Kalpasan iti outreach program idiay Kinbilibil, Santa Cruz ken Cangao, San Emilio, iti Ilocos Sur, nagturong iti Battawang, Dinwede West, Cervantes, Ilocos Sur ti outreach program.

Kaddua ti DZTP Radio Tirad Pass iti panangipaay iti tulong iti naginget a paset ti Ilocos Sur ti Seventh Day Adventist, Citizens Involvement and Services (CiS), ken Club 693.

Inawit ti grupo dagiti kinarton nga agas, relief goods, seedlings ti mahogany, kalendario, sitseria, lupot ken dadduma pay a kasapulan dagiti agindeg iti awanan koriente a barangay.

Ti Battawang ket saan a nalaka a dinanon ti grupo, agsipud ta kinasapulanda ti dua nga aldaw ken maysa a rabii tapno maisyaangkat ti programa.

Nagrubbuat ti grupo agarup alas dos iti DZTP station, naglugan iti truck, ket nagbiahe agingga iti Butac, Suyo, Ilocos Sur ket nakadanon agingga alas 3:30.  Agarup alas kuatro idi naglugan manen iti jeep ket nagbiahe iti dalan nga agpaabagatan ti Dinwede West agingga a nakadanon iti Kanuyokon.

Manipud ditoy, dimmaliasat iti hanging bridge ket immuli-sumalog ti panagna.  Awit dagiti maitulong ken dagiti gargaret, saan a nagbalin a nalaka ti panagna iti naderraas a terrain.

Idi nauli ti umuna a bantay, addan iti sitio Tagpew, Dinwede West.  Umanal-al ti nakurang sangagasut a grupo ti outreacher.

Idi naglakad manen ti grupo, rumabiin ket nakadanon ti dadduma alas siete iti rabii kabayatanna a ti dadduma ket alas kotse.  Nupay saan a makita ti dalan ket pagsayaatanna ket awan ti naan-ano.

Iti rabii ket naisayangkat ti socializing ken worship sa naturog iti naduma-duma a balay.

Iti bigat ket naited dagiti gatas, relief goods ken dagiti dadduma pay a regalo kadagiti agindeg iti battawang.

Anian a ragsakda agsipud ta naited kadakuada ti pammateg a dida pay napadpasan kadgiti napalabas.

Agarup alas dies idi agsubli ti grupo, magna manen iti uppat nga oras, dumaliasat iti pito a hanging bridge ken umuli sumalog iti bantay.

Ginanas ti grupo ti napintas a buya ti aglawlaw ken agraman ti nakaskasdaaw a nakaparsuaan.

Nupay nabannog ti grupo, agsaksakit ti bagbagi, ngem nalitopan daytoy ti awan kapadana a ragsak iti itutulong.

dannyantalan

CERVANTES,ILOCOS SUR. “Nakalamlamiis ita iti ili aglalo kadagiti nangato a pasetna”daytoy man iti waragawag ni Mayor Ben Maggay.
Iti interview iti DZTP imbaga iti mayor nga dagiti paset na iti brgy Battawang,Dinwede ken iti Malaya ket baka nababbaba payen ngem iti 10 degree celsius kinuna.Ti brgy malaya ket paset na iti bessang pass.
“Makapadpadas kamin iti panagtudo iti ice sen.Ngem awan pay met laeng dagiti apektado a mulami ditoy.Pinaipospon mi pay lang iti panagbunubon kadagiti kalugarar tapno di maapektaran dagiti imulami”kinuna ti mayor.

CERVANTES, ILOCOS SUR. Kkinompirmaran ni Mayor Benjamin Maggay nga mabalinen a pagnaan iti suyo cervantes road kalpasan iti panagreggaay iti sumagmamano a paset iti kalsada gapu iti bagyo nina.

Iti text messages nga impadanun iti mayor iti DZTP,kinuna a naiwalinen dagiti nagreggaay a daga iti kalsada.Natarimaan metten iti nadadael a de tour road iti maar aramid a rangtay idiay barangay San Juan.

“Mabalinen a pagnaan ngem nagalis laeng iti hiway ngem naalibtak met iti contractor a mangar-aramid iti kalsada a mangkitkita kadagiti byahero”kuna iti Maggay.

Ti suyo-cervantes road ket madama nga sem sementwen iti Ital-thai construction firm a nakaala iti contrata.

CERVANTES,ILOCOS SUR.Saan manen a madalanan ita iti Suyo-Cervantes road gapu iti panagreggaay ken pannakapulsot iti detour a rangtay a pinarnuay iti bagyo nina.

Segun ken Mayor Benjamin Maggay jr,adda kan iti landslide a naaramid iti manubak portion ti kalsada. Nadadael met iti detour iti rangtay nga maar aramid sadiay licdasan,barangay San Juan iti daytoy nga ili.

Ti kinapigsa iti bayakabak ti bagyo nina ti nakita a rason iti panagreggaay.

Pasable met iti cervantes-baguio road.

tagudin-suyo-cervantes road

CERVANTES, ILOCOS SUR

water arteries in the mountain of cervantes

Waterfalls along the road in Suyo, ILocos Sur