SANTA CRUZ, Ilocos Sur.  Tapno matulongan a maaddaan iti nasayaat a salun-at dagiti ubbing, mangisaysayangkat ti supplemental feeding ti Santa Cruz-PNP kadagiti pagadalan elementaria itoy nga ili.

Kinuna ni PCI Jugith Del Prado, agdama a Chief of police iti daytoy nga ili, a daytoy ket programa ti kapulisiaan ket inisiatibo babaen iti WCCD section iti daytoy a kuerpo ti pulisia.

Iti panakiuman-uman met kenni Madam Tina Amor, WCCD officer ti Santa Cruz-PNP a pakairamanan kadagiti naturongdan ket iti Sagat Elementary School ken Sevilla Elementary School.

Dagiti dadduma a pagadalan ket sumarsarunoda.

Kinuna ni Del Prado ket addaan iti gagem tapno iti kasta dagiti ubbing ket maipaayan iti nasustansia a taraon babaen iti simple a wagas.
Maipalagip nga itay napalabas a bulan, narambakan ti Nutrition Month.

Santa Cruz, ilocos Sur.  Agpapan kadagitoy a gundaway ket ur-urayen pay laeng ti pamiliada dagiti mangngalap a naiwawa iti taaw a taga-Santa Cruz, Ilocos Sur.

Kinuna ni PCI Jogit del Prado nga agdama a COP iti Santa Cruz PNP nga agpapan ita ket di pay nakasubli dagiti tallo a mangngalap manipud idi nagpukawda idi Desiembre 2008.

Dagiti mangngalap a mapukpukaw ket da Roger Cudiamat ken Fernando Callejo a dagitoy ket residente iti Mantanas, Santa Cruz, Ilocos ken ni Godofredo Cabradilla, residente met iti PIlar, Santa Cruz, Ilcos Sur.

Agpapan kadagity a gundaway, ur-urayen pay laeng ti pamiliada ti panagawidda nupay manon nga aldaw a mapukpukawda.

danny

Santa Cruz, Ilocos Sur.  Nakalibas manipud iti pagbaludan ti pulisia ti maysa a balud ti Santa Cruz PNP iti SAnta Cruz, Ilocos Sur.

Nakalibas ni Chris John Lord Somera, 23 anios, residente iti Dardarat, Tagudin, Ilocos Sur ken addaan iti kaso a carnapping ken IS number 08-434.

Mapapati a tinakawna ti motorsiklo ni Santa Cruz Sangguniang Kabataan Federated President Mark John Javonillo.

Iti imbestigasion, ti balud tidimmawat ti pammalubos nga agCR iti municipio agsipud ta dadael tia CR iti pagbaludan.  Kinuyog daytoy ni SPO1 Danny San Andres.

Ngem bayat nga adda iti uneg daytoy, naglibas daytoy  babaen iti itatapuakna iti tawa ti CR.

Idi nakita daytoy ti pulis, kinamatna ngem ditan a nakaadayo ti balud ket dinan nakamatan.

danny

Santa Cruz,Ilocos Sur. Insidente a nabirukan dagiti mangngalap a mapukpukaw a nakakapet iti pataw idi naminsan a kalman.
Iti interview ken kagawad rey oandasan,kinuna na a nakita dagiti mangngalap manipu barangay Mantanas Santa cruz dagiti agaama a MOstoles a nakakapet iti pataw iti ayan iti rama 30 nauticals miles lauden iti syudad iti candon citry.
“Nakapsuten dagiti agaama gapu ta pito nga aldaw dan nga agtatapaw iti baybay.Napattog ti bangka da kalpasan a naksabat da iti dadakkel a dalluyon”kuna ni oandasan. Ni oandasan ket isu met iti akin bangka iti ar aramaten dagiti agaama.
Kalpasan a naitakdang dagiti agaama a mangngalap,daras a naipaagas dagitoy sadiay Tagudin General Hospital and Capillarasis Center sadiay ili iti Tagudin.
Segun ken Kagawad oandasan rumwar da ita nga aldaw manipud hospital dagiti mangngalap.
Iti bulan iti nobyembre,agarup a tallo a bangka iti napukaw ni oandasan ngem awan met iti napukaw a biag nga isu iti pakaragsakan ti kagawad.
Agarup met iti 80,000 a pisos iti pukaw na manipud kadagitoy a napukaw a bangka na.
Dagiti agaama a Mostoles ket taga dili santa cruz,idinto a ti bosda a makinbagiti iti bangka ket taga apatot san esteban.

SANTA CRUZ, ILOCOS SUR.  Tapno matulongan dagiti residente iti Pilar a nabiktima iti sodium poisoning, timmawag ni Vice Governor Jerry Singson iti barangay officials tapno idiayana ti tulongna.

Daytoy ti naammuan kenni kagawad Cesar Cabradilla bayat iti interview kenkuana mainaig iti napasamak a mapapati a panakasabidong dagiti mangngalap iti barangayda.

Kinunana a timmawag iti maysa kadagiti kagawad ti barangay ti bise gobernador tapno ibaon dagiti amin a bimmatok idi a mapan agpa-check-up iti ospital idiay Tagudin, ilocos Sur.

Mainaig iti daytoy a banag, kinuna ti kagawad a dagiti ngarud napan nagala ti ipon idi Setiembre 21 ket nagturongda iti Tagudin tapno makita no adda ti problema iti salun-atda.  Uray dagiti ubbing a nagala idi ket naibaonda me.

Saanen nga agbayad dagiti bumarangay agsipud ta ti provincial government iti mangsalo iti magastos iti panagpa-check-upda.

SANTA CRUZ, Ilocos Sur.  Nupay namantsaan ti maysa a trahedia ti umadanin ti panag-fiesta ti barangay Pilar, maituloy latta ti parambakda iti daytoy a tawen.

Daytoy ti naammuan kenni Kagawad Cesar Cabradilla bayat iti interview kenkuana iti DZTP Radio Tirad Pass.

“Nupay adda daytoy a napasamak, ituloymi ti panag-fiestami intono Oktubre 9 agingga 12 ta nakasagana aminen dgiti programa.”

Kinunana a madaman ti maar-aramid a basketball games, ket pakairamanan kadagiti programa ket Day Care Night, Elementary Night, Bikathon, Barangay and SK Night ken Bikini Open.

Maipalagip a naaddaan iti trahedia ti barangay Pilar idi natay ti 2 ken na-confine ti pinullo a mangngalap idi dagitoy ket nagkalap ti ipon iti kabaybayan ti Tsina idi Setiembre 21, 2008.

Mapapati nga adda nailaok a sodium cyanide iti kabaybayan idi nagalada iti ipon a nakaigapuan iti panakainom dagiti mangngalap a nagbatok iti dayta a gundaway.

Dua ti ntay gapu iti mapapati a panakasabidong kadakuada.

            SANTA CRUZ, Ilocos Sur.  Dua ti natay ken agarup 50 a mangngalap ti mapapati a nasabidongan ti sodium idi dagitoy ket nagkalap ti ipon iti kabaybayan iti barangay Pilar, iti daytoy nga ili.

            Dagiti natay ket pakairamanan kada Ronald Jacinto, 28 anios ken Loreto Cabradilla, 48 anios, agpada a residente iti barangay Pilar kabayatanna a dagiti dadduma ket na-confine iti ospital ken ti dadduma ket nagpa-check iti health center.

            Dagiti napakaruan ket pakairamanan kada Patrick Pascua, Arnel Pascua, Joel Rundariz, Rocky Manzano, Erwin Cabuenas, Edgar Cabradilla, David Manzano, Willy Manzano, Edwin Cabradilla, Glenn Ragandap, Carlo Cabuenas, Ruben Cabradilla, Ari Cabradilla, Edgar Cabradilla, Ambong Cabradilla, Arnold Randaris.

            Dagiti dadduma a mangngalap ket boluntariada a nagpa-check iti health centers ken ospital.

            Kabayatanna iti interview kenni Kapitan Prudencio Cabato, kinunana a dagiti mangngalap iti barangayda ket nagala ti ipon idi Setiembre 21 iti kabaybayan iti Pilar Santa Cruz.

            Gapu iti kaadu ti maala ket adu kadagiti ti napan nagbatok nupay nalibeg ti danum ta kalkalpas ti bagyo.

            Ngem kalpasan iti sumagmamano nga aldaw, dagiti mangngalap a nagala ti ipon ti nakarikna iti panakaulaw, panagkakapsut, agtultuloy a panagling-et, panagsarwa ken dadduma pay.

            Mapapati nga adda ti naikabil a sodium iti kabaybayan iti dayta a gundaway nga isu ti gapu ti panakasabidong dagiti mangngalap.  Ngem daytoy ket madama a nainget pay laeng a maim-imbestigaran.

            Ti sodium ti mapapati a mangpaasideg ken mangpaummong kadagiti ipon iti disso a nakaikabilanna.

            Kinuna ni Edwin Cabradilla, 36 anios, maysa kadagiti nagkalap, a nakarikna laengen isuna ti panagulaw ken agtultuloy a panagling-et agingga a nagtultuloy a nagkakapsut gapuna a nagpaitaray isunan iti ospital.

            Kinunana a manipud alas siete iti bigat agingga alas singko iti malem, nagbatok isuna iti panagala iti ipon.

           Agtultuloy ti nainget nga imbestigasion dagiti maseknan nga ahensia ti gobierno iti daytoy a napasamak iti dayta a barangay.

Engr. Jo Ping ay answers question from the media

SANTA CRUZ, ILOCOS SUR. “Barbareng adda gundaway a makapagkadduakami (iti kongreso) kenni Joe (Engr. Jose Ping-ay, Jr.)”

Daytoy ti kinuna ni Deputy Speaker Eric Singson, 2nd district Ilocos Sur representative, bayat iti panagsaritana iti launching ti ATM service ti Santa Cruz Savings and Development (SACDECO), ti kaunaan nga ATM service iti amin a kooperatiba ditoy Northern Luzon.

Ni Ping-ay ti agdama a bise presidente ti COOP-NATCCO for Northern Luzon. Ti COOP-NATCCO ti political arm ti National Confederation of Cooperatives (NATCCO) iti pagilian a Pilipinas.

Manamnama ngamin nga iparuaren ti Supreme Court ti desision mainaig kadagiti partylist a nakagun-od iti nasursurok iti dua a porsiento a botos iti napalabas a national election itay May 2007.

Kinuna ni Engr. Ping-ay iti interview kenkuana a ti COOP-NATCCO ket adda iti maikawalo iti sangapulo ket tallo a nakagun-od iti nasursurok dua porsiento a botos itay napalabas a tawen.

“It seems that it is favorable,” kinuna pay ni Engr. Ping-ay.

“No agbalin a favorable ti desision, ti COOP-NATCCO ket posible a maaddaan iti dua wenno tallo pay a representative iti kongreso.” Kinunana pay.

Iti agdama, ti maymaysa a representative ti COOP-NATCCO ket ni Guillermo Coa.

danny antalan

bayat iti interview kenni Ruth Lavaro, Sanitary Inspector ti Santa Cruz MHO

SANTA CRUZ, Ilocos Sur.  Siam ti mapatta-patta a biktima ti dengue virus manipud iti tallo a barangay ditoy Santa Cruz, Ilocos Sur.

Daytoy ti kinuna ni Ruth Lavaro, sanitary inspector ti Municipal Health Office ti Santa Cruz bayat iti interview kenkuana ti DZTP Radio Tirad Pass.

Kinunana a dagiti nasao a biktima ti dengue ket suspek pay laeng agsipud ta saan met a nakumpirmaran a dagitoy ket biktima ti lamok nga addaan iti virus ti dengue.

Kinunana pay nga iti barangay Pilar ket isu ti kaadduan iti uppat, iti Suyo ket dua ken iti Besalan ket tallo ti mapapati a biktima ti dengue.

“No ikumpara iti napalabas a tawen, daytoy ti kaadduan, ta iti napalabas a tawen ket mga dua laeng ti biktima.” Kinunana pay.

Inlawlawagna nga agtultuloy ti kampaniada tapno maliklikan ti panagadu ti biktima ti lamok babaen iti panagturongda kadagiti barbarangay tapno ikampania ti panangipatog kadagiti posible a pagitlogan ti lamok, panagdaldalus iti pagtaengan, ken suroten ti 4 o clock habit.

Kadagiti barangay ken pagadalan nga addaan iti suspek a dengue, kinunana a maysa kadagiti inaramidda ket ti panangisayangkat ti fogging operation tapno mapatakyas dagiti lamok no saan man a matay.

Danny Antalan