The University of Northern Philippines-Candon Branch’s Bachelor of Science In Secondary Education (BSE) and Bachelor of Science In Elementary Education (BEED), particularly the 2nd year students visits DZTP Radio Tirad Pass.

Prof. Jaime Raras guided the students in their first appearance and broadcast in Arangkada and Music Maestro Program.

The tour was part of their subject Education Technology:

The BSE take a pose with Danny Antalan, announcer/reporter of DZTP

Posing with Danny Suyat of Derecho W/o Kambio

Dr. Jaime Raras with the students

This students enjoy their time during interview at announcer's booth

Candon City.  Sumagmamano a lako dagiti muslim ti natakawan babaen iti maysa a lalaki a naglemmeng iti CR iti public market itoy a siudad.

Natiliw da Albert Jimenez iti Paras ken ni Paulino Polonio iti Talogtog, agpada a city guard ti Candon Public Market iti Candon City.

Natiliw ni Crisostomo Battad, 33 anios, residente iti Dan-ar, Santiago, Ilocos Sur.

Agrikrikurida dagiti guardia idi makangegda ti karasakas ket idi kitaenda ti maysa a puesto, nakitada a naluktan daytoy.  Idi kitaenda ti CR ket naka-off daytoy imbes koma a nakasilaw.

Idi kitaenda, nakitada ti suspek agraman dagiti nakakarton a mapapati a tinakawna.

Pakairamanan kadagiti naala iti posesion ti suspek ket innem a mikropono, 5 a remote control, 1 cassette player, 1 cutter ken kitchen knife.

Inturn-over dagiti guardia iti pulis ti suspek ken dagiti items.

Candon City.  Dua a lalaki a nakatraysikel iti sidecar number 0112 ti nangbutbuteng iti uppat a lalaki iti San Isidro, Candon City.

Ti umuna nga insidente ket iti CDO delivery truck a naglugananda Raymund Padre, residente iti Naguilian, Caoayan, Ilocos Sur, ni RJ Alviar iti Pagburnayan Vigan ken ni Anthony Ragon iti Bulag, Bantay, Ilocos Sur.

Dagiti dua a suspek a di nagbigbig ket nakalugan iti motorsiklo a nagluganan iti traysikel body number 0112.

Iti pulong dagiti biktima, nakaparkingda iti San Isidro, Candon City idi adda dagiti suspek a nangpanabtuob iti luganda.  Maigapu iti dayta ket immalisda iti wet market ngem dita a simmurot dagiti suspek ket nang-assualt kadakuada babaen iti panangiggem iti malo, ngem inanawa ida dagiti traysikel drivers.

Kabayatanna, iti reklamo met ni Joefrey Dacio, 26 aniuos iti Mabayag, Galimuyod, Ilocos Sur. nasapgid isuna traysikel nga addaan body number 0112.

Kinunana a nagimet iti malo ken kutsilio ti suspek.

Idi agangay, naammuan a ti drayber ti traysikel ket managan Joseph Pablico iti San Jose, Candon City.

Saan metten nga interesado nga agipila ti kaso dagiti maseknan.

Candon City.  Immaribungbong dagiti nagkaadu a barito iti city health center itoy a siudad tapno laeng agpakugit iti daytoy nga aldaw.

Daytoy ket babaen iti panakaisayangkat iti libre a circucision a maysa a proyekto ni City Mayor Allen Singson kadagiti babbarito tapno makugitda.

Agsipud ta libre, adu dagiti nagpalista, nupay kasta, saan amin ket ma-accomodate agsipud ta dua nga aldaw laeng ti programa.

“Adda iti 160 ti makugit iti dua nga aldaw,” kinuna ni Dr. Narciso Ramos, City health officer bayat iti interview kenkuana.  80 ita nga aldaw ken 80 intono bigat.

Ti panakagkugit ket maysa a tradision kadagiti lallaki a Pinoy agsipud ta kaadduan ket mabainda a maawagan iti “Supot!”

Kinuna ni Dr. Ramos a malaksid itoy a rason, ti panakakugit ket maysa a napintas a hygiene kadagiti lallaki agsipud ta awan ket ngarud daytay maaw-awagan iti “kaper”.

Inlawlawagna pay, a ti panakakugit ngamin ket maysa kadagiti maisaysayangkat no kastoy a bakasion agsipud ta intono panagbabasa ket narigatto manen a maisayangkat daytoy.

CANDON CITY.  Agarup iti P20,000 kas financial assistance ti awaten ti maysa ti maysa a tanod a matay ditoy siudad ti Candon.

Daytoy ti naammuan kenni Engr. Naulie Cabanting, CPDO officer ditoy Candon City bayat iti interview kenkuana.

Kinunana a siasinoman a kameng ti barangay Tanod iti barbarangay a pumusay ket adda itulong ti city government iti pamilia.

Direkta nga aggapu iti pondo ti city government ti assistance agsipud ta daytoy ket nailatang.

“Adda iti insurance idi ti paggapuan ti assistance kadagiti Tanod, ngem napiliiwmi a ti ibaybayad a P100,000 nga insurance iti tinawen ket saan a maaramat amin agsipud ta dua wenno tallo laeng ti matmatay iti tinawen.” Kinuna ni Cabanting.

Gapu iti daytoy, imbes a maidalan iti insurance, direkta laengen ti panakaited ti financial asistance.

Inlawlawag ni Cabanting no kas pangarigan ad-adu ngem lima ti matay, mabalin latta met a manayonan daytoy babaen iti maysa nga ordinansa.

dannyboy

Candon City. Nagpiansa para iti temporario a panakawaya-wayana ti lalaki a na-raid gapu iti paltog iti barangay langlangca 2nd, Candon City.

Ni Richard Billedo, 36 anios, iti nadakamat a barangay ti nagpiansa. Babaen ngarud iti pammilin ni RTC branch 71 judge Policarpio Martinez, daytoy ti temporario a mawaya-wayaan pay laeng iti pagbaludan.

Maipalagip a ni Richard ti na-raid ket naala nakumpiskar dagiti sumaganad a banag: 2 a paltog, naduma-duma a bala, magazines, holster ken magazine pouches.

Ti suspek ket naipilaan iti kaso iti panaglabsing iti RA 8294

Nayospital ti dua a bisita a makifiesta koma idi dagitoy ket dinungpar ti motorsiklo a minaneho ti maysa a nabartek idiay barangay Pantar, itoy nga ili.

Dagiti biktima ket managan Efren Galleto Gomintong iti Patungkalew, Quirino, Ilocos Sur ken Jocelyn Aquino, 39 anios, residente met iti Poblacion, Santa Catalina, Ilcos Sur.

Iti inisial nga imbestigasion, dagiti dua a biktima ti magmagna iti kalsada tapno makifiesta idi daytoy motorsiklo a napaspas ti nangdungpar kadakuada sa na-crashed daytoy iti kalsada.

Nasugatan ti drayber ken ti dua a biktima ket naitarayda iti balay pagagasan.
Mapapati a nabartek ti drayber ti motorsiklo.

Nayospital ti dua a bisita a makifiesta koma idi dagitoy ket dinungpar ti motorsiklo a minaneho ti maysa a nabartek idiay barangay Pantar, itoy nga ili.

Dagiti biktima ket managan Efren Galleto Gomintong iti Patungkalew, Quirino, Ilocos Sur ken Jocelyn Aquino, 39 anios, residente met iti Poblacion, Santa Catalina, Ilcos Sur.

Iti inisial nga imbestigasion, dagiti dua a biktima ti magmagna iti kalsada tapno makifiesta idi daytoy motorsiklo a napaspas ti nangdungpar kadakuada sa na-crashed daytoy iti kalsada.

Nasugatan ti drayber ken ti dua a biktima ket naitarayda iti balay pagagasan.
Mapapati a nabartek ti drayber ti motorsiklo.

Candon City.  Gapu iti panagsiripna iti labing-labing ti maysa a mistro, naireklamo daytoy iti pulisia ken naipilaan iti kaso iti piskalia.

Ti suspek ket managan Paquito Aglibot, residente iti Caterman Candon City, kabayatanna a ti nagreklamo ket nailinged iti nagan a Jims, maysa a high school public teacher.

Iti pulongna iti pulisia, bayat iti labing-labingda kenni baketna iti kuartoda idi adda nangegna iti ruar.  Kinitana ti tawa ket nasiputanna ti maysa a lalaki a kumkumleb iti dayta a gundaway.

Linuktanna ti silaw ket nangala iti danum sana sinibugan daytoy, ngem kaskasdi a saan a timmakder ti lalaki.  Idi nangala ti plastic a danum ti biktima ket bansagenna koma ti suspek, ditan a timmakder daytoy.

“Manong, siak.”  Kinuna pay ti suspek.  Nakigtot ti biktima agsipud ta kasinsinna met gayam ti mapapati nga agsisirip.

Naireklamo daytoy ket maipila ti kaso nga unjust vexation gapu iti panagsirip ti suspek.

Candon City.  Dua a babai ti nasugatan idi dagitoy ket inulod-ulod ti dua a lalaki idiay barangay Darapidap itoy a siudad.

Dagiti biktima ket managan Elsa Belarmino iti Ericks Videoke Bar iti Paras, Candon City ken ni Jennifer Martinez, 26 anios, iti isu met laeng a lugar. Dagiti mapapati met a suspek ket da Rolly Gonzaga ken Jose Gonzaga, Jr. iti barnagay Darapidap, Candon City.

Iti pulong ni Elsa iti pulisia, kinunana a nakaluganda iti traysikel idi inulod isuda ket nairamraman pay ti anakna a menor de edad a ni Louie a napuntaan iti teltelna.

Gapu ta nasugatanda, naipaagasda iti ospital.  Manamnama a maisayangkatto ti konprontasion.

danny

Candon City.  Gapu iti utang, kinabil ti maysa a lalaki ti kabsatna a babai iti barangay Darapidap itoy a siudad.

Ti biktima ket managan Vilma Gacutan, 35 anios, naasawaan, residente iti nasao met laeng a barangay kabayatanna a ti suspek ket managan met iti Pastor Gacutan, Jr. kabsatna.

Kas maibasar iti blotter ti pulisia, nagturong ti lalaki iti balay ti biktima ket bayat iti panagsangoda, induronna daytoy ken mapapati a tinapisna pay daytoy.

Mapapati a ti rason ket ti utangda iti tunggal maysa.