Pito pulo ket uppat a pamilia manipud iti siam nga ili iti Ilocos Sur ti naikkan iti tulong finaansial babaen ti Depatment of Social Welfare and Development Regional Office I.Dagitoy a pamilia ket nakaro a dinidigra ni bagyo Pepeng itay Oktobre 2009.
Karaman kadagiti benepisiario ti 20 a pamilia iti Narvacan, 16 a pamilia iti Cabugao, 11 a pamilia iti Candon City, 8 a pamilia iti Sinait, 6 a pamilia iti Sta. Lucia, 6 a pamilia iti Sto. Domingo, 3 a pamilia iti Nagbukel, 3 a pamilia iti Burgos ken 1 a pamilia iti San Vicente.
P6,000 para iti pannakasimpa dagiti pagtaengan ken P900 a panangdan wenno addaan iti kabuklan a P510,600 ti gatad nga impaay kadakuada ti DSWD babaen iti pananngirepresentar ni Mylene Lucero.
Naikkan met laeng iti isu a kantidad ti 741 a pamilia manipud iti lima nga ili iti la Union a dinidigra ti Bagyo Emong ken 370 a pamilia manipud iti Pangasinan a naapektaran ti Bagyo Pepeng. (Mancielito S. Tacadena)