BURGOS, Ilocos Sur.  Ti ili ti Burgos ti maysa kadagiti kaudian nga ili a mangpappapintas iti municipal hall buildingda ditoy Ilocos Sur.

Daytoy ket mainaig iti agdama a panakasimpa iti facade ti munisipio ti daytoy nga ili babaen iti panakabil iti agdan ken luminous green nga atep.

Iti interview kenni Mayor Nathaniel Escobar iti daytoy nga ili, kinunana a daytoy ket babaen iti panangilatangda iti pondoda.

“Inikkanmi ti agdan ti sango, a daytoy ket umuli iti maikaddua a kadsaaran tapno saan unay a marigatan nga agdiretso kadagiti opisina iti ngato ken pumintas iti sango ti balay ti ili.” Kinunana.

Kabayatanna, inabrasa met dagiti kakailian ti Burgos, Ilocos Sur ni mayor Escobar iti panagkangayna idi Septiembre 10, 2009.

San Esteban, Ilocos Sur- Aggarup uppat a gasut a ribu a pisos ti intaray dagiti agtatakaw babaen ti panangserrekda ti pagtaengan ti maysa a doktor sadiay brgy. Apatot iti daytoy nga ili.
Nammuan kadagiti kameng ti polisya a nainget ti panangisaysayangkatda ti imbestigasyon ti nasao a pasamak a panangserrek kadagiti saan a nailasinan a suspek iti pagtaengan ni Dr. Candonino Garmen y Carino, 67-anyos ken residente iti nasao a barangay.
Naammuan ti imbestigasyon kadagiti kameng ti polisya, sinirrek dagiti saan a nailasinan a mannanakaw iti nasao a pagtaengan iti nagbaetan iti oras ti ala una agingana alas tress ti parbangon, bayat a nairut ti pannaturog dagiti agassawa a biktima idi dayta a gundaway.
Naitaray kadagiti suspek ti tallo a laptop computers, tallo a cellphones, alahas nga aggatad ti dua gasut a ribu a pisos, sangagasut a ribu a pisos a cash ken uppat a gasut a US dollar.
Naammuan a ti pakadagupdagupanna ti amin a natakaw aggarup uppat a gasut a ribu a pisos.

Jeff Barredo

Santiago, Ilocos Sur-Natay met laeng dagiti dua a kaddua ti driver ti Isuzu Carter wenno Elf mainaig ti napasamak nga aksidente idi aggarup oras alas 3:40 idi parbangon ti domingo, gapu ti panangdungpar ti naglugananda nga elf ti nakasardeng a 22 wheeler trailer truck, iti national highway a masaksakupan iti brgy. Olo-olo Sur iti daytoy nga ili partikular ti maar-aramid a kalsada.
Naammuam itattay bigat iti police station iti daytoy nga ili, inpakaamo kadagiti kakabaggian dagiti biktima a natay met laeng dagiti dua a dagitoy ti naitarayda idi sadiay siyudad iti San Fernando iti probinsia ti La Union.
Dagiti dua a biktima ket nabigbig nga isuda Jefferson Dolerte ken Oscar Nambay nga agpada a taga-Mapandan, Pangasinan.
Ni Jefferson ket naiaray sadiay Lorma Hospital idinto ni Oscar ket naitaray sadiay Regional Hospital iti San Fernando City, La Union ngem saanda a nalasatan ti grabe a sugat a sinagabada.
Maipalagip a ti Isuzu elf a naglugananda ket dinungparna ti maysa a 22 wheeler truck a daytoy ti nakasardeng gapu ti panang-obserbarna ti trapiko.
Naammuan a ti driver ti elf a ni Christopher Jhn Biggian y Penulilar a kalugaran dagiti dua ket natay idi dagitoy ket naitarayda sadiay Candon General Hospital iti siyudad ti Candon.

Jeff Barredo

Narvacana, Ilocos Sur-Nagsagaba ti pannakatukkol iti kannigid a sakana ti maysa a motorista gapu ti aksidente a nakidinnungpar ti sabali a motorsiklo, napasamak idi aggarup oras alas 3:45 idi parbangon ti domingo iti kalsada national a masaksakopan iti brgy. Margaay iti daytoy nga ili.
Ti biktima ket nnabigbig nga isu ni Aljie Talino y Liberato a residente iti brgy. Abuor iti daytoy nga ili a nagmaneho ti maysa a motorsiklo.
Idinto ti aksidente a nakadinnungpar ti motor a minaneho ni ALjie ket maysa nga XRM nga agmaris ti amarillo, addaan plaka ZD-2757 a minaneho ni Marlon Baptista y delos Santos, 29-anyos, naasawaan, agik-ikut ti student permit ken residente iti brgyu.Taguiporo, Bantay, Ilocos Sur.
Ti imbestigasyon kadagiti kameng iti polisya, ti motorsiklo a manmanehuen ti biktima ket agdaldalyasat idi iti kalsada national nga adda ti sarsarunuenna a sabali a motorsiklo, ngem ditoy a ginandatna nga inobertekan.
Naammuan bayat ti panang-ob-obertek ti biktima ti sabali a motorsiklo, masabatna met ti XRM a manmanehuen ni Marlon nga aksidente ti panagdinnungparda.
Nagsagaba ti pannakatukkol ti kannigid a saka na ni Aljie a sigida a naitay sadiay Central Ilocos Sur district Hospital para ti pannakapaagasna.
Agdama pay laeng a maisaysayangkatk ti imbestigasyon ti nasao a pasamak.

Jeff Barredo

Narvacan, Ilocos Sur-Bayat ti panangisaysayangkat kadagiti kameng ti polisya iti daytoy nga ili ti mobile patrol iti national highway a masaksakupan iti brgy. Limmangsangan idi naminsan a rabii, maysa a lalaki ti nakailad iti tengnga iti kalsada national nga awanan poot.
Naammuan a sigida nga inarayat dagiti kameng ti polisya ket naammauanda no siasino ti kinatao daytoy babaen ti panang-imbestigarda. Nabigbig a managan Mario Anin, nataengan ken residente iti nasao a lugar ken daytoy ket agsagsagaba ti sakit a kissiw.
Nammuan a ti nasao a biktima ket makipagnanaed kadagiti kadagiti kakabagianna.
Maysa managan Artemio dela Cruz, ti nangaklon a kabaggianna ken mangitaray iti ospital, nupay kasta, natay ti biktima a saan a naidanon iti pagagasan.

Jeff Barredo

Santiago, Ilocos Sur-Maysa ti natay, idinto a dua ti grabe a nasugsugatan gapu ti aksidente a panangdungpar ti maysa nga Isuzu Carter wenno Elf ti maysa a 22 wheeler trailer truck, napasamak idi aggarup oras alas 3:40 idi parbangon ti domingo iti national highway a masaksakupan iti brgy. Olo-olo Sur partikular iti maar-aramid a kalsada.
Dagiti biktima bitima ket nabigbig nga isuda Christopher John Biggian y Penuliar, 24-anyos, naasawaan ken residente iti brgy. Pias, Mapandan, Pangasinan, addaan ti professional drivers license a daytoy ti natay ken nagmaneho ti Isuzu Carter wenno elf, addaan plaka NPI-597 ken dagiti dua a kakadduana nga isuda Jefferson Dolerte ken Oscar Nambay a kalugaran met laeng ti biktima.
Idinto ti 22 wheeler truck ket addaan plaka CUS-758 ken ti plaka ti trailer PLC-594 a minaneho ni Rogelio Tobia y Ilar, nataengan ken residente iti Brgy. Bajet, San Ildefonso, Ilocos Sur.
Ti imbestigasyon kadagiti kameng iti polisya iti daytoy nga ili, ti nasao a 22 wheeler truck ket nakasardeng daytoy iti national highway gapu ti panang-obserbar ti driver ti red light, idinto ti Isuzu carter a nagluganan dagiti biktima ket napaspas ti panagdaldalyasatna iti kalsada national nga agturturong iti amianan a direction.
Naammuan a saan a nadlaw ti driver ti nakasaredeng a trailer truck nga isu ti aksidente a panangdungparna iti kutit daytoy.
Naammuan a nagsagaba ti pannakasugsugat iti nadumaduma a paset iti bagbagida dagiti talllo a sigida a naitarayda sadiay Candon General Hospital iti siyudad ti Candon ngem indeklara dagiti naka-duty a doktor a natayen ti driver ti truck idinto dagiti dua a kakadduana ket kalpasan ti pannakatamingda naiyakar da saidy Regional Hospital iti siyudad San Fernando La Union.
Naammuan pay a ti Isuzu Carter ket nakato ti pannakadadael iti sango daytoy.

Jeff Barredo

Santiago, Ilocos Sur- Natay ti maysa a lalaki a daytoy ti nagsagaba ti pannakabagbagsol iti nadumaduma a paset iti bagina a napasamak idi aggarup oras alas 2:40 idi malem kalman sadiay Brgy. Mambug iti daytoy nga ili.
Ti biktima ket nabigbig nga isuni Rene Sabado y Gagarin, 44-anyos ken residente iti nakapasamakan ti insidente.
Idinto ti suspek ket binigbig kadagiti nakasaksi a managan Gerson Concepcion @ Gerson Delim a kalugaran ti biktima.
Naammuan ti interview iti Radyo DZTP itattay bigat kenni P/Insp. Pruvidencio Calibuso hepe ti polisya iti daytoy nga ili, nga ti suspek ken biktima ket naggapuda a napan nagserbi a timmulong iti maysa a natayan iti lugarda.
Naammuan a nagkuyogda a nagawid, ngem idin ta addada iti dalan nakitada laengen nga aggubgubal dagiti dua, nga isu ti nakabagsolan iti nadumaduma a paset iti bagi ti biktima a nakasugatan iti takiag, bukot ken iti rusok daytoy.
Sigida a naitaray ti biktima sadiay City of Candon Hospital iti siyudad ti Candon ngem indeklara kadagiti naka-duty a doktor a natayen daytoy.
Nupay kasta, naammuan kenni PI Calibuso, nga addan ti pakaammo kenkuana a ti nasao a suspek ket aniaman nga oras ket sumuko daytoy iti kuerpo ti polisya.

Jeff Barredo

Burgos, Ilocos Sur-Nainget ti isaysayangkat a ‘follow-up investigation’ kadagiti kameng ti polisya iti daytoy nga ili mainaig ti napasamak a pammaltog a nakatayan ti maysa a lalalki idi parbangon kalman, aggarup oras ala una, sadiay brgy. Callitong, Burgos, Ilocos Sur.
Nabigbig a ti biktima managan Elmer Dizon y Pimentel, 45-anyos, mannalon, naasawaan ken residente iti nakapasamakan ti nasao nga insidente, manipud kadagiti di nailasinan a suspek.
Ti imbestigasyon kadagiti pannakabagi ti linteg, naammuan nga aggarup ala una idi parbangon ti martes, ti biktima a kadduana ti live-in partner na a managan Rosemarie Dagdag y Lazaro, nataengan ket matmaturogda iti uneg ti pagtaenganda a masarakan iti turod a lauden a paset ti nasao a barangay.
Naammuan a dagiti di nailasinan a suspek, ket nagkatokda iti ridaw ti pagtaengan iti biktima.
Naammuan pay nga idi napan linukatan ti biktima ti ridaw, sigida a pinaltopaltogan dagiti suspek ti biktima a nakapuntaan iti nadumaduma a paset iti bagina a nangitunda ti sigida a nakatayanna.
Kabayatanna dagiti saan a nailasinan a suspek ket sigida met a naglibasda kalpasan ti insidente.
Nakarekobre dagiti kameng ti polisya iti nakapasamakan ti pammaltog ti uppat a kapsula ti M16 rifle ken maysa a cartridge para iti carbine.
Agdama pay laeng nga am-ammuen dagiti kameng ti pannakabagi ti integ no ania ti motibo ti nasao a pammaltog.
Jeff Barredo

Santa Maria, Ilocos Sur-Nagsagaba ti saan a nakaro a pannakasugat dagiti dua a driver ti tricycle ken maysa aminor de edad, ti napasamak a panagdidinnungpar ti tallo a tricycle a napasamak idi kalman aggarup oras alas 11:30 ti aldaw iti national highway partikular iti intersection a sango iti Iglecia ni Cristo iti brgy. Baliw Laud iti dayoy nga ili.
Dagiti biktima ket nabigbig nga isuda Noli Dela Cruz y Mendoza, 20-anyos, naasawaan, awanan lisensia ken residente iti nasao a barangay a daytoy ti nagmaneho ti maysa a motorized tricycle Honda TMX, awanan plaka ken ti pasahero na a maysa a minor de edad nga agtawen ti onse a ni Joshua Avenido y Geronimo, elementary student ken residente iti brgy. Suso iti daytoy nga ili.
TI maikaktlo a biktima ket managan JOse Sipin y Degracia, 33-anyos, naasawaan, agik-ikut ti student permit ken residene iti brgy. Silag iti daytoy nga ili a nagmaneho ti Motorized tricycle nga RS Yamaha, addaan plaka QL-5099.
Ti sabali pay a tricycle a karaman ti aksidente ket maysa a TMX, addaan plaka ZT-4485 a minaneho ni Angelo Cabotage y Aquino, 17-anyos,baro, high school student ken residente iti brgy. Baliw laud iti daytoy nga ili.
Ti imbestigasyon kadagiti kameng iti polisya iti daytoy nga ili, ti RS Yamaha tricycle ket agdaldalyasat iti nasao a kalsada nga agturturong iti amianan a direction a sumarsaruno ti tricycle a manmanehuen ni Angelo. Idi dayta a gundaway ti Yamaha Tricycle, ket simrek iti intersection nga agturong iti daya nga isu met ti panang-overtake ti tricycle a manmanehuen ni Angelo.
Naammuan a bayat ti panag-overtake ti tricycle ni Angelo, masabatna met ti tricycle a manmanehuen ni Noli ket aksidente a nagdinnungpardaz.
Naammuan pay ti tricycle a manmanehuen ni Noli, ket nadungparna met ti TS Yamaha.
Nagresulta a ti driver ti RS Yamaha, ken ti driver ti TMX tricycle a ni Noli ket naaddaanda ti pannakasugat iti kannigid nga ima ken kannigid a saka da.
Idinto ni JOshua ket nagsagaba ti pannakasugsugat iti nadumaduma a paset iti bagina a dagitoy tallo a biktima ket naitarayda sadiay Municipal Health office iti daytoy nga ili para ti pannakapaagasda.
Naammuan pay kadagiti imbestigador, nga adda metten napasamak a kumprontasyon kadagiti tallo a drivers.

Jeff Barredo

Salcedo, Ilocos Sur. Natay ti maysa a 17 anios a lalaki idi daytoy ti nakoriente iti linia a direkta a nakakapet iti poste ti ISECO iti sitio Mugao, Lucbuban, itoy nga ili.

Ti biktima ket managan Eric Valdez, 17 anios, kabayatanna a ti kabsatna a ni Danny Valdez, 18 anios, ket nayospital met gapu iti panakairamanna a nakoriente.

Iti inisial nga imbestigasion, ti biktima ket gapgapuna a nagpasayak ti taltalonda. Nairana a nagturong daytoy iti poste ti ISECO ket kimpet daytoy iti barot a pasikkil ti poste ngem dita metten a nakoriente daytoy.

Ginandat daytoy nga isalakan ti kabsatna ngem maipurwak daytoy no iggamanna. Idi nakita daytoy ti tatangda, nangala daytoy ti kostal ket isu ti panangiggemna sana ginuyod.

Nupay kasta, natay ti biktima gapu iti nasao nga insidente. Nadakamat a mapapati a napugsat ti ground wire nga isu ti puon a naaddaan ti koriente ti nasao a linia.

dannyboy