No agbibiaheka, no makagtengen iti paset iti Santa, Ilocos Sur, adda paset ditoy nga agsikko nga agpadaya wenno ag-detour agsipud ta daytoy paset ti national highway ket matibtibbag, kinapudnona ket agpapan kadagitoy ket dandani natibbag ti paseten daytoy nga highway.
Ngem impasingked ni Engr. Ray Elaydo, District Engineer ti 2nd engineering district ti probinsia ti Ilocos Sur nga addan pondona daytoy para iti panakasimpana.
“Daydiay ket igid ti baybay… nabayagen daytoy a nabagyo isu a dimmawat ni Congressman Eric Singson ti pondona.” Kinunana.
Inlawlawagna nga idi narba daytoyen, addan ti instruksion ni Congressman Singson para iti program of workna tapno daytoy ket maisubmitar.
“Agpapan ita ket awan pay… ngem adda ti nakapila nga imbagada nga adda umay a pondona. Yur-uraymi dayta.” Kinuna pay ni Elaydo.
“Daydiay detour road ti i-maintainmi pay laeng ta pangur-urayanmi iti daydiay a pondo ti Santa seawall.”
Agarup iti P50 a milion ti inprogramada a kasapulan a pondo iti daytoy a proyekto ket yur-urayda ti initial releasena kano P25 a milion para iti daytoy a proyekto.
Maipalagip a daytoy ti national highway nga adda iti igid ti baybay ti kanayon a marebba nangruna no tiempo ti napigsa ti tudo nupay daytoy ti masimsimpa met ngem madadael to manen.

Santa,Ilocos Sur.  Naladingit a sabado para iti pamilya a naawanan iti uppat a biag iti vehicular accident a naaramid iti parbangon iti daytoy nga ili.

Segun iti police report ti kotse a toyota vios nga  agturong iti vigan city ket dinungpar na iti Partas bus nga agturong met iti manila.

Nabigbig ti driver iti kotse nga ni Mark John Cue idinto a ti Partas bus ket minaneho met iti managan Rey Aldeza.

Natay nga insigida ni Cue kadawana dagiti pasaheros na nga isuda Ramon Gabriel Battad,3,Susan Llanes,ken Felisicimo Battad,77,agpapada a taga Vigan city.

Nakalasat met ni Dr. Glenn Battad,46 ken madama ita a maag agasan iti St.James Hospital idiay Vigan City.

Iti imbestigasyon iti pulisya,ti partas ket naggapu iti syudad iti laoag,idin ta makadanon iti parte iti santa ditoy a masabat na iti kotse. Naamwan nga  immagaw a bigla iti linya iti kotse iti linya iti partas. Linissian met iti driver iti partas iti kotse ngem nadungpar latta iti kotse ti partas. Kalpasan na ditoy a naidungpar pay iti waiting shed nga adda iti abaga ti kalsada iti kotse.

Maipagarup a nalose control iti driver iti kotse.

SANTA,ILOCOS SUR. “Awan pay agingana ita iti paglawaganna iti kinasiasinno dagiti kriminal.Panagtakawan iti makitkitami a kangrunaan a motibo iti krimen,”daytoy iti nabatad a sungbat iti PnP santa iti napasamak a pannakamasaker iti agassawa a baket ken lakay iti ilida.

Iti interview ken PO3 Michael Criste,imabaga na nga ar-aramiden da amin a kabaelanda tapno masolbar daras iti pammapatay. Ti wallet ti biktima a lakay ken dagiti karne iti ref ket mapukpukaw a pasible nga innala dagiti nagaramid iti krimen. Naduktalan met a saan a nakita iti agarup sangagasut a ribo a pisos nga adda iti bag a daytoy iti posible a gandat nga alaen dagiti kriminal.

Nagturong metten sadiay iti grupo iti scene of the crime operatives(SOCO) tapno adalenda dagiti evidensya iti nakaaramidan iti pammapatay.

“Kinarigat iti biag iti posible a nangiduron kadagiti suspect”kuna ni PO3 criste.

Maipalagip nga idi kasa nga aldaw ket naduktalan a nalamisen a bangkay dagiti agassawa a Manolo 87,ken Agrifina Pena 88,iti uneg iti pagtaenganda. Napapatay dagitoy babaen iti panangbagbagsol ken panangtagtagbat da iti lakay ken panangbekkel da iti baket.

Maatap met nga saan a maymaysa iti suspect.

SANTA, ILOCOS SUR. Binisita ni Gov DV Savellano iti narpoog a rangtay sadiay barangay Tabukolan a dinadael iti napigsa a danum nga insangbay ti bagyo karen ti probinsya.

Kadwa ti gobernador a napan  ket dagiti municipal elected official iti ili a Santa. Segun ken municipal administrator Lorenzo Formoso,daytoy a rangtay iti mamagkamang kadagiti barbarangay iti deppaar na iti laud iti ili a Santa.

Inkari met iti gobernador a tumulong iti probinsya para iti pannakatarimaan iti rangtay.

Kalpasan a nabisita ti gobernador iti rangtay, ditoy a tinurong na met a kinita dagiti seawall iti nasao nga ili a sumagmamano a paset na ket dinuprak met iti napipigsa a dalluyon.