Pinadayawan ti Department of Interior and Local Government ti Region 1 ti Candon City ken ti agdama a City Local Government Operation Officer idi Setiembre 3, 2009 iti opisina idiay San Fernando, La Union.

Ti Candon City ti nagbalin a Best Performing DILG City Team iti 2008 kabayatanna a ni Mrs. Victoria Ramos ti naikkan met iti Certificate of Special Commendation gapu iti napintas a serbisioda iti kakailianda.

Iti interview kenni Mrs. Ramos, kinunana a daytoy ti mangnayon iti regtada tapno ad-adda pay a papintasen ti panagserbida kadagiti umili.

“Daytoy a pammadayaw a naited iti Candon City-DILG ket saanmi a nagun-od no awan ti panagkaykaysa ken panagtitinnulong dagiti opisiales.” Kinuna ni Mrs. Ramos.

Ti pammadayaw kenni Mrs. Ramos ket kas maibasar iti performancena kabayatanna nga iti siudad ket kas panakapili kadagiti amin a siudad iti region.

Adda met kategoria para iti munisipalidad ken probinsia.

Iti 2007, maikaddua ti Candon City iti Laoag City.

CANDON CITY.  Narugian manen panakasimpa iti alternate road tapno malukayn ti kumarkaro a problema ti trapiko iti siudad ti Candon.

Daytoy ti naammuan bayat iti interview kenni Engr. Esteban Martinez, agdama a city engineer iti siudad ti Candon.

Inlawlawagna nga adda inisiatibo ni Deputy Speaker nga agarup P20 a milion a pisos para iti panakasimpa iti nasao a kalsada.

“Daytoy ket pakairamanan ti panakapalawa ken panakasimpa iti kalsada pakairamanan ti Dappat bridge.” Kinunana.

Ti Dappat bridge ket saan a naan-anay a marebba agsipud ta adda dakkel a pakasaritaan daytoy iti historical ti Candon.  Naipatakder daytoy panawen pay ti Espania.

“Ti kalsada ket mangrugi iti barangay San Agustin sa agdalan iti 25 de Marzo street iti barangay San Antonio agingga San Isidro sa rummuar iti dalan a tumupar iti DPWH.” Kinunana pay.

Maipalagip nga adda ti proposal a diversion road ti Candon City, ngem awanan pay laeng daytoy iti pondo gapuna a daytoy alternate road pay laeng ti simsimpaenda tapno malukagan ti trapiko iti poblacion area.

Candon City. Natukkol ti saka ti maysa nga empleado ti gobierno idi daytoy ket naaksidente bayat ti panagbisikletana iti barangay Paras itoy a siudad.

Ti biktima ket managan Ben Sanchez, 36 anios, residente iti Oaig Daya, Candon City, empleado iti city government ti Candon.

Iti inisial nga imbestigasion ti pulisia, ti biktima ket agbisbisikleta nga agpa-amianan a sarsarunuen ti Mitsubishi Adventure, addaan plaka CRK-688, minaneho ni Romeo Rafol, residente iti Claveria, Cagayan.

Mapapati nga ag-overtake koma ti adventure ngem adda met masabetda a lugan, ket iti panagpaigidna, napaubetanna ti bisikleta.  Naipurwak ti biktima ket naisaltek met ti bisikleta iti sabali pay a lugan a naka-parking iti dayta a gundaway.

Natukkol ti kanawan a saka ti biktima ket naitaray nga insigida iti balay pagagasan.

Candon City.  Sumagmamano a lako dagiti muslim ti natakawan babaen iti maysa a lalaki a naglemmeng iti CR iti public market itoy a siudad.

Natiliw da Albert Jimenez iti Paras ken ni Paulino Polonio iti Talogtog, agpada a city guard ti Candon Public Market iti Candon City.

Natiliw ni Crisostomo Battad, 33 anios, residente iti Dan-ar, Santiago, Ilocos Sur.

Agrikrikurida dagiti guardia idi makangegda ti karasakas ket idi kitaenda ti maysa a puesto, nakitada a naluktan daytoy.  Idi kitaenda ti CR ket naka-off daytoy imbes koma a nakasilaw.

Idi kitaenda, nakitada ti suspek agraman dagiti nakakarton a mapapati a tinakawna.

Pakairamanan kadagiti naala iti posesion ti suspek ket innem a mikropono, 5 a remote control, 1 cassette player, 1 cutter ken kitchen knife.

Inturn-over dagiti guardia iti pulis ti suspek ken dagiti items.

Candon City, Ilocos Sur-” Adda ti plano a mapagpapatangan kadagiti maseknan nga opisyal kas koma ti siyudad ti Candon ken dadduma pay tapno mapasayaat ti Breaking Barrier for Children nga adda a masarakan ti Centerna iti siyudad ti Candon.” Daytoy ti kinuna ni City Mayor Allen Singson ditoy Candon City ti Interview kenkuana itattay sadiay Social Hall, Eastern Mall.

Ti naisayangkat a 1st anniversary a  selebrasyon ti Breaking Barrier For Children, naammuan kenni City Mayor Allen Singson, a mapasayaat pay ti center ditoy Candon babaen ti panangipaay ti city government kadagiti masapsapul dagiti ubbing a pasyente manipud ti 14 anyos nga agpababa.

Dinamag pay ti Radyo Tirad pass iti alkalde no kas bilang nga umadu pay ti bilang, kinunana a mapalawa met ti siled nga ayanda wenno mangbirukda iti sabali a lugar.

Jeff Barredo

Candon City. Immaction nga insigida iti PNP Candon iti reklamo nga double parking iti sango iti Nagasat Trading.
Daytoy ket kalpasan nga impadanun iti DZTP dagiti nagkaadu a reklamo a maaw-awat manipud kadagiti motorista a dumaldalan iti sangwanan iti pasdek.Segun kadakuada,narigat da a makadalyasat iti dalan iti sangwanan iti pasdek gapu kadagiti double parking dagiti truck da nga agkarkarga iti irik.
Dagus met a nagturong ni PCI Marlo Castillo,hepe iti pulisya iti syudad iti mismo a manager iti Nagasat Trading tapno ikkatenda dagiti truckda a nakapark iti agsumbangir a paset iti kalsada.
Inkari met iti manager nga ikkaten danton dagitoy a trak a makalapped iti nasayod a taray iti trapiko.

Candon City.  Siraragsak manen dagiti agad adal wenno iskolar a nangawat kadagiti alawans da nga ipapaay iti National Commission on Indigeneous People (NCIP) idi kalman iti sosyal hall iti Stern Mall.

Kangrunaan a sanagili iti programa ket ni dati a congresswoman Grace Singson a Kaingungot ni Congressman Eric Singson. Impaganetget ni Singson iti panangipateg koma  dagiti iskolar iti kinapateg iti adal.

Ti iskolarship program ket suportado ni Congressman Eric Singson.

Kinuna iti NCIP nga addan iti maika-sangapulo ket walon a tawen iti programa.

Iyaw awat ni dati a congresswoman Grace Singson iti tseke nga allowances dagiti NCIP iskolar

Dumdumngeg dagiti iskolar kabayatan iti panagsarita ni dati a congresswoman Grace Singson

CANDON CITY.  Maysa a pulis-Candon ken maysa a traffic aide ti nakangeg iti saan a napintas a balikas manipud iti maysa a lalaki idi tiliwenda ti maysa a traysikel drayber nga awanan lisensia ditoy siudad ti Candon.

Dagiti biktima ket da SPO2 Daniel Costales, PNP-Member ti Candon ken ti traffic aid ket ni Mark Anthony Fernandez, ditoy siudad ti Candon. Ti masuspetsa ket managan met iti Bobot Dy, residente iti barangay Paypayad, Candon City, Ilocos Sur.

Kas maibasar iti blotter ti pulisia, ni SPO2 Costales ti madama ti implementasionna iti traffic rules and regulations iti sanguanan iti Bank Of Commerce iti barangay San Isidro, idi tiniliwna ti maysa managan Greg iti Paypayad, ta awanan daytoy iti lisensia nga agpaspasada ti traysikel ditoy Candon City.

Gapu itoy, iniyabanna ti traffic aide tapno ikkanna iti ticket citation ngem ti nasao a traysikel drayber ti immadayo ket mapapati a tinawaganna ti bossna.  Inala ngarud ti traffic aide ti franchise plate ti lugan, ngem kalpasan ti sumagmamano a minutos, simmungad ni Bobot Dy ket puersado nga inalana ti franchise plate nga addaan numero 2265 manipud iti traffic aide.

Mapapati a nangilaaw pay iti saan a balikas ti masuspetsa ket imbagana a ti inaramidda ket maysa a panagtakaw.

Pimmanaw ti masuspetsa nga iggemnan ti franchise plate. Agtultuloy met ti imbestigasion ti pulisia iti nasao nga insidente.

bayat iti interview kenni Ruth Lavaro, Sanitary Inspector ti Santa Cruz MHO

SANTA CRUZ, Ilocos Sur.  Siam ti mapatta-patta a biktima ti dengue virus manipud iti tallo a barangay ditoy Santa Cruz, Ilocos Sur.

Daytoy ti kinuna ni Ruth Lavaro, sanitary inspector ti Municipal Health Office ti Santa Cruz bayat iti interview kenkuana ti DZTP Radio Tirad Pass.

Kinunana a dagiti nasao a biktima ti dengue ket suspek pay laeng agsipud ta saan met a nakumpirmaran a dagitoy ket biktima ti lamok nga addaan iti virus ti dengue.

Kinunana pay nga iti barangay Pilar ket isu ti kaadduan iti uppat, iti Suyo ket dua ken iti Besalan ket tallo ti mapapati a biktima ti dengue.

“No ikumpara iti napalabas a tawen, daytoy ti kaadduan, ta iti napalabas a tawen ket mga dua laeng ti biktima.” Kinunana pay.

Inlawlawagna nga agtultuloy ti kampaniada tapno maliklikan ti panagadu ti biktima ti lamok babaen iti panagturongda kadagiti barbarangay tapno ikampania ti panangipatog kadagiti posible a pagitlogan ti lamok, panagdaldalus iti pagtaengan, ken suroten ti 4 o clock habit.

Kadagiti barangay ken pagadalan nga addaan iti suspek a dengue, kinunana a maysa kadagiti inaramidda ket ti panangisayangkat ti fogging operation tapno mapatakyas dagiti lamok no saan man a matay.

Danny Antalan