Maysa nga Ilokano ti kabarbaro a Department of Public Works and Highway secretary. Ket pimmasiaren ditoy probinsia ti Ilocos Sur.
Ti kabarbaro a mangidadaulo iti DPWH ket ni Secretary Victor Domingo, tubo iti Laoag, Ilocos Norte. Maysa nga Ilokano.
Itay nabiit, pinasiar ni secretary Domingo ti nagreggaay a paset ti national highway a masarakan iti barangay magsaysay, Santa Ilocos Sur.
Kinadduana isuna ni Deputy Speaker Eric Singson ken dadduma pay a kameng ti DPWH region 1. Sinabet met isuna da mayor Jayjay Bueno ken dadduma pay a kameng ti Santa, Ilocos sur.
Inpasigurado ti kabarbaro a sekretario a maikkan iti importansia rangtay ket iti kabiitan a panawen ket marugian daytoy.
“Napateg a masimpa daytoy a kalsada tapno makagtengkami idiay Ilocos Norte,” kinunana bayat iti panakiuman-uman.
Ti nasao a kalsada ket napakaruan manen a nagreggaay a totally a na-washed ti sementado a kalsada. Pinakaruan daytoy dagiti bagyo a limmabas a da Pepeng.
Nupay kasta, dakkel a pondo ti kasapulanna gapuna a ti mabusbos ditoy ket manamnama nga aggapu iti loan iti sabali a pagilian.
Tinawen a makurkurkuran daytoy a paset ti kalasada nga adda ngarud a masarakan iti igid ti baybay.
Iti agdama, adda iti detour road a pagpagnaan dagiti lugan nga agpa-manila ken ilocos norte, nupay kasta daytoy ket maysa a pribado a daga.
Pakairamanan kadagiti pinasiar pay ni Secretary Domingo ti dandanin a malukatan a kabarbaro a rangtay iti Banaoang. Wenno ti nagbaetan ti Santa ken Bantay Ilocos Sur
Manamnama a daytoy ket malukatan iti dyatoy bulan ti disiembre. Ti rangtay ti kabarbaro a pagdaliasatan iti Abra river kalpasan ngarud nga agrakayan ti Quirino bridge nga agdama a rangtay dagiti lugan.
