SANTA MARIA, Ilocos Sur. Natay ti maysa a tomboy bayat a nakalugan iti motorsiklo idi daytoy ket napaltogan iti barangay Poblacion Sur itoy nga ili.
Ti biktima ket managan Glenda Basconcillo, 35 anios, residente iti Cabcaburao, Burgos, Ilocos Sur. Dagiti suspek ket saan a nabigbig.
Iti inisial nga imbestigasion, ti biktima ket nakalugan iti Honda Wave a kadduana ti maysa managan Mary Grace Rendon a residente iti barangay Suso, Santa Maria.
Bayat iti panagturongda iti Burgos, dagiti di nabigbig a suspek ti a nakalugan iti motorsiklo ti immasideg ket pinaltoganda iti close range.
Natay ti biktima kabayatanna a naglibas met dagiti suspek.
Kalibre 45 ti mapapati a naaramat a paltog.
Agpapan kadagitoy a gundaway ket awan pay laeng ti matudo a suspek
