Salcedo, Ilocos Sur. Natay ti maysa a 17 anios a lalaki idi daytoy ti nakoriente iti linia a direkta a nakakapet iti poste ti ISECO iti sitio Mugao, Lucbuban, itoy nga ili.

Ti biktima ket managan Eric Valdez, 17 anios, kabayatanna a ti kabsatna a ni Danny Valdez, 18 anios, ket nayospital met gapu iti panakairamanna a nakoriente.

Iti inisial nga imbestigasion, ti biktima ket gapgapuna a nagpasayak ti taltalonda. Nairana a nagturong daytoy iti poste ti ISECO ket kimpet daytoy iti barot a pasikkil ti poste ngem dita metten a nakoriente daytoy.

Ginandat daytoy nga isalakan ti kabsatna ngem maipurwak daytoy no iggamanna. Idi nakita daytoy ti tatangda, nangala daytoy ti kostal ket isu ti panangiggemna sana ginuyod.

Nupay kasta, natay ti biktima gapu iti nasao nga insidente. Nadakamat a mapapati a napugsat ti ground wire nga isu ti puon a naaddaan ti koriente ti nasao a linia.

dannyboy

Salcedo, Ilocos Sur. Napaltogan ti maysa a rebel returnee babaen kadagiti tallo a di nabigbig a suspek bayat iti kaaddana iti balayda iti barangay Kinmarin, itoy nga ili.

Ti biktima ket managan Johnny Habon y Magaten, 34 anios, residente iti nadakamat a barangay kabayatanna a ti suspek ket di nabigbig a pakairamanan ti dua a lalaki ken maysa a babai.

Iti inisial nga imbestigasion, ti biktima ket makipatpatang iti nanang ken kabsatna iti uneg iti balayda agarup alas siete ti rabii idi adda nangawag iti naganna iti ruar.

Idi linuktanna ti ruangan, ditan a pinaltogan a naminsan a daras iti kanigid a paset ti bagina iti close range.

Naitaray ti suspek iti ospital ngem daytoy ti natay kalpasan iti sumagmamano a kanito.

Ti biktima ket mapapati a kimmapeng iti NPA idi tawen 2003 ngem nagsubli iti gobierno idi 2004.

Naammuan pay a ti biktima ti nakaaw-awaten iti pangta iti biagna no agsubli daytoy iti barangayda, ngem nairana a natayanda ket ditan a napasamak ti pammapatay iti biktima.

dannyboy

Salcedo, Ilocos Sur- “Panagimun ti rumrummuar a motibo ti isaysayangkatmi nga imbestigasyon mainaig ti panangpatay ni mister iti misisna.” Daytoy ti naammuan kenni SP04 Gil Sudayan y Taqueban, Deputy Chief of Police iti ili a Salcedo, Ilocos Sur iti interview iti Radyo DZTP Tirad Pass kenkuana.

Naammuan ti nasao nga opisya, a ti agdama ket adda iti ikutda ti suspek, ngem daytoy ket napagnunumungan iti biang ti pamilyana, kasta metten dagiti brgy. Officials da.

Nabigbig a ti suspek ket managanFlorencio Baguioen, 52-anyos, mannalon ken residente iti brgy. Cullong, Salcedo, Ilocos Sur.

Idinto ti biktima ket iti misis ti suspek managan Teresita Baguioen y Javillonar.

Naammuan kenni SP04 Sudayan, nagsagaba ti pannakapaltog ti biktima babaen ti sumpak wenno backshot nga isu ti sigida a nakatayan daytoy.

Sigida met a naarestar dagiti kameng ti barangay tanod ti suspek ken inturn-overda kadagiti kameng ti polisya a nagresponde iti nasao nga insidente.

Naammuan pay kenni Sudayan, ita nga aldaw ti lunes ti naka-skedyul a panagpapatang mainaig ti nasao a pasamak iti biang ti suspek ken ti pamilyana pakaseknan ti nasao a kaso, agsipud ta ti biktima ket naitabon metten.

Jeff Barredo

SALCEDO,ILOCOS SUR. Naragsak manen dagiti empleado iti ili a salcedo kalpasan a naipaayan da iti dakkel a bunos iti daytoy a tawen.
Segun ken mayor Leonofre Gironella,naaddaanda iti makaumanay a savings para iti bunos dagiti empleado.
“Dapat laeng a maipaayanda gapu ta isuda met iti front iti gobyerno a mangipaay iti serbisyo.
Agarup a 35 thousand pesos iti naawat iti tunggal empleado.

Salcedo,Ilocos Sur. Suportado dagiti mannalon iti tabako iti daytoy ili,daytoy man iti naamwan ken mayor Leonofre Gironella kabayatan iti interview iti DZTP kenkuana.
Segun iti mayor,adda iti subsidyo nga ipapaayda kadagiti mannalon nga agmulmula iti birhinia a tabako.Maikkan dagitoy iti puunan manipud iti panagbunubon agingana iti panagpatakderan iti pugon.
Segun pay iti mayor a masapul nga iti kataltalonan iti pangiyawatan kadagitoy a masapulda tapno makita nga ipanda kadagiti mulada kuna ti mayor.
Ti birhinia a tabako ket isu ti kangrunaan a produkto iti ilida.
Daytoy met iti kangrunaan a paggapgapwan iti pundo iti RA 7171.

Salcedo,Ilocos Sur.

SALCEDO, ILOCOS SUR. Baylagi a naisayangkat ita nga aldaw iti Joint Community Services (JCS) Mission a programa ni Vice Gobernor Jerry Singson iti daytoy nga ili.

Ditoy a naisayangkat iti Cataract mission a nakaoperaan dagiti umili nga addaan iti catarata. Naggapu dagitoy a pasyente manipud kadagiti bar barangay iti salcedo ken dagiti kabangibang pay nga ili iti upland.

Kalaksidan iti operasyon iti mata adda pay naaramid a minor surgical mission kadagiti pasyente nga addaan iti bukol wenno cyst. Ti operasyon iti bukol ket indaulwan met ni Dr. Federico Anaen nga mangidadaulo iti Salcedo Medicare Hospital.

Nagyaman met ni Singson kadagiti opisyales iti Salcedo iti panangidaulo ni Mayor Leonofre Gironella. “Agyamanak iti suportar ni mayor ken kasta metten iti anak na a bokal nga ni bokal Joselle Gironella. Baylagi daytoy gapu kadakuada ken dagiti dodoktor nga naayat a tumultulong iti JCS Mission”kuna ti Bise gobernador.

SALCEDO, Ilocos Sur.  Natiliw dagiti panakabagi ti linteg ti daytoy nga ili ti gandat a panakailibas koma kadagiti illegal a naputed a kayo iti daytoy nga ili.

Natiliw dagiti panakabagi ti linteg ti maysa nga Isuzu Elf truck, addaan plaka RDX-985, minaneho ni Dominador Cortez, residente iti Calangcoasan, Salcedo, Ilocos Sur.

Dagiti kayo ket mapapati a ginatang da Joseph Ellazar residente iti Padaoil, Santa Cruz, Ilocos Sur ken ni Ruel Galano, residente iti San Tiburcio, Salcedo, Ilocos Sur.

Agarup iti 104 a pidaso ti naragadi a kayo ti gmelina ti nakumpiskar nga addaan daytoy iti naduma-duma a rukodna.  Natiliw daytoy idi awan maiparangda a naan-anay a permiso ken dokumentos iti panakabiahena.

Naala iti kuerpo iti pulisia dagiti kayo ngem nakasagana a maiturn-over daytoy iti Department of Environment and Natural Resources bayat a maisagsagana metten ti kaso a maipila kadagiti maseknan.

VIGAN CITY. Pormalen a nagtugaw a kas kabarbaro a kameng iti junta-provincial ni Engr. Joselle Gironella idi kalman kabayatan iti regular sesyon kuma a maisayangkat.

Numampay no iti kasta naisibbo iti kabaelanna kabayatan iti pannakapagbalin a kas comite hearing iti regular sesyon gapu iti kinaawan iti kurom, tapno madengngeg iti  panangkontra ni Mr Elpidio Que iti resolusyon a mangadaptar ken Lucio Tan  a kas anak ti probinsya.

Ni Engr. Joselle ket isu iti nangsukat ken mamangna a daydi Cherry Gironella a pimmusay gapu iti sakit a kanser iti pancreas itay laeng nabiit.Isuna met iti inaudi kadakuada nga agkakabsat.

Sakbay iti sesyon, ditoy a binasa ti presiding officer Vice Gobernor Jerry Singson iti appointment iti kabarbaro a bokal.

Maipalagip nga imun unan a pinagsapata ni Gobernor DV Savellano ti baro a bokal kabayatan idi iti CABSAT CARAVAN program sadiay ili iti San Emilio