Vigan City.  Nauram ti Administration building wenno Elpidio Quirino Hall ti University of Northern Philippines iti barangay Tamag, itoy a siudad.

Iti impormasion a naala ti DZTP iti City Fire Station ti Candon, agarup ala una iti parbangon idi mauram ti nasao a building nga insigida met a nagrespondianda.

Ti administration building ket isu ti ayan dagiti records dagiti estudiante ken dagiti empleado ti maysa a pagadalan gapuna nga adda dagiti madanagan no nairaman ti recordsda.

Ti admin building ti UNP ket maysa a daan a pasdek ken daytoy ket naaramid ti pasetna kadagiti kayo gapuna a daras a nauram daytoy.

Pakairamanan kadagiti nagresponde ket ti fire station ti Vigan City, JTC, Vigan Red Drying, Magsingal, Santa Catalina, Santa, Cabugao, Narvacan, Caoayan, Santa Maria, ken Candon City.

Maipalagip nga idi Hulio 2008, ti College of Arts and Sciences ti UNP ket nauram met laeng.

Kitkitaen dagiti otoridad ti short circuit a gapuna ti uram.  Di pay masisinuo no mano ti gatad ti nadapo.

VIGAN CITY. Maibilang metten daytoy a syudad kadagiti adda iti Hall of Fame kalpasan a napadayawan manen iti maikatlon a tawen a kas the greenest,cleanest and safest city iti entero a region 1.
Nainget a kinabalubal iti syudad iti san fernando city a 2nd runner up ken iti urdaneta city a 1st runner up.
Naiwaragawag iti resulta kabayatan iti RDC miting a naaramid sadiay san fernando city idi kalman iti panangpreside ni RDC chairman,gobernor DV Savellano.
Naragsakan met unay ni Mayor Eva Marie Singson Medina iti nagbalin a resulta.

Vigan city. Piso iti inaprobaran iti sanguniana panglungsod a bimmabaan iti plete iti syudad iti vigan.
Kalpasan iti pannangpirman ni Mayor Eva Medina iti ordinansa dagus metten a naimplentar iti roll back iti plete.
Nakiddaw iti pannakaibaba iti plete kalpasan nga agtultuloy metten iti panagbaba iti presyo iti gasolina ditoy pagilyan.

VIGAN CITY. Nagturong idiay bangued abra iti grupo ni Vice mayor Franz Ranchez tapno iti kasta ket personal nga ipadanunda iti resolusyon nga pananganamung da iti kiddaw iti bangued nga sisterhood agreement da.

Iti pay laeng wangawangan iti abra ditoy a sinabetdan iti grupo dagiti konsehales iti vigan. Dinayaw ni Ranchez  iti nabara a panangpasangbay kadakuada iti bangued.

Bitbit ni vice mayor Franz Ranchez iti resolution approving the sisterhood agreement a diaya iti bangued a daytoy ket karaman iti surat ni Mayor Eva Marie Singson Medina.

Maipalagip a nagturong idi iti konseho iti bangued abra iti vigan city a nangkiddaw iti sisterhood agreement da.

Vigan City – Saan nga inaprobaran ti Vigan City Council ti aplikasion ti dua a kompania nga agminas iti coastal areas a sakup iti nadakamat a syudad.
Malappedan ti Global Titan Mines and Development ken R & D Development Properties, Inc. nga agminas iti coastal areas a saklawen ti Barangay Mindoro ken San Pedro agsipud ta maapektaran wenno agsagrap met ti aglawlaw ti siudad ti Vigan.
Iti palawag  ti bise mayor nga awan ti kuestion kadakuada iti konseho ti panagipaskil dagiti dua a kompania iti publication ti panagminasda iti Mindoro-San Pedro area ngem karbengan ti siudad nga agaksion para iti pannakasaluad met ti aglawlawna.

Nakontra daytoy kalpasan ti  naisayangkat  nga hearing iti  environment council nga inatenderan dagiti kapitanes ket ditoy a kinontrada iti pannakaminas.
Iti opinion dagiti participants, makarkarkaran ti coastal areas ti siudad nangruna ti Mindoro-San Pedro aglalo iti panawen iti panagtutudo a pakadadaelan ti seawall ken  iti Playa de Oro Hotel.
Malaksid dayta a panangkontra, isagsagana pay ti City legal department iti Vigan nga
addanto pay maysa a  petision a pananglapped iti pannakaminas ti coastal areas iti Vigan

NEMIA ICARI REBURON

Vigan City – Limmawan ti sakupen iti pasalip  nga Heritage Torch and Lantern Parade Contest ditoy. Daytoy ket  tinawen nga  isaysayangakat iti nasao a syudad iti bulan ti Disyembre. Dagiti kwalipikado nga agbalin a participants ket aggapu manipud iti Metro Vigan ( Bantay, San.Vicente, Santa Catalina, Caoayan, Sto.Domingo, Vigan ken Santa) a no sadino limitado para kadagiti 25 participants.Maipalagip a daytoy a programa ti City Government ket exclusibo laeng kadagiti Biguenios.
Dagiti mausar ket indigenious materials, ti naituding a lantern size ket 3 a pulgada ( 3 ft. in diameter), electrical lights ket 220volts. Dagiti entry forms ket maala manipud information office a daytoy ti maipasa iti Mayor’s Office para screening a maaramid inton Nov. 28 – Dec. 12.
Dagiti amin a makipagpartisipar ket maiparada dagiti lanterns aglikmut iti syudad ti Vigan inton December 15 oras ti alas sais ti malem.
Para kadagiti mapagasatan, ti umuna a premyo ket P10,000, maikadua P5,000, maikatlo a pwesto P3,000 ken tig P1,000 kas consolation prize.
( Nemia Icari )

VIGAN CITY – Nakaruaren iti uneg ti pagbaludan dagiti 2 nga agdudukot kalpasan iti panangbiktima da iti maysa a sangaili manipud Sta.Lucia, Ilocos Sur iti pagtagilakuan ditoy.
Maipalagip a dagiti biktima ket da  Twinkle Sinco Talania, 29, naasawaan ken Ema Talania, 47, balo, agpada a taga-Pug-os, Sinait, Ilocos Sur kalpasan a nabiktima da  ni Estrelita Hernaez, 33, balasang, residente iti Sta. Lucia, Ilocos Sur a nadukot ti bagna a naglaon iti kuarta a P7,500, ATM Cards, ID ken driver’s license na bayat ti panagpasiarda a sangapamilia iti Plaza Maestro Mall iti Vigan.
Maipalagip a naipila ti kaso kontra kadagiti 2 a suspek  ngem dagitoyen ti nawayawayaan kalpasan  iti panagpyansa da iti P25,000 iti tunggal maysa kadakuada.( Nemia Icari )

Vigan City – Singasing a pannakaimonetized ti leave credits dagiti amin nga empleado ken opisyales, nainget a napagdedebatyan iti session ti konseho ditoy. Iti panangidatag ni Konsehal Everin Molina, daytoy ket mandatory para kadagiti empleyado. Segun kenkuana nasayaat kan daytoy ken dakkel a pakalag-anan ta adda insigida a pangnamnamaan ken pagtarayan dagiti empleyado no kas bilang emergency nga agkasapulan ti pinansyal dagiti pamilya da kumpara no umutang da pay laeng iti mainteresan.
Kinontra met ni Konsehal Loreto Quibilan kas chairman iti Committee on Finance and Appropriation nga ti leave credits ket nasaysayaat no maawat da apaman iti panagretiro.
Nupay kasta inproponir ni Molina a ti maavail iti kada empleyado ket gatad a sweldo iti makabulan ngem suhestyon met ni Quibilan maikkan laeng koma ti maximum a 10 nga aldaw ti mabalin da nga awaten agsipud ta agdepdepende da met laeng ti kabaelan ti pondo iti syudad.
Nasayaat met unay no mamonetized no la ketdi adda pondo, innayon met ni Konsehal Benjo Verzosa.
Immanamong ngarud ni Molina, iti singasing a 10 laeng nga aldaw ti mabalin a maimonetized ngem agdependen to met laeng iti desisyon ti Local Chief Executive no mano ti kadagupan a pondo a mailatang.
Gapuen ta kalikagum ti kaadduan iti pannakaidatag ti figure a maala manipud iti HRMO ken Budget Office daytoy ngarud ti naitantan a naaprobaran . (Nemia Icari)

VIGAN CITY,ILOCOS SUR.

Dr.LAURO TACBAS, UNP PRESIDENT

Vigan City- Pito a founding members ti GUMIL Ilocos Sur ti napadayawan iti maika-44 nga anibersario ti gunglo idi Oktubre 4. Naangay daytoy iti University of Northern Philippines babaen iti panangsangaili ni UNP Pres. Lauro B. Tacbas.

Kangrunaan a napadayawan ni retirado a dekano Gregorio Amano a maysa kadagiti nangpataud iti pagalagadan linteg ti GIS idi 1964.

Karaman pay a nabigbig da Carmencita Teodique-Aquino, Mercedes Tabbada-Llanes, Wilfredo Rabaja, Manolito rebibis, Rufo Tinaza ken Herminigildo Viloria.

Iti panagsarita ni Dr. Amano, dinawatna ti panagkaykaysa dagiti kameng ken panangbigbigda iti GUMIL kas lehitimo a grupo dagiti mannurat nga Ilokano a saan ket a masayya-sayya.

“Pagtalinaedentayo ti dignidad ti gunglo ken saan tayo a kalkalen ti basol ti tumunggal maysa,” kinuna ni Amano.

Karaman pay kadagiti immatendar da D. Godofredo reyes, Dr. Dedicacion Agatep-Reyes, DZTP Manager Arlon Serdenia, 2008 Palanca Awardee Danilo Antalan, Miss GIS Mee gateley ken dadduma pay. (Mancieltio S. Tacadena/NBN4-Vigan)