCOP partikular kadagiti balay pagraragsakan iti barangay Paras.
Natiempuan dagiti kameng ti polisya ti suspek iti uneg ti maysa a videoke bar.
Naammuan a ti suspek ket addaan tistandingh warrant of arrest a sumangsango iti kaso nga arson, addaan ti criminal case number 2731-C, babaen ti panangiparruar ni Judge Policarpio Martinez manipud iti RTC Branch 71 ditoy siyudad ti Candon a naairekumendaan ti piyansa ti gatad dua a gasut a ribu a pisos.
Ti suspek ket agdaman a nakabalud iti police station ditoy siyudad ti Candon.
Jeff Barredo
