20 A Pagpallot A Manong, Natakaw

SANTIAGO, Ilocos Sur.  Natakaw ti duapulo a pagpallot a manok iti nagsina nga insidente iti barangay Imus ken Dan-ar itoy nga ili idi Agosto 9, 2009

Nagreport ni kapitan Gilbert Agbulos iti Imus a ti 6 a pagpallot a manok ni Edwin Elefante ket natakaw.

Kabayatanna, inreport met ni kagawad Andres Blanze ken ni barangay Tanod Reynaldo Blanze a dagiti pagpallot a manok ni Modesto Ragum iti barangay Dan-ar ket natakaw met laeng.

Daytoy ket mapatta-patta a napasamak iti rabii babaen kadagiti di nabigbig a suspek.

Dinadaelda ti alad dagiti dua a farm sada kinurimes dagiti teksas a manok.

Sakbayna, adda nasiputanda a puraw a van nga aglikos-likos iti dayta a lugar. Daytoy ita ti im-imbestigaranda.

Read Full Post »

16 A Pagpallot, Natakaw

SANTIAGO, Ilocos Sur.  Nalugin nga insigida ti maysa a breeder ti pagpallot a manok idi natakaw ti agarup 16 a manok manipud iti farmna iti barangay Dan-ar itoy nga ili.

Ti akinkukua ket ni Modesto Ragum, residente iti nasao a lugar kabayatanna a dagiti suspek ket saan a nabigbig.

Maibasar iti blotter, da kagawad Anddres Blanze ken ni Reynaldo Blanze, caretaker, ti nagturong iti pulisia gapu iti panagpukaw kadagiti nasao a manok.

Naala ti 14 ket uppat a manok a pagpallot manipud iti farm baben iti panangdadaelda iti barut iti sango ti farm.

Kabayatanna, uray iti Imus, Santiago ket adda met ti 6 a manok ti napukaw manipud met laeng iti maysa a farm.

Daytoy ket babaen iti panangireport met ni kapitan Gilbert Agbulos, a ti manok ni Edwin Elefante ket tinakaw dagiti di nabigbig a suspek.

Read Full Post »

Beer Ken Energy Drink, Natakaw

CANDON CITY.  Makaramraman la ngata unayen iti beer wenno makain-inom iti energy drink gapuna a linibas nga innala dagiti di nabigbig a suspek iti warehouse iti barangya Paypayad, itoy a siudad.

Iti report ni Mateo Babida, salesman, 39 anios, residente it Vigan City, kinunana a ti 3 a case ti Colt 45 (330 ml), ken 4 a case ti Cobra Energy drink ti tinakaw dagiti di nabigbig a suspek.

Iti palawag ti salesman, nakigtot laengen daytoy idi kitaenna iti dayta a bigat ti warehouse ket delivery truck a nakaparking, ket agkurkurang metten ti linaonna.

Ti main gate ti warehouse ti puersado a nalukatan kabulon ti panagpukaw dagiti nasao a banag.

Read Full Post »

N93, Natakaw

Candon City. Aggatad iti P25,000 a N93 a cellphone ti tinakaw iti uneg iti pagtaengan dagiti di nabigbig a suspek iti barangay Darapidap itoy a siudad.

Nagpatulong iti pulisia ni Arnel Valdez, baro, residente iti nadakamat a barangay gapu iti panangtakawda iti cellphonena a N93 pakairamanan ti 1000 Korean won a kuartana.

Nakastrek dagiti di nabigbig a suspek babaen iti panangkalay-atda iti alad sa da nagturong iti kuarto ti suspek a mapapati a di naka-lock iti dayta a gundaway.

Read Full Post »

Wagwagan, Natakawan

Candon City. Dua a puesto nga aglaklako ti UK wenno ukay-ukay ti natakawan iti maikatlo a kadsaaran iti public market itoy a siudad.

Nagreport iti pulisia da Evelyn Galinato, iti San Jose Candon City ken akinkukua ti Belen’s Wagwagan. Ken ni Roweno Aquino, iti Butol, Santiago, Ilocos Sur.

Iti reportda iti pulisia, dinadael dagiti di nabigbig nga agtatakaw ti chicken wire ti puesto ket dita nga nagalada kadagiti ukay-ukay a tagilako.

Agarup iti 8 a ribu a pisos ti natakaw iti dua a puesto.

Read Full Post »