SAN ESTEBAN, Ilocos Sur. Natay ti maysa a baket kabayatanna a nasugatan ti maysa nga Indian national  iti aksidente a napasamak iti barangay Poblacion itoy nga ili.

Ti biktima ket managan Thelma Caceres, residente iti nasao a lugar kabayatanna a ti Indian national ket managan met Singh Amadeep, 19 anios, residente met iti San Jose, Candon City.

Iti inisial nga imbestigasion, agpatpataray iti national highway ti Bombay babaen iti motorsiklona a Honda Wave, addaan plaka AB-6046 idi bumallasiw iti national highway ti baket manipud laud ket ditan a napasamak ti aksidente.

Nakaro a nasugatan dagiti dua ket naitarayda iti ospital. Naaddaan pay iti nakaro a panakadadael dagiti luglugan.

San Esteban, Ilocos Sur- Aggarup uppat a gasut a ribu a pisos ti intaray dagiti agtatakaw babaen ti panangserrekda ti pagtaengan ti maysa a doktor sadiay brgy. Apatot iti daytoy nga ili.
Nammuan kadagiti kameng ti polisya a nainget ti panangisaysayangkatda ti imbestigasyon ti nasao a pasamak a panangserrek kadagiti saan a nailasinan a suspek iti pagtaengan ni Dr. Candonino Garmen y Carino, 67-anyos ken residente iti nasao a barangay.
Naammuan ti imbestigasyon kadagiti kameng ti polisya, sinirrek dagiti saan a nailasinan a mannanakaw iti nasao a pagtaengan iti nagbaetan iti oras ti ala una agingana alas tress ti parbangon, bayat a nairut ti pannaturog dagiti agassawa a biktima idi dayta a gundaway.
Naitaray kadagiti suspek ti tallo a laptop computers, tallo a cellphones, alahas nga aggatad ti dua gasut a ribu a pisos, sangagasut a ribu a pisos a cash ken uppat a gasut a US dollar.
Naammuan a ti pakadagupdagupanna ti amin a natakaw aggarup uppat a gasut a ribu a pisos.

Jeff Barredo

San Esteban, Ilocos Sur- Sigida a natay ti driver ti motorsiklo ken grabe a nasugatan ti kinasakayna gapu ti panangdungparda ti maysa a minibus a sarsarunuenda, napasamak aggarup oras alas dose y media idi aldaw kalman iti national highway a masaksakupan iti brgy. Quirino, San Esteban, Ilocos Sur.

Dagiti biktima ket nabigbig ti nagan Reynante Espanto y Guerson, 19-anyos, baro ken residente iti brgy. Cappa-cappa iti daytoy nga ili nga isuna ti nagmaneho ti maysa a single motorcycle a Ramas Sr 100, addaan plaka 9122-AO ken ti kinasakayna ket mabigbig laeng ti nagan a Dante.

Idinto ti minibus a karaman ti nasao nga insidente ket maysa a KMB Tourister, agmaris ti puraw ken nalabbaga ken addaan plaka AYK 123 a  minaneho ni Ricson Supnet y Cera, 35-anyos, naasawaan, addaan lisensia ken residente iti brgy. Lanipao, Narvacan, Ilocos Sur.

Ti imbestigasyon kadagiti kameng ti polisya iti daytoy nga ili, ti mini-bus ket agdaldalyasat iti kawatiwatan ti national highway a masaksakupan iti nasao a barangay.

Naammuan a nagdispasyo gapu ta adda dagiti tao iti igid ti kalsada tapno pidutenna dagitoy, nga isu metten ti aksidente a panangdungpar ti motorsiklo a nagluganan dagiti biktima a mangip-ipus ti nasao a minibus.

Nagresulta a ti driver ti motorsikslo ket nagsagaba ti pannakasugsugat iti nadumaduma a paset iti bagina karaman metten ti kinasakayna.

Sigida nga intaray dagiti kameng ti polisya a nagresponde dagiti biktima iti nasao a pasamak nga inpanda iti ospital sadiay Reyes Clinic and Hospital iti ili ti Santa Maria, Ilocos Sur.

Ti driver ti motorsiklo ket indeklara dagiti doktor a natay daytoy idinto ti kadduana a managan laeng ti Dante ket inyakarda sadiay St. James Hospital iti siyudad ti Vigan para ti naan-anay a pannakatamingna.

Jeff Barredo

San Esteban, Ilocos Sur-”Dua a kaso a panagtakaw ti napasamak idi rabii ti lunes manipud iti brgy. Bateria ken Apatot iti ili ti San Esteban, Ilocos Sur.” Daytoy ti naammuan kenni PI Jose Talania, hepe ti polisya iti daytoy nga ili.

Umuna a naireport aggarup oras alas 6:00 idi bigat kalman inuli dagiti agtatakaw iti pagtaengan ti German National sadiay brgy. Apatot a ni Mr. Heinz Orf Feller ken ti misisna a ni Marites Tamayo Feller.

Intaray dagiti agtatakaw ti maysa a digital Vedio camera; dua a cellphone nga addaan ti load, maysa a pitaka a naglaon ti 15,ooo pisos maysa a lisensiado a kaliber 45, armscore.

Ti imbestigasyon kadagiti kameng ti polisya, ti misis  ni Mr. Heinz a ni Marites ket nakariing idi oras alas 6:00 idi bigat kalman a daytoy ti nagtaros iti kosinada.

Idinta linukatanna ti ridaw iti kosina tapno rummuar naddiskubrena laengen a naiwara ti pitakana karaman a naiwara dagiti linaon dagitoy kas koma kadagiti ID ken dadduma pay nga agkakapateg a papeles a nasarakan iti ruar iti balayda.

Naammuan a ti simrekan dagiti agtatakaw ket gapu ti pannakaikkat ti pito a pidaso ti jelousy window glass a masarakan iti laud a paset ti balay nga asideg iti salas.

Ti agdama ikut dagiti kameng ti polisya dagiti pito a pidaso ti jelousy a sarming para ti naa-anay nga imbestigasyon.

Kabayatanna idi aggarup oras alas 3:35 idi parbangon kalman, sinirrek met dagiti agtatakaw iti pagtaengan ni Atty. Salvador Vergara Quebral, 73-anyos ken retired DILG Director a residente iti brgy. Bateria iti daytoy nga ili.

TI pakpakauna nga imbestigasyon, dua a saan a nailasinan a lallaki a kalakalaingan ti bagida ken tayag dagitoy nga isuda ti suspek ti simrek iti nasao a pagtaengan babaen ti panagaramatda ti agdan a kayo nga inpaturongda iti terrace iti pagtaengan iti 2nd floor nga isu ti nangalaanda ti hand bag ni Mrs. Alma Quebras y Acosta, 69-anyos, naasawaan nga adda ti kargana a kuwarta nga 6,000 pisos ken 12 dollars, maysa a botelya a bangbanglo, relo a rado nga aggatad ti 15,000 pisos. Karaman pay nga innala dagiti agtatakaw ket ti travelling ti apokoda a naglaon kadagiti personal a gamit.

Naammuan a ti rimmuaran dagiti agtatakaw ket iti likudan a paset ti balay.

Dagitoy dua nga insidente ti panagtakaw, naammuan ti hepe ti polisya a nainget ti imbestigasyon nga isaysayangkatda.

Jeff Barredo

San Esteban, Ilocos Sur- Boluntaryo a simmuko iti kuerpo ti polisya iti ili ti Santa Maria, Ilocos Sur ti Driver ti maysa a Trailer Truck a daytoy ti nakapaatan ti kasemsemento a kalsada sadiay ili ti San Esteban, Ilocos Sur idi aggarup oras alas 3:00 ti malem ti mierkoles bayat nga agdaldalyasat daytoy iti pasetna a ‘one lane’ gapu ti pannakasemsmentona ti national highway.

Nabigbig a ti driver ket isuni Casamiro Molina y Pipo Jr., 39-anyos, baro, addaan ti drivers license ken residente iti Brgy. Mira, Bantay, Ilocos Sur nga isuna ti nangmaneho ti Trailer truck, nga addaan plaka 325.

Ti imbestigasyon, ti nasao a truck ket agdaldalyasat iti national highway iti pasetna ti ‘one lane’ nga agturturong iti amianan a direction.

Inta madanunna iti pasetna ti kurbaan nga isu met iti batog iti masemsemento a paset ti kalsada, nakasabat iti maysa a tricycle nga agdaldalyasat iti laud a paset ti highway iti bahada daytoy.

Liniklikan ti trailer truck, ket isu ti gapu a naatalanna ti kasemsemento a kalsada nga adda ti uppat nga span ti nadadael nga aggatad ti 110,730.90 pisos.

Ti naisayangkat a kumprontasyon iti police station iti RKT marketing nga akinkukua ti trailer truck ken iti kontraktor ti kalsada, immanamong ti RKT marketing a bayadanda ti nadadael ti truckda.

Jeff Barredo

SAN ESTEBAN, ILOCOS SUR – “Ti one town one product mi ket ag-start kami ti coconut product.” Daytoy ti ingalgak ni Vice Mayor MIldred Elaydo iti dayoty nga ili.

Kinunana a nalpasda metten iti ‘nata de coco’ a naiyadal kadagiti kalugaranda ket makitan ti bungana nga adda metten ti agnegnegosyo iti daytoy, ken inton umuna a lawas iti daytoy umay a bulan ti marso isunto ti panagisayangkatda ti training iti amin a maaramid a coconut products.

Kinuna ti bise alkalde, a daytoy mapaspasungadan a training, ket isunto ti pangiyusaranda ti pondo nga inted ni Congressman Eric D. Singsong ti gatad a 100,000 pisos ken DOLE ket 100,000 pisos ti pakabuklanna a dua gasut a ribu a pisos.

Naammuan pay ti nasao nga opisyal, agsipud ta iti produkto a bigbigbigenda ket aggapu iti niyog, kinuna a daytoy ti sumaruno a ganwat ket ti agpaaduda ti niyog iti masakupan iti ilida babaen ti panagmulada.

jeff Barredo

SAN ESTEBAN, ILOCOS SUR- Inpaganetget ni Vice Mayor Mildred Elaydo iti daytoy nga ili a mamonitor a naimbag dagiti naiwaras kadagiti nadumaduma a barbarangay dagiti naited para ti kabsat program ni Governodr DV Savellano.

Naammuan  iti Radyo DZTP iti interview kenkuana itattay a sakbay a nai-release dagiti nadumaduma a makina para talon ken ramramit, kasta metten dagiti kalding ken piyek, naipakaammon kadagiti nadumaduma a barangay captain kadagiti reglamento a surutenda, tapno naannayas met laeng ti pannakamaneharna a pagsisinnublatan.

Naammuan pay ti bise alkalde nga adda met dagiti nadumaduma nga organisasyon ken asosasyon kadagiti barangay nga isu ti pangipaimaanda ken mangbukelda ti paglintegan tapno mairanud kadagiti amin a kalugaranda.

Nupay kasta, adu pay ti kalikagumanda a kiddawen iti gobiernador, ngem naammuan kenni Vice Mayor Elaydo nga inpanamnama kadakuada ti gobernador a no sumangpet ti pondo iti RA 7171 ket dagiti dadduma a request iti San Esteban ket mapatgan.

Jeff Barrredo

SAN ESTEBAN, ILOCOS SUR – Balligid a naisayangkat ti kabsat caravan a programa ti provincial government ditoy provincia nga Ilocos Sur, babaen ti panangidaulo ni Gobernador DV Savellano sadiay San Esteban, Ilocos Sur itattay.

Nasaksian ti radyo DZTP Tirad Pass dagiti naiwaras a naggapu iti gobierno provincial kadagiti nadumaduma a barangay iti daytoy nga ili.

Tallo a hibrid a kalding ket naiwaras dagiti tallo a barangay kas iti Ansad, Bateria ken Brgy. San Nicolas a barangay ti agdama nga ABC President Rey Elaydo Jr.

Nakaawat pay ti tallo a rolyo a hose iti brgy. San Nicolas, tallo a rollo a hose iti brgy. Bateria ken lima a rolyo a hose iti brgy. Cabaroan ken kasta metten ti Brgy. Ansad, a dagitoy ket mismo a dagiti brgy. Officials ken punong barangay dagiti immawat kadagitoy.

Ti kakaisnuna nga electric pump a five horse power ket inawat met iti brgy. Cabaroan babaen kenni brgy. Capt. Helen Elecion ken dagiti kagawadna.

Lima a unit ti Diessel water pump ti inawat kadagiti lima a brgy. kas ti Bateria, San Nicolas, Apatot, San Pablo ken Villa Quirino idinto ti gasolin water pump maysa a unit ket inawat met iti brgy. San Rafael babaen kenni Brgy. Capt. arrieta Edralin.

Sumagmamano met a fish nets ti naiwaras kadagiti barangay nga adda iti igidna iti kabaybayan kas iti brgy. San Pablo ken Apatot.

Adda met dua a unit ti makina a pagpusi ti maiss a naited iti brgy. Ansad ken Poblacion.

Naammuan pay a siam a unit a kuliglig ket naited kadagiti siam a barangay kas iti Poblacion, Ansad, San Rafael, Bateria, Apatot, Cappa-cappa, San Pablo, Villa Quirino ken San Nicolas.

Ti interview ti DZTP kenni Mayor Chaster Elaydo naammuan a dagiti naited a makina para ti panagtalon ket naiyumang kadagiti amin a barangay officials no ania ti kasapulan iti uneg ti barangayda ket dagitoy ti indatagda ti gobiernador a napatgan.

Naammuan pay a naipaima metten kadagiti Brgy. Officials, ket naipakaammo metten kadakuada ti aramidenda tapno masalakniban ken agpaut dagitoy naited a material a pagsayaatan.

Naammuan pay ti alkalde a dagitoy ket naisangrat a pagbibinnuludan kadagiti kalugaranda ngem adda laeng ti linteg a kasapulan a surutenda tapno maserbianna amin a kalugaranda.

Jeff Barredo

SAN ESTEBAN, Ilocos Sur. Mapapintas ken masimpa ti pantalan babaen iti panakapaatiddog iti breakwaterna a daytoy ket babaen iti panangpondo ti Department of Transportation and Communication wenno DOTC.
Daytoy ti naammuan kenni Mayor Chester Elaydo ti bayat iti interview kenkuana ti DZTP ken Tawid News Magasin.
“Maikkan iti extension ti breakwater tapno umat-atiddog.” Kinuna ti mayor bayat iti interview.
Kinunana pay a daytoy ket karaman payen iti programa iti turismo ti ili ta ditoy ngamin ti maysa a destinasion dagiti bakasionista.
“Daytoy ket kas maysa a programami kenni Congressman Singson iti turismo babaen iti panangsimpa iti Villa Quirino port.” Innayonna.
Inlawlawag a daytoy ket naaddaan iti pondo babaen iti DOTC iti sumurok-kumurang P6.8 a million a pesos.
Kinunana a daytoy panakasimpa iti breakwater ket pakpakauna pay laeng, ket maisarunonto ti riprapping wenno seawall iti barangay San Pablo.

Santa Cruz,Ilocos Sur. Insidente a nabirukan dagiti mangngalap a mapukpukaw a nakakapet iti pataw idi naminsan a kalman.
Iti interview ken kagawad rey oandasan,kinuna na a nakita dagiti mangngalap manipu barangay Mantanas Santa cruz dagiti agaama a MOstoles a nakakapet iti pataw iti ayan iti rama 30 nauticals miles lauden iti syudad iti candon citry.
“Nakapsuten dagiti agaama gapu ta pito nga aldaw dan nga agtatapaw iti baybay.Napattog ti bangka da kalpasan a naksabat da iti dadakkel a dalluyon”kuna ni oandasan. Ni oandasan ket isu met iti akin bangka iti ar aramaten dagiti agaama.
Kalpasan a naitakdang dagiti agaama a mangngalap,daras a naipaagas dagitoy sadiay Tagudin General Hospital and Capillarasis Center sadiay ili iti Tagudin.
Segun ken Kagawad oandasan rumwar da ita nga aldaw manipud hospital dagiti mangngalap.
Iti bulan iti nobyembre,agarup a tallo a bangka iti napukaw ni oandasan ngem awan met iti napukaw a biag nga isu iti pakaragsakan ti kagawad.
Agarup met iti 80,000 a pisos iti pukaw na manipud kadagitoy a napukaw a bangka na.
Dagiti agaama a Mostoles ket taga dili santa cruz,idinto a ti bosda a makinbagiti iti bangka ket taga apatot san esteban.