BURGOS, Ilocos Sur.  Ti ili ti Burgos ti maysa kadagiti kaudian nga ili a mangpappapintas iti municipal hall buildingda ditoy Ilocos Sur.

Daytoy ket mainaig iti agdama a panakasimpa iti facade ti munisipio ti daytoy nga ili babaen iti panakabil iti agdan ken luminous green nga atep.

Iti interview kenni Mayor Nathaniel Escobar iti daytoy nga ili, kinunana a daytoy ket babaen iti panangilatangda iti pondoda.

“Inikkanmi ti agdan ti sango, a daytoy ket umuli iti maikaddua a kadsaaran tapno saan unay a marigatan nga agdiretso kadagiti opisina iti ngato ken pumintas iti sango ti balay ti ili.” Kinunana.

Kabayatanna, inabrasa met dagiti kakailian ti Burgos, Ilocos Sur ni mayor Escobar iti panagkangayna idi Septiembre 10, 2009.

Burgos, Ilocos Sur-Nainget ti isaysayangkat a ‘follow-up investigation’ kadagiti kameng ti polisya iti daytoy nga ili mainaig ti napasamak a pammaltog a nakatayan ti maysa a lalalki idi parbangon kalman, aggarup oras ala una, sadiay brgy. Callitong, Burgos, Ilocos Sur.
Nabigbig a ti biktima managan Elmer Dizon y Pimentel, 45-anyos, mannalon, naasawaan ken residente iti nakapasamakan ti nasao nga insidente, manipud kadagiti di nailasinan a suspek.
Ti imbestigasyon kadagiti pannakabagi ti linteg, naammuan nga aggarup ala una idi parbangon ti martes, ti biktima a kadduana ti live-in partner na a managan Rosemarie Dagdag y Lazaro, nataengan ket matmaturogda iti uneg ti pagtaenganda a masarakan iti turod a lauden a paset ti nasao a barangay.
Naammuan a dagiti di nailasinan a suspek, ket nagkatokda iti ridaw ti pagtaengan iti biktima.
Naammuan pay nga idi napan linukatan ti biktima ti ridaw, sigida a pinaltopaltogan dagiti suspek ti biktima a nakapuntaan iti nadumaduma a paset iti bagina a nangitunda ti sigida a nakatayanna.
Kabayatanna dagiti saan a nailasinan a suspek ket sigida met a naglibasda kalpasan ti insidente.
Nakarekobre dagiti kameng ti polisya iti nakapasamakan ti pammaltog ti uppat a kapsula ti M16 rifle ken maysa a cartridge para iti carbine.
Agdama pay laeng nga am-ammuen dagiti kameng ti pannakabagi ti integ no ania ti motibo ti nasao a pammaltog.
Jeff Barredo

Burgos, Ilocos Sur- Sigida a natay ti nagmaneho ti motorsiklo, idinto nakaro met a nasugsugatan ti kinasakayna gapu ti aksidente a panangdungparda iti alad ti rangtay iti Burgos Bridge, Brgy. Ambugat, Burgos, Ilocos Sur a napasamak idi aggarup oras alas dies idi naminsan a rabii.

TI natay a biktima ketk nabigbig nga isu ni Ronnel Enriqauez y Manuel, 23-anyos, manalon a daytoy ti nagmaneho ti maysa a single motorcycle a Rhamski, agmaris ti nangisit ken addaan plaka DD-3182, idinto a nakaro met a nasugsugatan ti mismo a kabsatna a kinasakayna a nabigbig a ni Ruben Enriquez y Manuel, 44-anyos, naasawaan, mannalon ken residenteda iti brgy. Dayanki, BUrgos, Ilocos Sur.

Ti imbestigasyon kadagiti kameng dagiti pannakabagi ti linteg, dagiti agkabsat ket panpanurnurenda idi iti kalsada a naggapuda iti brgy. Luna nga agturongda iti Brgy. Poblacion Norte iti daytoy nga ili.

Naammuan idin ta masungaddan iti rangtay, aksidente a naidungparda iti nagsakayanda a motorsiklo iti landok nga alad ti nasao a rangtay.

Nagresulta ti pannakasugsugat dagiti dua a biktima, ken naitarayda sadiay Reyes Clinic and Hospital iti ili ti Sta. Maria, Ilocos Sur babaen kadagiti concern citizen a timmulong kadakuada.

Indeklara kadagiti mangngagas iti nasao nga ospital a natay ni Ronnel idinto ni RUben ket agdama pay laeng nga agpalpalaing kadagiti sinagabana a sugat.

Jeff Barredo

Burgos, Ilocos Sur-”Gapu ti nabayagen a susik dagitoy nga aggayem, isu ti nangiduron ti nagpinnatayanda.” Daytoy ti nabatad a kinuna ni PSI Pedro Alcausin Villalon, Chief of police iti daytoy nga ili ti interview  kenkuana ti DZTP Radyo Tirad itattay bigat.

Kinuna ni PSI Villalon, rumrummuar ti imbestigasyonda a ti suspek ken biktima ket nasingedda nga aggayem ken naggapuda iti La Paz, Abra a naikamangda a dua sadiay Brgy. Mambug, Burgos, Ilocos Sur.

Naammuan a ti biktima ket managan Rafael Tejada y Tanada, 29-anyos, mannalon, naasawaan idinto ti suspek ket managan Fernando Donato, a.k.a. Junior, nataengan, naasawaan, agpada dagitoy a taga La Paz, Abra, a naikamangda ken agdamada nga agnanaed iti brgy. Mambug, Burgos, Ilocos Sur.

Ti imbestigasyosn kadagiti pannakabagi ti linteg, ti biktima ket nakaaw-awat kadagiti text messages manipud iti suspek babaen ti panangkarkaritna.

Idi dayta a gundaway, ti biktima kadduana ti kayongna managan Louie Segundo y Monses, 28-anyos ket agaw-awidda idin.

Sigida a sinaed ti suspek ti biktima nga ditoy a nangpaltoganna babaen ti panangaramatda ti M-16 armalite rifle, basar dagiti 25 a kapsula a nakapasamakan iti pammaltog, kalpasanna, sigida a naglibas nga ikutna ti nasao a paltog a nagturong ti saan a masinuo a direction.

Sigida a natay ti biktima gapu iti pannakatatek iti bala iti nadumaduma a paset iti bagina.

Naammuan pay kenni PSI VIllalon, kaso a marder ti sangnguen ti suspek, nupay kasta agdama pay laeng a nakawayawaya daytoy  ken madama metten ti panang-birbirukda.

Jeff Barredo

BURGOS,ILOCOS SUR

Gov DV interviewed by the media

GOB DV light moments with vocal Jose Pepio Bunuan after distributing the farm equipments to the people of Burgos

in the police patrol,Gov DV with Burgos Mayor Boy Escobar

Gov DV shows where the covered court builds in Burgos

Gov DV with the brgy.treasurer of burgos after distributing the brgy aid to them

Dagiti sumaganad ti inpaay ti provincial government babaen kenni Gobernador DV Savellano iti Burgos, Ilocos Sur

• 8 a kuliglig: barangay Taliao, Poblacion Sur, Balugang, Nagpanaoan, Cabcaburao, Poblacion Norte, Cadacad, ken Macaoayan
• 6 a kuliglig with water pump: Subadi Norte, Ambugat, Lubing, Patac, Subadi Sur, ken Bangbangar
• 5 diesel water pump: barangay Mapanit, Sabangan Pinggan, Luna, Callitong, ken Bessang
• Hand tractor: barangay Manaboc, Paduros, Dayanki ken Dirdirig
• Monobloc chairs and tables: barangay Lesseb
• Bibo Goat: Lubing, Sabangan Pinggan, Poblacion Sur, Lucaban, Nagpanaoan, ken Macaoayan
• Rice Thresher: barangay Mambug
• 59 PE Hose: 3 rolls iti barangay Mambug, Patac, ken Cadacad; 5 rolls iti Subadi Norte, Subadi Sur, Lubing, Sabangan Pinggan, Manaboc, Poblacion Sur, Poblacion Norte, Lucaban, Balugang ken Bessang
• 26,000 seedbags
• 26 OB bags
• P8,000 devt fund to 26 barangays

BURGOS, ILOCOS SUR.  ” Kinamatmi ti suspect ngem napaay kami gapu iti kinasamek iti kabambantayan a nagtarayan na isu saanmin a nakamatan iti nalpaltog ken apo kapitan” daytoy man iti nakuna ni PI Pedro Villalon,hepe iti polisya iti ili a Burgos kalpasan a mababbabalaw da iti napasamak nga krimen iti sanguanan iti munisipyo idi kalman.

Iti interview iti DZTP iti hepe,”ditoy nga sinabat iti suspect ni kapitan Florencio Dangli kabayatan a bimmaba daytoy iti lugan na ket dita a pinaltogan na iti naminsan a daras.Adda met dagiti mangibagbaga a kayat koma a pidwaen a paltogan ti suspek ti kapitan ngem nagsingat kan iti paltogna. Kalpasanna nagtaray iti suspek iti kabanbantayan iti bagatan a laud iti civic center iti ilimi”insalaysay iti hepe.

Kinompirmaran pay ni Villalon nga adda iti pangta iti biag iti kapitan iti Subadi Norte. Tunggal agkita dagiti dua ditoy nga kanayon a patigmaanan iti hepe iti kapitan.

Maipalagip met nga immun-unan nga inambus da idi ni kapitan Dangli sadiay ili a Santa Maria ngem nakalasat daytoy.

Natamaan iti kidney ti kapitan nga isu iti impatay na nga insigida.Maatap pay a makasabidong a bala iti Calibre 45 iti naipaltog iti kapitan.

Inamin met ni Villalon a awan pay iti naan-anay nga lead da iti krimen.Saan kan met a nalasin dagiti nakakita iti suspek.

Maatap met a nagin-indayon pay nga immuna iti suspek kasakbayan iti pammapatay.