CANDON CITY. Dua nga aldaw a suspendido ti klase iti Saint Joseph Institute (SJI) kas preventive measure iti panagraira iti AH1N1 case itoy a siudad.
Daytoy ket kalpasan a nagpositibo iti test ti maysa nga estudiante, ti kaunaan a positibo iti Candon City.
Pinasingkedan daytoy ni Dr. Manuel Cadacio, school physician bayat iti panakiuman-uman kenkuana.
Kinunana a nupay saanen koma a nasken daytoy a suspension ti klase iti pagadalan, ngem tapno maliklikan ti panaalis kadagiti dadduma nga estudiante, gapuna a naaramid daytoy dua nga aldaw nga awan ti klase.
Idi Julio 17 ken 20 a nasuspendi ti klase.
Mainaig itoy a banag, kinunana pay ti doktor a dagiti sumrekto iti klase iti pagadalan ket maalanto ti temperaturada tapno maammuan no agsakitda.
No kas pangarigan ngumato iti 37.5 sentigrado ti barada, mapaawid dagitoy ket santo la agbasa kalpasan ti 10 nga aldaw karaman ti medical certificateda.
Kabayatanna, nagtitinong payen ti city health board ket dita a tinamingda no kasano a mapengdan ti nakarkaro a panagrairana pay.
Apay adda h1N1 dita candon? ditoy nak manila ket kasla awn met bubutngan ti tattao. Kanayun a napunno ti mall ditoy. D ka pay makakuti iti uneg ti MRT kada LRT kaadu ti tao.