Dztp's Weblog » santiago

2 Nasugatan Iti Aksidente

saluyot — Sun, 13 Dec 2009 07:29:13 +0000

SANTIAGO, Ilocos Sur. Nasugatan ti dua a lalaki iti aksidente iti traysikel ken Partas Bus idiay barangay Bigbiga itoy nga ili.

Ti traysikel ket Honda TMX 155 ket minaneho ni Jojo Nartatez, 32 anios, residente iti Saoatan, Bangued Abra kabayatanna a ti Partas ket addaan body number 821888, ket minaneho ni Renato Mauricio, 46 anios, residente iti Agtangao, Bangued, Abra.

Iti inisial nga imbestigasion, ti Partas ket agpa-abagatan idi aksidente a nasapgidna ti traysikel gapu iti nakapsut a silawna.

Ti drayber ti traysikel agraman ti kadduana a ni Edward Pantil, 39 anios, ti nasugatan gapu iti aksidente.

Aganawa, Nabagsol

saluyot — Wed, 02 Dec 2009 09:54:30 +0000

SANTIAGO, Ilocos Sur. Nabagsol ti likod ti maysa a lalaki idi daytoy ket naganawa idiay barangay Poblacion Norte, itoy nga ili.

Ti biktima ket managan Joel Espia, 27 anios, residente iti poblacion norte, itoy nga ili kabayatanna a ti mapapati a suspek ket managan Marvin Egar, residente met iti barangay Mambug, Santiago, Ilocos Sur.

Iti inisial nga imbestigasion, ti biktima ket mangmangan iti pangrabiina, idi adda nangngegna nga agriri iti ruar ti balayda, naganawa daytoy ngem ti suspek a ni Marvin Egar ti nangbagsol iti likodna.

Naipan iti ospital ti biktima para iti panakapaagas kenkuana.

Santiago: Mangngalap Nalmes

saluyot — Sat, 28 Nov 2009 03:08:53 +0000

SANTIAGO, Ilocos Sur. Natay ti maysa a mangngalap idi daytoy ket nalmes idi nagpana idiy kabaybayan iti Butol, itoy nga ili.

Ti biktima ket agnagan Jerry Etrata, 39 anios, residente iti nadakamat a barangay.

Kas maibasar iti blotter ti pulisia, ti biktima agraman dagiti dua a kabsatna a da Melvin ken Jundy Etrata ti nagkalap babaen iti panagpanada iti kabaybayan.

Nakitada laengen a nalmes ti kabsatda ket ginandatda a salbaren daytoy babaen iti panangipaigid ngem saanen a naka-rekobre ti biktima.

Lalaki A Nangholdap, Naipilaan ti Kaso

saluyot — Thu, 17 Sep 2009 09:38:44 +0000

SANTIAGO, Ilocos Sur. Naipila ti kaso a robbery with frustrated homicide ti lalaki a suspek a nangholdap iti maysa a babai idiay barangay Dan-ar, itoy nga ili.

Ti suspek a ni Marvin Supnad, alyas Insik, residente iti barangay Dan-ar, Santiago, Ilocos Sur ti naipilaan ti kaso iti municipal trial court.

Maipalagip a ti suspek ti nangholdap ken nangbagsol iti biktima bayat nga agaw-awid ti biktima manipud iti trabahona.

Nupay kasta, ti suspek ti naglibas manipud iti pagbaludan, maysa nga aldaw sakbay a maipila ti kaso kontra kenkuana.

Menor; Nangkarnap ti XRM

saluyot — Mon, 07 Sep 2009 07:17:12 +0000

SANTIAGO, Ilocos Sur. Maysa nga XRM ti mapapati nga intaray ti maysa a menor de edad manipud Candon City ngem nasarakan iti barangay Salincub, itoy nga ili.

Ti XRM ket maris asul, addaan plaka 5690-AH, a daytoy ket kukua ni Rodrigo Ponsoy, iti barangay San Agustin, Candon City.

Ti suspek a menor de edad ket mailinged laengen iti nagan Jerry, residente iti Santigo, Ilocos Sur.

Ti panakasarak iti motorsiklo ket babaen iti panangipakaammo dagiti barangay officials iti Salincub nga adda iti nasao barangay ti lugan iti ikot ti suspek.

Kinuna ti akinkukua a daytoy ket naiparking iti balayda ngem kabigatanna ket awanen a masarakanda ti lugan.

Nai-turn-over met ti lugan ken ti suspek iti kuerpo iti pulisia iti Candon

20 A Pagpallot A Manong, Natakaw

saluyot — Wed, 19 Aug 2009 06:29:18 +0000

SANTIAGO, Ilocos Sur. Natakaw ti duapulo a pagpallot a manok iti nagsina nga insidente iti barangay Imus ken Dan-ar itoy nga ili idi Agosto 9, 2009

Nagreport ni kapitan Gilbert Agbulos iti Imus a ti 6 a pagpallot a manok ni Edwin Elefante ket natakaw.

Kabayatanna, inreport met ni kagawad Andres Blanze ken ni barangay Tanod Reynaldo Blanze a dagiti pagpallot a manok ni Modesto Ragum iti barangay Dan-ar ket natakaw met laeng.

Daytoy ket mapatta-patta a napasamak iti rabii babaen kadagiti di nabigbig a suspek.

Dinadaelda ti alad dagiti dua a farm sada kinurimes dagiti teksas a manok.

Sakbayna, adda nasiputanda a puraw a van nga aglikos-likos iti dayta a lugar. Daytoy ita ti im-imbestigaranda.

Babai, Dinanog ti Padana a Babai

saluyot — Wed, 12 Aug 2009 08:29:58 +0000

SANTIAGO, Ilocos Sur. Naglak-am iti lemma ken garungyad ti maysa a babai idi daytoy ket dinanog ti padana a babai iti barangay Butol, itoy nga ili.

Ti biktima ket managan Agnes Dayrit, 31 anios, residente iti nadakamat a barangay kabayatanna a ti mapapati a suspek ket ni Geraldine Roquepo, iti isu met laeng a lugar.

Kas maibasar iti blotter, ti biktima ket agbisbiskleta nga agawid koman idi sinaed isuna ti suspek ket dita a dinanogna iti namin-adu a daras, ginuyod pay ti imana.

Gapu iti dayta, naglemma ti dadduma a paset ti bagina ken nagturong daytoy iti Candon City Health Center para iti panakaagas kenkuana.

Kinuna pay ti biktima a nangibalikas iti saan a napintas ti suspek kenkuana.

16 A Pagpallot, Natakaw

saluyot — Wed, 12 Aug 2009 08:25:16 +0000

SANTIAGO, Ilocos Sur. Nalugin nga insigida ti maysa a breeder ti pagpallot a manok idi natakaw ti agarup 16 a manok manipud iti farmna iti barangay Dan-ar itoy nga ili.

Ti akinkukua ket ni Modesto Ragum, residente iti nasao a lugar kabayatanna a dagiti suspek ket saan a nabigbig.

Maibasar iti blotter, da kagawad Anddres Blanze ken ni Reynaldo Blanze, caretaker, ti nagturong iti pulisia gapu iti panagpukaw kadagiti nasao a manok.

Naala ti 14 ket uppat a manok a pagpallot manipud iti farm baben iti panangdadaelda iti barut iti sango ti farm.

Kabayatanna, uray iti Imus, Santiago ket adda met ti 6 a manok ti napukaw manipud met laeng iti maysa a farm.

Daytoy ket babaen iti panangireport met ni kapitan Gilbert Agbulos, a ti manok ni Edwin Elefante ket tinakaw dagiti di nabigbig a suspek.

Pagadalan, Natakawan

saluyot — Sun, 09 Aug 2009 04:52:18 +0000

SANTIAGO, Ilocos Sur. Natakawan ti maysa pagadalan itoy ket inala dagiti di nabigbig a suspek dagiti sitsitria iti kantena ti Dan-ar Elementary School itoy nga ili.

Naala ti assorted a laklako kas koma iti Piatos, Nova, cheeze curls, yakult ken dadduma pay babaen kadagiti di nabigbig a suspek.

Dinadael dagiti suspek ti padlock ti kantina sada sinirrek daytoy. Agarup iti P517 ti napukaw iti kantina.

Agtultuloy ti imbestigasion dagiti panakabagi ti linteg.

Dua pay ti natay ti aksidente-Santiago

dztp — Wed, 29 Jul 2009 06:37:09 +0000

Santiago, Ilocos Sur-Natay met laeng dagiti dua a kaddua ti driver ti Isuzu Carter wenno Elf mainaig ti napasamak nga aksidente idi aggarup oras alas 3:40 idi parbangon ti domingo, gapu ti panangdungpar ti naglugananda nga elf ti nakasardeng a 22 wheeler trailer truck, iti national highway a masaksakupan iti brgy. Olo-olo Sur iti daytoy nga ili partikular ti maar-aramid a kalsada.
Naammuam itattay bigat iti police station iti daytoy nga ili, inpakaamo kadagiti kakabaggian dagiti biktima a natay met laeng dagiti dua a dagitoy ti naitarayda idi sadiay siyudad iti San Fernando iti probinsia ti La Union.
Dagiti dua a biktima ket nabigbig nga isuda Jefferson Dolerte ken Oscar Nambay nga agpada a taga-Mapandan, Pangasinan.
Ni Jefferson ket naiaray sadiay Lorma Hospital idinto ni Oscar ket naitaray sadiay Regional Hospital iti San Fernando City, La Union ngem saanda a nalasatan ti grabe a sugat a sinagabada.
Maipalagip a ti Isuzu elf a naglugananda ket dinungparna ti maysa a 22 wheeler truck a daytoy ti nakasardeng gapu ti panang-obserbarna ti trapiko.
Naammuan a ti driver ti elf a ni Christopher Jhn Biggian y Penulilar a kalugaran dagiti dua ket natay idi dagitoy ket naitarayda sadiay Candon General Hospital iti siyudad ti Candon.

Jeff Barredo