SANTA LUCIA, Ilocos Sur. Maysa ti natay gapu iti aksidente a napasamak iti 5 a lugan, maysa ditoy ti government vehicle, a napasamak iti national highway, barangay Angkileng itoy nga ili.

Natay iti aksidente ni Herminia Dasalla iti Santa Maria, Ilocos Sur. Kabayatanna nga adu ti nasugatan.

Dagiti lugan ket pakairamanan ti motorsiklo a Kawasaki Fury, minaneho ni Amancio Dasalla ken kadduana a naglugan ti asawana a ni Herminia Dasalla, mangisursuro, residente iti Lingsat, Santa Maria, Ilocos Sur; traysikel, addaan plaka FX-8414, minaneho ni Ernesto Fernando a kadduana met ni baketna a ni Gloria Fernando, agpada a residente iti Namatican, Santa Lucia; Suzuki a motorsiklo, addaan plaka 5499-AE, minaneho ni Paul Jomar Aquino, 21 anios, residente iti Barangobong, Santa Lucia; Florida Bus, addaan plaka BVS-524, minneho ni Paulino Richard Delegado, residente iti Fairview Park, Quezon City; ken Toyota Revo, addaan plaka SGS-702 (red plate), minaneho ni Benjamin Lucena, residente iti Dalumpinas Oeste, San Fernando City, La Union.

Iti inisial nga imbestigasion, ti Revo ket agpa-abagatan idi addan iti sango municipal station, nadungparna ti motorsiklo a Fury iti sango, sa ti traysikel ket nadungpar met ti traysikel ti Florida Bus a naka-parking ta agiluglugan.

Mapapati a nagdiretso latta ti Revo a di pay nagpreno agingga a nadungparna manen ti maysa a motorsiklo ngem nagdiretso latta nupay naisab-it ti motorsiklo agingga nga indungparna iti poste ti koriente tapno maikkat koma ti motorsiklo a naisab-it ken makaliklik iti pulisia.

Nakaru a nasugatan dagiti biktima ket naitarayda iti ospital kabayatanna a mapapati a nabartek ti drayber ti government vehicle a nakaigapuan ti aksidente.

Agtultuloy ti imbestigasion ti pulisia.

CANDON CITY.  Natay ti maysa a baro a naglugan iti motorsiklo idi naaksidente a nakidinungpar daytoy iti Partas Bus, iti barangay Paras, Candon City.

Ti biktima ket managan Daryll Greig Hadap, 20 anios, residente iti Sabuanan, Santa Lucia, Ilocos Sur kabayatanna a ti Partas ket addaan plaka AVZ-632, minaneho ni Diomedes Christy Corpuz, 39 anios, residente iti Camaan, Burgos, Ilocos Norte.

Iti inisial nga imbestigasion, ti XRM nga addaan plaka BI-4128 a minaneho ti biktima ket agpaabagatan kabayatanna nga agpa-amianan met ti Partas. Nagsinapgidda iti tengnga iti kalsada babaen  iti panakasagid iti kanigid a bakrang ti bus.

Kinuna ti drayber ti bus a ginandatna a liklikan ti panag-face to faceda  babaen iti panagpadaya koma ngem gapu ta adda ti nakaparking a trailer truck gapuna a dina unay naipaigid.

Dead on arrival ti biktima idi naitaray iti ospital kabayatanna a naaddaan iti nakaro a panakadadael dagiti lugan.

CANDON CITY.  Natay ti maysa nga SK chairman ken ti kadduana a nakalugan iti motor kabayatanna a grabe ti maysa gapu iti aksidente a napasamak iti Darapidap Road itoy a siudad.

Dagiti biktima ket da Michael Arellano, 18 anios, baro, SK Chairman iti Balingaoan, Candon City ken ni Raymund Dagsi, baro, residente iti Calongbuyan, Galimuyod Ilocos Sur.  Nasugatan met ni Kempee Gacusan, baro, residente iti Balingaoan, Candon City.

Iti pakpakauna nga imbestigasion, da Arellano ken ni Gacusan ti naglugan iti Honda Wave 100, ni Arellano ti nag-drive, ket agpalaudda ket nasabatda met ti Honda TMX nga imanmaneho ni Dagsi ket dita a napasamak ti aksidente.

Dagiti tallo ti naitaray iti St. Martin de Porres Hospital ngem ni Arellano ti dead on arrival, da Arellano ken Gacusan ti nailipat idiay San Fernando La Union ngem natay ni Arellano kalpasan ti sumagmamano nga oras.

Naaddaan met iti nakaro a panakadadael dagiti lugan.

Agtultuloy ti imbestigasion dagiti panakabagi ti linteg.

Candon City. Adda manen napasamak aksidente iti Darapidap Beach road a sakupen ti barangay San Agustin, itoy a siudad.

Daytoy ket babaen iti panaka-crashed ti Kawasaki Fury, addaan plaka 6207-AR, minaneho ni Mark Sanchez, 23 anios, residente iti Oaig Daya, Candon City.

Iti inisial nga imbestigasion, ti lugan ket agturturong iti laud idi daytoy ket napukawan iti kontrol ket nakuyasyas iti kalsada.

Nakarikna iti ut-ot ti drayber ken naaddaan met iti panakadadael ti lugan.

Candon City. Nasugatan ti maysa a lalaki idi ti naglugananna ket nagsarili a naaksidente iti national highway, barangay Oaig Daya, itoy a siudad.

Ti biktima ket managan Guillermo Garces, karpintero, 34 anios, residente iti San Jose, Candon City.

Iti inisial nga imbestigasion, ti biktima ket naglugan iti motorsiklo a minaneho iti di nainaganan idi ta pagamuan ket napukaw ti drayber ti kontrolna iti manibela agingga a na-slideda iti kalsada.

Nasugatan iti rupana ti biktima ket naitaray daytoy iti Candon City Hospital para iti panakaagas kenkuana.

Candon City. Nayospital ti maysa nga ubing idi daytoy ket nadungpar iti ibabalasiwna iti kalsada a sakupen ti Galimuyod-Salcedo road, a sakupen ti barangay Allangigan 2nd, itoy siudad.

Ti biktima ket managan Lenard Garringo, 5 anios, residente iti Patac, Galimuyod, Ilocos Sur kabayatanna a ti nakadungpar ket Yamaha Mio, addaan plaka 8940-AO, minaneho ni Gilbert Gacusana, iti Parioc 2nd, Candon City.

Iti inisial nga imbestigasion, ti biktima ket bumallasiw iti kalsada idi daytoy ti aksidente a nadungpar ti nasao a lugan.

Nasugatan ti biktima ket naitaray daytoy iti ospital para iti panakaagas kenkuana.

Candon City. Adda manen napasamak nga aksidente iti Darapidap beach road, partikular iti asideg iti Candon Wet Market barangay San Agustin itoy a siudad.

Dagiti lugan ket Honda XRM 125, addaan plaka 5529-AN, minaneho ni Dsil Vernebryan Sorio, 24 anios, iti Guardia, Banayoyo ken ti Black Euro, addaan plaka 7745-AL, minaneho ni Ronie Manzano, residente met iti Talogtog, Candon City.

Naglugan iti XRM da Danny Pang-ao, 20 anios iti Matibuey, San Emilio ken ni Dennis Dumag, 24 anios, residente iti Nagtablaan, Santa Lucia, kabayatanna a naglugan met iti Euro ni Marycel de Guzman, 23 anios iti Talogtog, Candon City.

Iti inisial nga imbestigasion, ti XRM ket agpadaya ket mapapati nga agaangaw dagiti tallo a naglugan kabayatanna a ti Euro ket agpalaud met idi napasamak ti aksidente.

Kinuna ti drayber ti Euro nga inala ti XRM ti liniada kabayatanna a kinuna met ti naglugan iti XRM nga ag-overtake ti Euro.

Ginandat ti XRM ti pumanaw iti nakapasamak ti aksidente ngem nalapdan daytoy babaen iti traysikel kabayatanna a mapapati a nakainom iti arak ti drayber ti XRM.

Nasugatan ni Marycel iti dayta nga aksidente ket naitaray daytoy iti ospital para iti panakaagas kenkuana.

dannyboy

Candon City. Natukkol ti saka ti maysa nga empleado ti gobierno idi daytoy ket naaksidente bayat ti panagbisikletana iti barangay Paras itoy a siudad.

Ti biktima ket managan Ben Sanchez, 36 anios, residente iti Oaig Daya, Candon City, empleado iti city government ti Candon.

Iti inisial nga imbestigasion ti pulisia, ti biktima ket agbisbisikleta nga agpa-amianan a sarsarunuen ti Mitsubishi Adventure, addaan plaka CRK-688, minaneho ni Romeo Rafol, residente iti Claveria, Cagayan.

Mapapati nga ag-overtake koma ti adventure ngem adda met masabetda a lugan, ket iti panagpaigidna, napaubetanna ti bisikleta.  Naipurwak ti biktima ket naisaltek met ti bisikleta iti sabali pay a lugan a naka-parking iti dayta a gundaway.

Natukkol ti kanawan a saka ti biktima ket naitaray nga insigida iti balay pagagasan.

Candon City.  Tengnga iti rabii idi nadungpar ti maysa a lalaki a puon ti nakayospitalanna iti barangay Oaig Daya, itoy a siudad.

Ti biktima ket managan Dante Cottong, 24 anios, residente iti Malibcong, Salcedo, Ilocos Sur kabayatanna a ti motorsiklo ket Honda TMX 155, awanan iti plaka, minaneho ni Leo Galanta, 17 anios, residente iti Paras, Candon City ken kadduana a naglugan ti maysa managan Christian Galace, iti Balidbid, Salcedo, Ilocos Sur.

Iti inisial nga imbestigasion, ti motorsiklo ket agdaldaliasat iti national highway agarup tengnga iti rabii kabayatanna a ti biktima ket bumallasiw met iti kalsada idi napasamak ti aksidente.

Naitaray iti Candon City Hospital ti biktima agraman dagiti naglugan iti motorsiklo.

dannyboy

Santa Lucia, Ilocos Sur. 11 ti nasugatan idi nag face to face ti maysa a mini bus ken closed van iti aksidente a napasamak agarup alas sais iti parbangon iti barangay San Juan itoy nga ili.

Ti Minibus ket Chredcel, addaan plaka AVZ-883 ken minaneho ni Christopher Batin, residente iti Banaoang, Santa, Ilocos Sur, konduktorna ti managan Michael Burgos, residente iti isu met laeng a lugar.

Ti closed van ket addaan plakaRFD-717, minaneho ni Teddy Candelaro ken kadduana met ni Homer Cruz, residente iti Malolos, Bulacan.

Iti inisial nga imbestigasion, ti minibus ti agturong iti abagatan kabayatanna a ti closed van ti agturong met iti amianan idi mapapati nga inalana ti linia ti minibus ket ditan a napasamak ti aksidente iti kurbada.

Nasugatan dagiti draybers ken dagiti kadduana, agraman dagiti pasaheros a pito a sabsabali pay.

Agtultuloy ti imbestigasion ti pulisia.

dannyboy