Police Chief Superintendent Ramon V. Gatan, Police Regional Office 1 Director, placed on full alert the Region 1 police and ordered the augmentation of route security, traffic management and preventive patrol operations in the entire region in anticipation of the upcoming observance of All Saints’ Day and All Souls’ Day on November 1 and 2, locally referred to as “undas.”

“Undas is a yearly activity during which we expect heavy traffic jams in our thoroughfares and congestion in commercial centers, public markets, cemeteries and other places of convergence.  At this time, we need to double our efforts to ensure a peaceful and orderly observance of undas, “PCSupt. Gatan stressed.

Gatan added that the Region 1 police, as in previous years, will be tapping the support of other government agencies, non-government organizations and volunteer groups in providing maximum security coverage and public safety services to include motorist assistance along major highways and traffic management along routes leading to cemeteries.

Moreover, Gatan designated senior Police Commissioned Officers as supervisors who shall closely monitor and oversee the overall conduct of the operations.

“In every province, there is a designated member of the Regional Directorial Staff who will supervise the various public safety activities in coordination with the Provincial Directors of Police Provincial Offices starting October 30, 2009.  The designated supervisor In Ilocos Norte is PSupt. Reynante G. Partible, PSSupt. Teodorico M. Danao in Ilocos Sur, PSSupt. Ramon O. Purugganan in La Union, PSSupt. Amando S. Lagiwid in the 1^st, 2^nd, and 3^rd Districts of Pangasinan, and PSSupt. Eduardo A. Dopale in Pangasinan’s  4^th ,5^th and 6^th Districts,” Gatan added.

Meanwhile, the Pangasinan police announced the implementation of a traffic rerouting scheme as part of its preparations for undas.  Maximum police visibility will be provided along three (3) options for the route from Manila going to La Union-Baguio and vice-versa.  The first option is Rosales-Villasis-Sta Barbara-Mangaldan-San Fabian; the second, Rosales-Villasis-Urdaneta City-Manaoag-San Jacinto-Mangaldan-San Fabian; and the third option is Binalonan-Laoac-Manaoag-San Jacinto-Mangaldan-San Fabian.

Gatan gave the assurance that continuous coordination with the Department of Public Works and Highways, Local Government Units and other stakeholders is being conducted to ensure the successful implementation of “Oplan Kaluluwa 2009”. pnppro1

Balligi ti naisayangkat a dua nga aldaw a 2009 Regional English Olympics ti Department of Education ti Region 1 babaen iti panang-host ti Candon City Division idi Oktubre 26-27, 2009.

Iti interview kenni Mrs. Caridad Oasan, Education Supervisor iti English Department ti Candon City Division a maragsakanda agsipud ta dinayaw dagiti 15 a DepEd Schools Division ti panang-hostda itoy a programa.

“Narigat ti host, ngem no mangegmo ti impressions dagiti naggapu iti dadduma a divisions ket kasla mapukaw amin a banbannog.” Kinuna ni Mrs. Oasan iti interview.

Pinadayawanna ngarud ti napintas a kooperasion dagiti mangisursuro, mangidadaulo, steering committee ken city government iti panangidaulo ni Mayor Allen Singson gapu gapu iti napalaus  a suportada iti daytoy a programa.

Ti English Olympics ket naisayangkat para iti elementaria ken sekondaria ti region 1.  Naisayangkat ti programa iti Candon National High School ken Candon South Central School.

Pakairamanan kadagiti nagpartisipar ket ti division ti Laoag City, Batac City, Ilocos Norte, San Fernando City, La Union, Ilocos Sur, Candon City, Vigan City, Pangasinan 2, Alaminos City, Urdaneta City, Pangasinan 1, San Carlos City ken Dagupan City.

Iti elementaria, nagsasalip dagiti ubing kadagiti sumaganad; Poem Recitation iti Grade 1 ken 2, Spelling Bee ti Grade 3, Declamation iti grade 4, Essay writing ti grade.

Kabayatanna iti high school ket nagsasalipda met iti Spelling Bee iti 1^st year, Declamation ket 2^nd; Essay writing iti third year, ken Oration iti 4^th year.

Maysa kadagiti aktibo nga organisasion a mangisaysayangkat ti panangtulong nangruna kadagiti napakaruan dagiti napalabas a bagyo ket ti Lions Club-Candon City.

Naammuan kenni Jane Fontanilla, ti Lions Club-Candon City a nangisayangkatda manen iti medical mission ken relief operation idiay Tuguegarao, Cagayan idi Oktubre 30, 2009.

Daytoy ket babaen iti panangidaulo ni Lions Governor Modesto Pacquing tapno matulongan dagiti napakaruan ti bagyo Pepeng ken Ramil.

“Agarup iti 300 a pamilia ti inikkanmi iti relief goods ken naikkan iti medical check-up ken agas.” Kinuna ni Ms. Fontanilla iti interview kenkuana.

Agtultuloy daytoy a programada a kas paset iti panangipaay iti tulong tapno makabangon dagiti biktima ti bagyo.

Kadagiti napalpalabas nga aktibidadda ket ti panangisayangkatda iti First Sight Mission ditoy Candon City ket nangisaysayangkatda ti konsultasion ti mata ken panangited iti libre a reading eyeglasses.

Idi Agosto 2009, agarup iti 1,640 ti naikkan ti reading glasses iti panakaisayangkatna idiay  Candon City plaza.

Banayoyo, Ilocos Sur. Umadanin ti Todos Los Santos, ket madama kadagitoy a pakaburiboran dagiti umili ket ti panakasimpa iti panteon dagiti minatayda.

Iti ili ti Banayoyo, maysa kadagiti proyekto nga insayangkat ti local government ket ti panakadalus ken libre a panakapintura kadagiti amin a panteon iti lima a sementerio.

Naammuan daytoy bayat iti panakiuman-uman kenni Sangguniang Bayan Member Santos Bayaya.

Dagiti lima a sementerio itoy nga ili ket masarakan iti Poblacion, Pila, Elefante, Banbannaal ken barangay Lopez.

Malaksid iti libre a panakapintura iti amin a panteon, maikkan pay dagitoy iti silaw intono Oktubre 30, 31, Nobiembre 1 ken 2.

“Adu latta ngamin dagiti mapmapan mangsarungkarda iti minatayda iti rabii.” Kinuna ni Sangguniang Bayaya.

Inkalikagumda laeng a makipartisipar koma dagiti umili iti daytoy a programa ni mayor Severino Galanga babaen iti panangdalusdan kadagiti panteon ti minatayda tapno naparpartak ti panakapintura kadagiti panteon.

Maipalagip a kannawidanen ni Ilocano a sarungkaran dagiti minatayna no madanon ti Todos Los Santos. Nupay kasta, gapu ta kapades ti panagapit ti pagay, adu pay laeng kadagitoy ti mangitantan tapno mauna ti panaggapas.

Maysa a lalaki ti nasarakan a maysa a bangkay iti uneg iti pagtaengan a naturoganna gapu iti mapapati a bangungot idiay Tamurong 1^st, itoy a siudad.

Ti biktima ket managan Melchor Balcita y Espiritu, 37 anios, residente iti Bantay Abot, Narvacan, ngem temporario nga agnanaed iti nadakamat a barangay.

Ti biktima ket maysa a construction worket iti Tamurong 1^st gapuna a daytoy ket matmaturog iti balay ti kaanakanna.

Iti inisial nga imbestigasion, bulan iti Hulio idi ibagbaga ti biktima a no maturog daytoy iti salas ket mabatbatibat daytoy gapuna nga iti ruar daytoy a matmaturog.

Ngem iti dayta a gundaway, kapigsa ti tudo ken angin, napilitan a naturog ti biktima iti salas, ngem kabigatanna ket nasarakan daytoy a maysan a bangkay.

Awan makitkita a foul play iti nasao nga insidente.

Milion a gatad a dadael manipud iti biang iti inprastraktura, agrikultura, dinguen, ken balbalay ti inbati ni Bagyo Pepeng iti makalawas a panagbasnotna ditoy probinsia ti Ilocos Sur.

Pakairamanan pay ditoy ti maysa a natay ken 2 a mapukpukaw.

Daytoy ket kas maibasar iti report a naala manipud iti opisina ni Gobernador DV Savellano.

Iti naala a report, naapektaran ti 34,592 a pamilia wenno 104,690 nga indibidual manipud iti 353 a barangay ditoy Ilocos Sur. Kinasapulan ti P20 a million a kas relief assistance.

Iti biang iti inprastraktura, agarup iti P102 a million ti dadael iti kalkalsada, P100 a million iti seawalls, P17 milion iti provincial roads, ken P28 iti rangtay wenno agdagup daytoy iti P248 a million a pesos.

Agarup met iti P80 a million ti dadael iti agrikultura, pakairamanan ditoy ti P45 milion iti pagay, P30 iti fisheries, P323,000 iti mais ken P4 milion iti dadduma pay a mula.

Iti dinguen ket agdagup iti P13 ti dadael a pakairamanan ditoy ti 350 a baboy, 128 a baka, 902 a kalding, 59 a nuwang, 23,532 a manok ken dadduma pay.

Iti pakabuklan, aganay iti P340 milion ti dadael iti sibubukel a probinsia gapu iti panangsaplit ti bagyo a ni Pepeng.

Kabayatanna, aganay met iti P56 milion ti partially damaged manipud iti 1,424 a pagtaengan ken P11 a million para iti 141 a totally damaged a pagtaengan. Aganay iti 32,850 ti narenneb iti layus a balay ken sumagmamano a balay iti Oribi, Dammay iti Santa ken Gregorio del pilar tin a-isolate.

Maysa ti natay a daytoy ket ni Delia Cabjuan iti Santa Maria, Ilocos Sur, ken 2 ti mapukpukaw iti Tubalina, Gregorio del Pilar.

Agtultuloy met ti isaysayangkat a relief ken medical mission ti provincial government agraman ti opisina da Congressman Eric Singson, Congressman Ronald Singson, ken dagiti naduma-duma a siudad ken ili ditoy probinsia ti Ilocos Sur.

Nakigtot dagiti residente iti barangay Darapidap nga iti baet dagiti kaykayo ken dadduma a rugit iti baybay a nayanud gapu iti bagyo Pepeng, ket adda ti maysa a fetus ti nasarakanda ditoy.

Ti fetus ket naikabil iti garapon ket daytoy ti nakita a naipaigid iti baybay a karaman dagiti dadduma pay a nayanud gapu iti layus.

Saan pay met ammo no sino ti nangibelleng iti nasao a fetus ken no ania ti gapuna no apay a daytoy ket inbellengda.

Kalpasan a nakararagan ti fetus, daytoy ti napunpon iti sementerio.

Agtultuloy ti imbestigasion dagiti panakabagi ti linteg.

Maysa a paltog ti insuko dagiti barangay officials ti Butol iti kuerpo iti pulisia itoy nga ili.

Insuko dagiti barangay officials ti Butol babaen iti panangidaulo ni kapitan Romulo Gallebo iti panangisukoda iti kalibre .38 a paltog.

“Daytoy ket naisurender met iti kaniana ti kalugaranna nga insurenderna met ditoy pulisia.” Kinuna ni Police Inspector Providencio Calibuso bayat iti interview kenkuana.

Inlawlawag pay ni PI Calibuso a daytoy ket kas maiyanatup iti programa ti pulisia a Kontra Boga wenno ti panangisuko kadagiti loose firearms.

“Tuladenda koma dagiti dadduma a barangay officials ti inaramid ti Butol.” Innayonna pay.

“Umadanin ti basingkawel ti pulitika, nasaysayaat no maikkatan dagiti colorum a paltogda.” Kinunana pay.

Nasurok iti 2000 a senior citizen ti nakipartisipar iti panangrambak iti Elderly Filipino Week Celebration iti Candon City itay nabiit.

Daytoy ket babaen iti programa a naisayangkat iti Candon Civic Center a kas paset iti panagragragsakda ken panakipagmaymaysa iti panangkita iti aldaw para kadagiti babbaket ken lallakay.

“Nangisagana kami iti programa kas koma iti panagsala, panagkanta, panakapili ti Mr. and Mrs. Senior Citizen ken dadduma para iti panagragragsakmi.” Kinuna ni Mr. Elpido Gabatin bayat iti interview kenkuana.  Isuna ti presidete ti Candon City Federation of Senior Citizens Association ti Candon.

Addaan iti tema, Nakakatanda: Dangal ng Bayan, Noon at Ngayon—nagbalin a naisangsangayan nga aldaw kadakuada ti simple a programa.

Kas resulta ngarud, nagbalin a naragsak dagiti babbaket ken lallakay babaen iti panagsalada ken panagkanta kas panangipasimudaag a kabaelanda pay laeng ti mangipaay iti ragsak ken mangipadanon ti importansia kadagiti umili.

Pinadayawan ti Department of Interior and Local Government ti Region 1 ti Candon City ken ti agdama a City Local Government Operation Officer idi Setiembre 3, 2009 iti opisina idiay San Fernando, La Union.

Ti Candon City ti nagbalin a Best Performing DILG City Team iti 2008 kabayatanna a ni Mrs. Victoria Ramos ti naikkan met iti Certificate of Special Commendation gapu iti napintas a serbisioda iti kakailianda.

Iti interview kenni Mrs. Ramos, kinunana a daytoy ti mangnayon iti regtada tapno ad-adda pay a papintasen ti panagserbida kadagiti umili.

“Daytoy a pammadayaw a naited iti Candon City-DILG ket saanmi a nagun-od no awan ti panagkaykaysa ken panagtitinnulong dagiti opisiales.” Kinuna ni Mrs. Ramos.

Ti pammadayaw kenni Mrs. Ramos ket kas maibasar iti performancena kabayatanna nga iti siudad ket kas panakapili kadagiti amin a siudad iti region.

Adda met kategoria para iti munisipalidad ken probinsia.

Iti 2007, maikaddua ti Candon City iti Laoag City.