Earthquake drill, naituloy met laeng

Candon CIty, Ilocos Sur- Naisayangkat itattay bigat ti earthquake drill babaen ti panangidaulo kadagiti kameng ti BFP iti siyudad ti Candon, manipud kadagiti tallo a pagadalan kas iti North Central School, NICOSAT ken Candon National Highschool, itattay oras alas nueve ti bigat.
Naammuan kenni SFO2 Elpidio Galdonez, Deputy city Fire Martial ken agdama a chief operation, nagbalin a tallo a team iti biang ti BFP a kinaddua iti biang ti City Disaster Coordinating Council wenno CDCC iti siyudad ti Candon.
KInuna ni SFO2 Galdonez, inmatunan ni city fire Marcial F/Chief Insp. Nemesio Valenciano idiay North Central School, ni SFO1 Modesto dela Cruz, chief administrative ken iti NICOSAT nga inmatunanna met.
Naammuan a naannayas ti earhtquake drill babaen ti pannakipartisipar kadagiti studyante ken kadagiti mangisursuro, a daytoy nga training ket maaramat no kas bilang sumangbay ti di mapakpakadaan a didigra.
Maipalagip a naka-skedyul idi napalabas nga aldaw ti biernes ngem gapu ti isasangbay ti bagyo Isang, saan a natuloy.
Jeff Barredo