Lalaki, naarestar, sigida a nakapiansa

Galimuyod, Ilocos Sur-‘Sigida a nakapagpiyansa ti maysa a lalaki nga inarestar kadagiti kameng iti polisya iti ili ti Galimuyod, Ilocos Sur.’ Daytoy ti kinuna kadagiti maysa nga staff iti 8th MCTC iti daytoy nga ili.
Ti akusado ket managan ti Genesis Paet, nataengan ken residente iti brgy. Patac iti daytoy nga ili, sumangsango iti kaso a serious physical injuries.
Naammuan a ti pannakaarestar ti nasao a suspek ket babaen ti bileg iti warrant of arrest nga inparruar ni Judge Modesto Quismorio Jr., iti 8th MCTC iti daytoy nga ili a napetsaan idi June 29, 2009, nga addaan ti criminal case number 474-G ken nailatangan ti piyansa a 14,000.00.
Nupay kasta sigida a nakapiyansa ti nasao a suspek.
Maipalagip a napasamak ti nasao a krimen idi November 15, 2008 a nagbalin a biktima ni Edgar Reparejo babaen ti panangdanog ti suspek a nakaiggem ti bato a nakatirwan ti panga ti biktima.
Jeff Barredo

Read Full Post »

Pimmusay a kameng ti SB, putotna ti simmukat

Galimuyod, Ilocos Sur-“Awan sabali a nangsukat ti pimmusay a ni SBM Dr. Rodolfo Galima Sr., no di ti kakaisuna a baro na a ni J-R.” Daytoy ti nabatad a kinuna ni Municipal Mayor Jessie Balingsat iti daytoy nga ili ti interview iti Radyo DZTP kenkuana.
Inlawlawag ni Mayor Balingsat a naidalan ti umisu a proseso ti panangsukat ni J-R kas SBM iti daytoy nga ili.
Naammuan pay ti nasao nga alkalde, binayabayda ni J-R, kadduana dagiti kameng ti SB a napanda iti kapitolyo idi napalabas a lawas a napan nagsapata, ken nagatendar metten idi lunes iti kauddian a regular session.
Innayon pay ni Mayor Balingsat, a dagiti committee a nag-chairman daydi SBM Dr. Galima, naipaima met laeng kenkuana kalaksidan laeng iti biang iti senior citizen.
Jeff Barredo

Read Full Post »

Mayor ti Galimuyod, nagtignayen para ti kampanya kontra dengue

Galimuyod, Ilocos-“Gapu ta umad-adu ti bilang dagiti kaso ti dengue iti ili ti Lidlidda, Ilocos Sur, naalaarma kami agsipud ta karrubami laeng ti lidlidda.”Daytoy ti nabatad a kinuna ni Municipal Mayor Jessie Balingsat, ti interview ti Radyo DZTP kenkuana.

Kinunana, nga inpaimanan iti Sanggunniangbayan babaen ti panangidaulo ni Vice Mayor FLorence Bugarin mainaig ti panangadalda ti maiparruar a pondo para iti kampanya kontra ti dengue.

Naammuan pay ti nasao nga alkalde, nainget pay a nagpapatanganda idi naisayangkat ti peoples day affairs, a tunggal umuna a lunes ti bulan a maisaysayangkat.

Inpakaammona metten kadagiti brgy. Captain ti umisu nga aramidenda kas ti sigud ket ti panagdaldalus ken ti programada a clean and green program.

Nupay kasta, inpakaammo ti alkaldaw, kadagiti napalpalabas a tawen, sumagmamano laeng ti bilang iti kaso ti dengue iti lugarda, ngem naalarmada gapu ta iti ili a Lidlidda ket kaabayna laeng iti Galimuyod is nga agtignayda metten para iti daytoy a kampanya.

Jeff Barredo

Read Full Post »

Kotse a naidungpar, driver, kritical

Galimuyod, Ilocos Sur- Nagsagaba ti nakaro a pannakasugat iti rupa ken ulo ti maysa a lalaki a daytoy ti nagmaneho ti maysa a kotse nga nangdungpar ti maysa a baro a napasamak idi rabii aggarup oras alas 12:10 sadiay nagsulian iti brgy. road iti brgy. Calungbuyan iti ili a Galimuyod, Ilocos Sur.

TI biktima ket nabigbig nga isu ni Jimmy Aqui y Balasbas, 43-anyos, naasawaan, agik-ikut ti PDL ken residente iti nasao a barangay.

Ti pakpakauna nga imbestigasyon kadagiti pannakabagi ti linteg, ti biktima ken ti misisna a ni Flordeliza ket adda ti timmaud a saanda a nagkiinnawatan nga isu ti nangitunda ti nabara a nagpaanda.

Naammuan a ti biktima ket rimmuar manipud iti balayda, ket napanna linuganan ti kotseda a maysa a Toyota Corolla, agmaris ti nalabaga ken addaan plaka THW-354.

Naammuan a nakaro ti panangbanurbur ti biktima ti nasao a kotse ken bigla a pinatarayna nga isu metten ti nangitunda ti pananagdungparna ti maysa a dakkel a bato nga aladw iti nasao a brgy. road.

Nagresulta a nakaro a nasugatan ti biktima partikular iti rupa ken ulo daytoy a sigida a naitaray sadiay Resonable Hospital iti siyudad ti Candon para ti pannakapaagasna, kalpasanna, naiyakar kadagiti maysa a pagagasan sadiay siyudad ti San Fernando, La Union para ti naan-anay a pannakaagasna.

Naaddaan met ti pannakadadael ti nasao a behikulo ken saan pay laeng nga ammo no mano a gatad ti pannakapaestimarna.

Jeff Barredo

Read Full Post »

Pammaltog iti Galimuyod, awan pay laeng ti suspek

Galimuyod, Ilocos Sur- Agpapan iti daytoy a gundaway, blangko pay laeng ti imbestigasyon kadagiti kameng iti polisya iti daytoy nga ili mainaig ti pammaltog a napasamak idi aggarup oras alas 9:30 idi rabii ti sabado sadiay brgy. Nagsingcaoan a nakatayan ti maysa a mangngilot.

Ti biktima ket nabigbig ti nagan Arsenio Buagayan y Astrero, 48-anyos, naasawaan, mannalon, mangngilot ken residente iti nasao a barangay.

Ti imbestigasyon kadagiti kameng ti polisya, ti biktima ket mapapati nga agid-idda idi iti papag iti uneg iti balayna idi simrek ti saan a nailasinan a suspek a lalaki nga awan ti masinuo a rason ket ditoy a pinaltopaltoganna.

Nupay kasta, kalpasan ti nasao nga insidente nakataray pay laeng ti sumagmamano a metros a rimmuar manipud iti pagtaenganna kalpasanna nadalupo nga isu ti nangpaltogan manen ti suspek a nangkamat kenkuana.

Nagsagaba ti tallo a tama ti paltog ti biktima iti bagi ken ulo daytoy.

Naammuan a sigida a naitaray ti biktima sadiay City of Candon Hospital  manipud kadagiti kaarrubana nga immarayat, ngem indeklara kadagiti doktor a naka-duty a natay ti biktima.

Ti paltog a naaramat ket malysa a kalibre 45, basar kadagiti tallo a kapsula ken maysa a buli ti kalibre 45 a narekobre iti nakapasamakan ti nasao a pammaltog.

Jeff Barredo

Read Full Post »

Mannalon ti mais, agproblema

Galimuyod, Ilocos Sur- “Agprobproblema itattao kadagiti sumagmamano a mannalon gapu kadagiti produktoda ti mais.” Daytoy ti naammuan kenni SBM Roy Ammog-ao iti daytoy nga ili iti interview iti Radyo DZTP Kenkuana itattay bigat.

Naammuan kenni SBM Ammog-ao, dagiti mannalon a saanda a naikamakam ti panangilakoda kadagiti produktoda a mais sakbay ti simmangbay ti diretso a sumagmamano nga aldaw a panagtudtudona, nga isu ti nakaigappuan ti pannakadadael kadagiti dadduma a produktoda ti mais.

Naammuan pay kenkuana, agay-ay-ayam ti lima agingana pito a pisos ti presyo a maiayet-etnag kadagiti natudduan a bunga ti mais.

Maysa pay a pagparikutan kadagiti mannalon, innayon ni SBM Ammog-aw nga awan ti buyer a mapan sumarungkar kadagiti barbarangay a masakupan ti Galimuyod, Ilocos Sur.

Ngem nupay kasta awan met ti direkta a rekord no mano dagiti mannalon dagiti nadadaelan kadagiti produktoda ngem daytoy ti indanonda kenkuana babaen ti pannakipatpatangna kadakuada.

Jeff Barredo

Read Full Post »

Kabarbaro a hepe ti polisya, naammuan

Galimuyod, Ilocos Sur- Nagreport ti kabarbaro a hepe ti polisya iti ili a Galimuyod, Ilocos Sur babaen ti kinatao ni PSI Elisio Laiz.

Naammuan ti Radyo Tirad Pass DZTP itattay bigat kenni PSI Laiz a naawatna ti order idi petsa onse iti daytoy a bulan a daytoy ket maasign iti ili a Galimuyod.

Itan ket isu ti hepe ti polisya iti daytoy nga ili, a sinukatanna ti sigud a hepe ti polisya a ni PSI Greg Guerrero a daytoy met ti naasign iti ili  a Caoayan, Ilocos Sur kas COP.

Ni PSI Laiz ket nagserbi kas hepe ti polisya iti ili ti Sigay iti pito a bulan, a ti naasign met iti ili ti sigay kas mangidaulo ti polisya ket ni P/Insp. Rolando Battulayan, sigud a deputy Chief of Police iti ili a Sta. Cruz, Ilocos SUr.

Jeff Barredo

Read Full Post »

Municipal health officer, kiniddawna ti massive vaccination

Galimuyod, Ilocos Sur- Kiniddaw ni Municipal Health Officer Dr. Mario Santos kenni Municipal Mayor Jessie Balingsat nga iyemplimentar iti Department of Agriculture ti pannakaisayangkat ti ‘massive vaccination’ ti anti-rabbies dagiti taraken nga aso iti ili a Galimuyod, Ilocos Sur.

Kinuna ni Dr. Santos gapu ta adda ti biktima ken natay manipud iti brgy. Legaspi ti kinatao ni brgy. Kagawad Federico Nanag.

Kinunana pay a ti nagatendaranna a seminar idi napalabas a lawas sadiay San Fernando, La Union ket mainaig dagiti aso ken dagiti addaan ti rabbies ket maiyataday ti nasao a napasamak iti lugarda.

Kiniddawna pay iti biang ti Sangguniang Bayan, a mangpandayda koma ti ordinansa nga adda ti pannakainaigna iti daytoy.

Jeff Barredo

Read Full Post »

Brgy. Kagawad nakagat ti aso, dedbol

Galimuyod, Ilocos Sur-Inpaganetget ni Mr. Jerry Castillo, Municipal agriculturist iti ili a Galillmuyod, Ilocos Sur a ti aso a nangkagat ti maysa a barangay kagawad manipud iti brgy. Legaspi iti daytoy nga ili ket naggapu iti ili a Sta. Lucia, Ilocos Sur.

Ti biktima ket nabigbig nga managan brgy. Kagawad Federico Nanag iti brgy. Legaspi, Galimuyod, Ilocos Sur.

Kinuna ni Castillo, ni brgy. Kagawad Nanag ket napan gimmatang iti aso sadiay ili ti Sta. Lucia, Ilocos Sur para ti usraenna a sagana ti panagpasarpawna iti pugonna.

Naammuan a namindua a daras a kinagawat ti nasao nga aso ni Nanag nga isu ti nakaalaanna ti ipapatayna.

Kinuna pay ni Castillo, mamindua ti unos ti makatwen ti panagbakunada ti anti-rabbies para kadagiti aso, kasta metten madama manen iti daytoy a tiempo.

Maipalagip a nag-epekto ti rabbies ti aso iti biktima idi pebrero 19 dagasu a naitaray sadiay Baguio General Hospital ngem natay, sigida a naiyawad ti bangkay a selyado ti lungonna, naipunpun idi pebrero 21.

Jeff Barredo

Read Full Post »

NATAYAN TI BAKA, TULUNGAN MI- kuna ni Mayor

GALIMUYOD, ILOCOS SUR- Tulungan ti lokal a gobierno dagiti napapatay ti tarakenda a baka. Daytoy ti kinuna ni Municipal Mayor Jessie Balingsat iti daytoy nga ilil.

Kinondinar ni Mayor Balingsat ti napasamak a nasabisungan ti dua a masikug a baka ni Angel Soria a taga-brgy. Patac ken ti baka ni Federico Dappit a daytoy ti natabtabbat ken namalmalo.

Kinuna pay ni Balingsat a naipakaammona metten kadagiti kameng ti polisya mainaig ti daytoy a kaso tapno imbestigaranda a nasayaat ken ammuen no ania ti motibo ken dagiti suspek tapno agbayadda ti inaramidda.

Tulungan ti gobierno lokal kinuna ni Mayor Jessie dagiti dua a napukawan ti taraken babaen ti preograma ti ahensia a CARP ken DENR nga adda ti pagbibinnuludan dagiti lumugar ti Galimluyod a babai a baka, no daytoy ket mapaganakda kukuada ti anak, sublaten tu met ti sabali tapno makuna nga addantu bukodna a baka.

Inpasigurado ti alkalde a prioridad dagiti dua a matulungan ti panangited ti taraken a baka.

Jeff Barredo

Read Full Post »