CANDON CITY.  Maysa a lalaki ti mapapati a nagkamatay iti uneg iti balayda iti barangay San Juan itoy a siudad.

Ti biktima ket managan Michael Vincent Abaya, 32 anios, naasawaan, residente iti nasao a lugar.

Iti inisial nga imbestigasion, nasarakan ti asawana a managan Diana ti biktima a nakabitin iti ayan iti kusinada babaen iti barot.

Naitaray daytoy iti ospital ngem dead on arrival daytoy.

Kas maibasar pay iti blotter, ti biktima ket naggandat idin nga agpakamatay idi napalabas a bulan ti Desiembre ngem daytoy ti nakalasat idi.

SANTIAGO,ILOCOS SUR. Naambus idi laeng rabii ti kapitan iti brgy dan ar kaduana iti anakna.
Nabigbig ti kapitan a ni brgy. captain Federico Gaoat ken iti baro na a managan Manuel Gaoat.
Iti imbestigasyon iti pnp santiago,ti kapitan ken anakna ket naggapu da iti maysa a minatayan iti brgy.da. Addadan iti dalan da agawid agarup tengnga iti rabii idi ta pinatudwan da ida iti bala babaen kadagiti suspek.
Armalite,karbin ken kalibre 9mm iti maatap a paltog a naaramat iti ambus maibasar kadagiti kapsula iti bala a napidutda iti crime scene.
Milagro met a saggaysa laeng iti tama dagiti agama.Segun iti ospital a makaag agasanda ket ti bala a timmama iti kapitan ket isu met laeng iti bala a naitama iti spinal cord iti anakna.
Agingana kadagitoy ket awan pay iti lead dagiti pannakabagi iti linteg iti motibo iti krimen

CANDON CITY. Nagballaag ni PCI Marlo Castillo kadagiti agindeg iti daytoy a syudad nga agridamda manipud kadagiti mannibrong.
Masapul iti panagridam ken panangireport nga insigida kadakami dagiti mamadlawan dagiti kailyan kadagiti arubayanda”kuna iti hepe.
Daytoy a ballaag iti hepe ket rimwar kalpasan dagiti agsasaruno a panagtakawan kadagiti pagtaengan,pagadalan ken pasdek negosyo.
Idi laeng rabii dua a pagadalan iti syudad iti naireport a natakawan.

Santa,Ilocos Sur.  Naladingit a sabado para iti pamilya a naawanan iti uppat a biag iti vehicular accident a naaramid iti parbangon iti daytoy nga ili.

Segun iti police report ti kotse a toyota vios nga  agturong iti vigan city ket dinungpar na iti Partas bus nga agturong met iti manila.

Nabigbig ti driver iti kotse nga ni Mark John Cue idinto a ti Partas bus ket minaneho met iti managan Rey Aldeza.

Natay nga insigida ni Cue kadawana dagiti pasaheros na nga isuda Ramon Gabriel Battad,3,Susan Llanes,ken Felisicimo Battad,77,agpapada a taga Vigan city.

Nakalasat met ni Dr. Glenn Battad,46 ken madama ita a maag agasan iti St.James Hospital idiay Vigan City.

Iti imbestigasyon iti pulisya,ti partas ket naggapu iti syudad iti laoag,idin ta makadanon iti parte iti santa ditoy a masabat na iti kotse. Naamwan nga  immagaw a bigla iti linya iti kotse iti linya iti partas. Linissian met iti driver iti partas iti kotse ngem nadungpar latta iti kotse ti partas. Kalpasan na ditoy a naidungpar pay iti waiting shed nga adda iti abaga ti kalsada iti kotse.

Maipagarup a nalose control iti driver iti kotse.

CANDON CITY.  “Kamatennakayo ti atiddog nga ima ti linteg!”

Daytoy ti kinuna ni PCI Marlo Castillo, agdama a chief of police ti Candon PNP kadagiti drug pusher ken personalities nga agdakdakiwas ditoy siudad ti Candon.

Daytoy ket kalpasan iti balligi manen a panagsukisok nga insayangkatda iti pagtaengan ti maysa a mapapati a drug pusher a nakaalaanda iti naisupot-supot a mapapati a marijuana.

Ti suspek ket managan Rodrigo ‘Goro’ Gandol, addaan iti naan-anay nga edad, residente iti barangay San Isidro, Candon City.

Iti panagsukisok nga insayangkat ti PNP-Candon ken PDEA, naala iti pagtaenganna ti 25 a plastic sachet a naglaon iti napagango a maatap a marijuana agraman ti 18 nga awan nagyanna a plastic sachet.

Inlawlawag ni Castillo a daytoy ket kas pasaruno iti insaysayangkatdan a panagsukisok kadagiti drug personalities ditoy Candon City.

“Adda warningko idin kadakuada, ket nag-lie lowda met iti sumagmamano a bulan, ngem na-monitormi a nagaktiboda manen iti daytoy a gundaway gapuna a nangisayangkatkami manen iti panag-raid.” Kinunana.

Addan iti kuerpo iti pulisia ti suspek, agraman dagiti naala a droga.

danny antalan