Banayoyo, Ilocos Sur. Rinambakan ti daytoy nga ili ti panag-fiesta a daytoy ket manipud iti Pebrero 12-14 iti daytoy a tawen.

Inyawis ni Mayor Severino Binnoy Galanga iti Banayoyo ti umay panangimatang iti panag-fiesta ti ili.

Ni Mayor Binnoy Galanga ket nagkasangay idi Pebrero 11, 2009 maysa nga aldaw sakbay ti pormal a panag-fiesta ti ili.

“Awisenkayo amin tapno makipagragragsak kadakami.” Kinuna ti mayor.

Ti fiesta ket nangrugi idi 7-10 kas paset iti sports tournament, idi Pebrero 11 ket isu met ti Feast of Our Lady of Lourdes wenno ti patron ti Banayoyo, Ilocos Sur. Idi Pebreo 12 ket championship games, ken isu payen ti panakated iti Katas ng VAT wenno tulong kadagiti Lolo ken Lola.

Idi Pebrero 13 ket ti DepEd day kabayatanna iti rabiina ket isu ti Administration Night ken idi Pebrero 14 ket ti panakaisayangkat ti 1st Mayor Severino Galanga Shootfest.

Kangrunaan a nagbalin a bisita da Deputy Speaker Eric Singson, Deputy National Security Adviser Chavit Singson ken ni Gobernador DV Savellano

danny

CANDON CITY, ILOCOS SUR – Maysa manen nga store ti natakawan sadiay public market ditoy siyudad ti Candon, a nakabiktimaan ti Lady Joy Accessories.

Nagreport ni Jessica Villalobos y Sta. Maria,  iti kuerpo ti polisya a ti storena a masarakan iti ground floor iti public market ket natakawan.

Ti imbestigasyon, nadiskobre laengen ti kadagiti sales ladyna a ti stainles steel metal lock ti sliding door a sadiay ti nakaikabilan kadagiti tagilakoda a nadumaduma a fancy jewelreis, accessories ket na-sansak.

Naammuan nga aggatad ti lima a ribu a pisos dagiti items a natakaw iti stall na.

Jeff Barredo

CANDON CITY, ILOCOS SUR- Agannad kadagiti agraira a peke a kuwarta a posible nga sika ti sumaruno a biktima.

Idi kalman ket nagreport iti kuerpo ti polisya ti maysa kadagiti gasoline boy iti Sunoc Gas Station a masarakan iti brgy. San Agustin ditoy siyudad ti Candon.

Ni Richard Savedra y Joves, 20, gasoline boy  a residente iti brgy. Bagani Campo iti daytoy a lugar.

Naduktalan laengen ti peke a kuwarta idi nagkuyogda iti manager iti Gas station a napan nagi-deposito sadiay Metro Bask gapu ti pannaka-detect ti kahkera sadiay.

Ti nasao a peke a kuwarta ket lima a gasut a pesos nga addaan ti serial number  GX 716170.

Agdama nga ikut dagiti pannakabagi ti linteg ti nasao a 500 peso bill.

Jeff Barredo

GALIMUYOD, ILOCOS SUR- Tulungan ti lokal a gobierno dagiti napapatay ti tarakenda a baka. Daytoy ti kinuna ni Municipal Mayor Jessie Balingsat iti daytoy nga ilil.

Kinondinar ni Mayor Balingsat ti napasamak a nasabisungan ti dua a masikug a baka ni Angel Soria a taga-brgy. Patac ken ti baka ni Federico Dappit a daytoy ti natabtabbat ken namalmalo.

Kinuna pay ni Balingsat a naipakaammona metten kadagiti kameng ti polisya mainaig ti daytoy a kaso tapno imbestigaranda a nasayaat ken ammuen no ania ti motibo ken dagiti suspek tapno agbayadda ti inaramidda.

Tulungan ti gobierno lokal kinuna ni Mayor Jessie dagiti dua a napukawan ti taraken babaen ti preograma ti ahensia a CARP ken DENR nga adda ti pagbibinnuludan dagiti lumugar ti Galimluyod a babai a baka, no daytoy ket mapaganakda kukuada ti anak, sublaten tu met ti sabali tapno makuna nga addantu bukodna a baka.

Inpasigurado ti alkalde a prioridad dagiti dua a matulungan ti panangited ti taraken a baka.

Jeff Barredo

SANTA MARIA, ILOCOS SUR -Gapu ti pannakaidukit ti sigud a susik dagiti dua nga agkaarruba timmaud ti nabara a panagsinnungbat a nagresulta ti pannabbat, napasamak idi naminsan a parbangon aggarup oras alas una kinse, idiay brgy. Gusing iti daytoy nga ili.

Ti biktima ket nabigbig nga isuni Reynaldso Bayugo y Macabeo, 59-anyos, naasawaan, mannalon ken residente iti brgy. Gusing, idinto ti suspek ket isuni Romulo Dacquel y Trinidad, 58-anyos, naasawaan, mannalon ken kaarruba ni Reynaldo.

Ti imbestigasyon, ti biktima ken suspek ket adda ti timmaud a panagsinnubang da mainaig iti sigud a susik.

Nangitunda a ti biktima ket napanna innala ti paltogna a mapapati a pinaltoganna ti suspek ngem saanna a napuntaan.

Iti dayta a gundaway ti suspek ket innalana met ti buneg nga agatiddag ti dua pulo ket tallo a pulgada karaman ti ippetanna, nga isu ti intabbatna ti sumagmamano a daras ti biktima.

Nagresulta ti pannakasugsugat ti biktima iti nadumaduma a paset iti bagina, sigida a naitaray sadiay Central Ilocos Sur District Hospital iti ili a Narvacan, Ilocos Sur ngem gapu ta nakaro ti sinagabana a sugat, naiyakar sadiay Gabriela Silang Hospital iti siyudad ti Vigan.

Idinto ti suspek a ni Romulo, ket naitaray met sadiay Central Ilocos Sur District Hospital iti ili a Narvacan, Ilocos Sur gapu ti pannakasugat iti kannawan nga imana.

Inturn-over dagiti brgy. Officials babaen ti panangidaulo ni Brgy. Capt. Severino Dagdag iti nasao a barangay kadagiti kameng ti polisya a nagresponde ti maysa a 38 cakuber a paltok, addaan ti uppat a live nga balana ken dua a kapsula daytoy.  Kasta metten ti buneng a nakumpiskarda manipud ti suspek ken biktima.

Jeff Barredo

Ilocos Sur.  Gapu ta kalikagum dagiti kaaduan a kameng ti Sangguniang Panlalawigan, nayalis ti schedule ti regular a session iti probinsia Ilocos Sur.

Iti naangay a session itay napalabas a Mierkoles, napagnunumuan dagiti bokales a manipud Mierkoles, maisayangkat daytoyen iti aldaw ii Martes iti oras iti alas tres.

Iti panakaaprobar iti nasao a kalikagum, indarirag met ni bokal Jerry Singson ti yuumay koma dagiti bokales iti umno nga oras tapno mataming dagiti naka-agenda iti umanay nga oras.

“Please, be on time. We should give example to the Filipino people, filipino time is always on time.” Kinuna ni vice governor Jerry Singson iti panagsarita.

Mainaig iti daytoy a banag, manamnama ngarud nga iti daytoy bulan ti Marso ket Martesen ti oras ti session dagiti bokales.

danny

CANDON CITY.  Kas maysa a programa iti anti-red tape, isayangkat manen ti Candon City ti Business One Stop Shop wenno BOSS.

Daytoy ti naammuan kenni Jean Abrero, Business Permit and Licensing Officer ti Candon City bayat iti panakiuman–uman kenkuana.

“Manipud iti January 2 agingga January 20 ket diretso kami nga adda ditoy city hall kadagiti ag-renew ken mangilakad iti papelesda.” Kinunana.

Kinunana nga uray aldaw iti Sabado ken Domingo ket sidadaan a manglukat tapno iti kasta ket maikkan importansia dagiti agnegnegosio ditoy Candon.

SANTIAGO, ILOCOS SUR.  Saanen a naganas ti maysa a balasitang ti panangsabet ti baro a tawen idi daytoy ket nadungpar ti XRM idiay barangay Dan-ar, iti daytoy nga ili.

Ti biktima ket managan Arlene Blanze, 13 anios, residente iti nadakamat a barangay kabayatanna a ti nakadungpar ket managan  Chris Gacutan, 21 anios, residente iti barnagay San Nicolas, Candon City, Ilocos Sur.

Iti inisial nga imbestigasion dagiti panakabagi ti linteg, ti biktima ket bummalasiw koman iti kalsada manipud iti daya, ngem idi addan iti tengnga, nakitana ti XRM nga imanmaneho ti nasao a lalaki, gapuna a nagsardeng daytoy.

Ginandat ti drayber a liklikan ngem  nasapgid latta ti biktima.

Nasugatan ti biktima ken ti drayber ket naitarayda iti Candon General Hospital para iti panakaagas kadakuada.

dannyantalan

“Aramidenda latta iti kayatda”daytoy man iti natangken a waragawag ni Gobernor DV Savellano kalpasan nga inislash iti provincial board iti supplemental budget nga indatagna.
Numampay no iti kasta naragsaken met iti gobernador gapu ta ti pundo a para iti cash gift ken bunos dagiti empleado ket adda met a pinalusot dagiti bokales.
Naladingit met iti gobernor gapu ta ti pundo para iti kabsat program daytoy a ket saan nga inaprobaran iti junta probinsyal.
Maatap met nga adda iti pannakainaig iti Vice Gov Jerry Singson iti pannakaislash iti supplemental budget.
Maatap pay nga ti vice gobernor ket addan plano na a kumandidato a para gobernor iti umay a 2010 election.
“Ti pundo para iti kabsat program ket maited a pagsyaatan dagiti umili”No saan da man nga inaprobaran adda kaniadan total dagiti kaprobinsyaan met laeng iti maapektaran”innayun iti gobernador iti interviewna iti DZTP.
Aganay a 17 milyon a pisos iti supplemental budget nga indatagna ngem 6 a milyon laeng iti nakalusot.

VIGAN CITY. Kalpasan iti baylagi nga pannakagun od da a kas hall of famer iti kalinisan,katalgedan ken kaberdyan nga syudad iti region 1,impaay metten iti syudad iti vigan iti pagrebbenganna kadagiti empleadona.
Ditoy a naipaay manen iti dati a gatad a bunos dagiti empleado nga 20 a ribu a pisos iti tunggal maysa kadakuada.
Dati metten a kastoy iti maipapaay a bunos dagiti empleado napalpalabas a tawenen.
Naliday met dagiti dadduma nga empleado iti syudad iti candon kalpasan nga agarup laeng nga 10 a ribu a pisos iti naipaay nga bunos iti tunggal empleado iti syudad.