Candon City. Nasurok sangaribo nga ubbing kadagiti pagadalan iti elementaria iti Candon City Division ti maikkan iti libre a bag ken school supplies a kas proyekto ni City Mayor Allen Singson.
Daytoy ket tinawen nga ar-aramiden ni Mayor Singson kadagiti grade 1 pupils a kas pangparegta iti panagbasada ken panangtulong kadagiti nagannak a mangited kadagiti kasapulan iti pagadalan.
“Babaen iti daytoy a programa, saanen unay nga agproblema dagiti nagannak iti pananggatangda iti bag ken school supplies agsipud ta iteden daytoy ti gobierno.” Kinuna ni Singson bayat iti interview kenkuana.
Saan a daytoy ti umuna a gundaway nga inaramid ti city government agsipud ta bayat iti panagtakemna a kas mayor ket inaramidna daytoyen.
Amin nga agbasbasa iti pampubliko a pagadalan, ken agbasbasa iti grade 1 ket maikkan amin.
Kinuna pay ti mayor a daytoy ket babaen iti programa ti gobierno iti edukasion.
nasiyaat met ah ket asideg man ti eleksyonen apo!