Indauluan da presidential aspirant ken National Defense secretary Gilbert Teodoro ken Department of Education secretary Jesli Lapus dagiti dimmar-ay a bisita ni Deputy Speaker Eric Singson iti panakarambak ti kasangayna idi Hunio 15, 2009 idiay Stern Mall, Candon City.
Pakairamanan pay kadagiti bisita ket da National Security undersecretary Luis Chavit Singson, Cong. Jose Ping-ay ti COOP-Natcco, Cong. Pacoy Ortega ti Abono partylist, Cong. Solomon Chungalaw ti Ifugao, Gobernador DV Savellano ti Ilocos Sur, Gobernador Takits Bersamin ti Abra, ken dadduma pay a pakairamanan dagiti opisiales ti ili ken barangay ti maikaddua a distrito ti Ilocos Sur.
Naisayangkat ti programa babaen iti panakaisayangkat ti maysa a misa iti panangidaulo ni Arsobispo Ernesto Salgado ken dagiti papadi ti Nueva Segovia.
Kalpasan ti misa, naisayangkat ti simple a programa a nagdiskursuan dagiti sumagmamano a bisita agraman ti birthday celebrant.
Iti panagsarita ni Singson, pinagyamananna dagiti dimmar-ay a nangkablaaw ken nakipagraragsak iti naisangsangayan nga aldawna.
“Alaek daytoy a gundaway nga agyaman kadakayo amin, saanmi a malipatan ti kaaddayo iti daytoy a panagkasangayko.” Kinuna ni Singson iti apagbiit a panagsaritana.
Kaddua ni Congressman Singson a nangpasangbay kadagiti bisita ti pamiliana a pakairamanan ni sigud a congresswoman Grace Singson ken dagiti anakna.
