5 Natay, 12 Nasugatan Iti Natinnag A Jeep Iti Derraas

Suyo, Ilocos Sur. 5 ti natay ken 12 ti nasugatan idi natinnag ti maysa a pampasada a jeep iti nauneg a derraas idiay Batiangan, Suyo, Ilocos Sur.

Dagiti biktima a natay ket mapapati a da Racquel Elpa, Ending Pucnid, Charlene Sicayod, Loreta Macgalo ken Salome Abbel, residenteda iti Suyo, Ilocos Sur.

Dagiti nasugatan ket da Elton John Macgalo, 12 anios; Caridad Bangsalud, 30 anios; Emilia Sicayod, 56 anios; Carmen Balawen, 47 anios; Rowena Saydoquen, 32 anios; Rico Pangsila, 16 anios; Rhea Fe Sud=ang, 17 anios; Lina Pucnid; Rachele Elpa, 17 anios; Lolita Aquistoy, 48 anios ken Loreta Macgalo, 35 anios; agpapada a residente iti sitio Batiangan, Uso, Suyo, Ilocos Sur.

Nakalasat met iti insidente ti drayber ti owner type jeep a ni Argie Hermosa, 24 anios, residente iti nasao met laeng a lugar.

Iti inisial nga impormasion, ti jeep tu sumalog iti agarup 7:20 iti dayta nga agsapa idi daytoy ti natinnag iti derraas nga agarup 60 kaunegna gapu iti nagalis a dalan gapu iti panagtudona.

Kinuna ti drayber nga adda masabatda a motor iti dalan, ket iti panagsardengda, ditan a naguyas ti jeep ket nupay ginandatna nga iturong ngem narigaten gapu iti kinagalis ti dalan agingga a natinnag daytoy iti derraas.

Naitaray dagiti biktima iti ospital babaen kadgiti bumarangay a nagresponde iti nasao nga aksidente, daksanggasat ta lima kadakuada ti natay kabayatanna a madama a maag-agasan dagiti dadduma.

Boluntario a simmuko iti pulisia ti drayber. Agtultuloy ti imbestigasion dagiti panakabagi ti linteg.

Read Full Post »

Baro, Natay Iti Aksidente

SANTA LUCIA, Ilocos Sur. Daksanggasat ti 19 anios a baro, ta daytoy ket natay idi aksidente a nakidinungpar ti maysa a Navarra bayat iti panagmotorsiklona iti national highway, barangay Angkileng, itoy nga ili iti agarup alas siete iti bigat.

Ti biktima ket managan Judy Rico Valdez, 19 anios, residente iti Caburao, Santiago, Ilocos Sur kabayatanna a ti sabali a lugan ket Nissan Navarra, addaan plaka JTS-555, minaneho Victor Balatico, addaan naan-anay nga edad, residente iti barangya 4, Pasuquin, Ilocos Norte.

Iti insial nga imbestigasion, naammuan a ti biktima ket nakasakay iti motorsiklo a Euro Sports, addaan plaka 5915-AR, a minaneho ti biktima, kaddua ni Boots Sabalo a nakasakay met iti sabali a motorsiklo nga adda iti umun-una a posision.

Idi addadan iti nasao a lugar, ti biktima ti mapapati a nang-overtake iti kadduana ngem dita metten a masabetna ti Navarra ket ditan a napasamak ti aksidente.

Gapu iti sugat, natay ti biktima kabayatanna a naaddaan met iti panakadadael dagiti lugan.

Read Full Post »

Abra, Certified Seeds Ti Iwarasda

BANGUED, Abra.  Tapno matulongan dagiti mannalon nangruna iti panangpa-adu iti apitda a pagay iti talon, mangipaay ti provincial government ti Abra iti libre a certified seeds iti upland municipalities ti Abra.

Daytoy ti naammuan kenni Mr. Jesus Villamor, agdama a provincial agriculturist ti Abra bayat iti interview kenkuana ti DZTP Radio Tirad Pass.

“Wen, tapno matulongan dagiti farmers gapuna a libre a maited dagitoy a certified seeds a bunubonda.” Kinunana.

Inlawlawagna a karaman kadagitoy a certified seeds ket ti pakuyog nga organic fertilizers tapno ad-adda a pumintas ti apit iti nasao a certified seeds.

Agarup iti 400 bags ti maipaay a daytoy ket manamnama a maimula iti 400 nga ektaria ti kataltalunan iti upland municipalities.

Pakairamanan kadagiti upland municipalities a nabenepisiaran ket iti ili ti Tineg, Malibcong, Lacub, Baay-Licuan, Luba, Tubo, Sallapadan, Bucloc ken Dagioman.

“Kitkitaenmi no kasano a maikkan ti ili ti Boliney, agsipud ta maysa a problema ditoy ket awan ti municipal agriculturisda” Kinuna pay ni Villamor.

Maipalagip a ti probinsia ti Abra ket maibilang a maysa kadagiti karigatan a probinsia, gapuna nga agtultuloy ti wagas tapno matulongan a makalung-aw dagiti umilina.

Read Full Post »

Ilocos Sur, Naggatang Bukel Mangga

ILOCOS SUR. No kitkitaen, karaiwara dagiti bunga ti mangga, nangruna dagiti bukelna, no tiempona, makita daytoy kadagiti paraangan, igid ti kalsada ken dadduma pay a disso nga adda puon ti mangga.

Nasiputan daytoy ni gobernador Deogracias Victor Savellano, gapuna a maysa a programa ti inyussuatna tapno matulongan dagiti umili, makatulong pay tapno bumerde ti aglawlaw.

Gatangen ti probinsia ti Ilocos Sur dagiti bukel ti mangga.

Iti interview ti DZTP kenni Gobernador Savellano, kinunana a dagiti bukel ti mangga ket mapatubo kas seedlings tapno dagitoyto ti maiwaras kadagiti naduma-duma nga ili wenno barangay a mangisaysayangkat ti tree planting.

Kinuna pay ti gobernador a dagitoy a seedlings ti mangga ket mai-graft kadagiti native a mangga tapno nadardaras ti panagbungada ken umado pay ti produksion iti Ilocos Sur iti mangga.

Naammuan nga amin a bukel a mangga ket magatang daytoy iti salapi (P.50).

Indagadagna ngarud iti panangurnongen kadagiti bukel ti mangga tapno ta ilakodan iti provincial government.

Read Full Post »

GUNMAN IN KILLING OF ILOCOS NORTE BROADCASTER IDENTIFIED

CAMP BGEN OSCAR M FLORENDO  — The Ilocos Norte police headed by Police Senior Superintendent Ulysses Abellera, and the Special Investigation Task Group (SITG) “Agustin,” today identified the suspect who allegedly shot to death DZJC broadcaster Jovelito R. Agustin in Laoag City last June 15.

Police Superintendent Bienvenido C. Rayco Jr., Task Force Commander of SITG Agustin, named the alleged gunman as Leonardo V. Banaag Jr. of Barangay #7 in Bacarra town based on a positive identification by a witness.

The investigating body also secured a compilation of recorded commentaries and programs of Agustin from the management of DZJC and the same are being processed to be used as possible evidence.

Police Chief Superintendent Constante D. Azares Jr., Region 1 police director, said he ordered his men to dig up possible connection of the killing to the victim’s job as a broadcaster and linking it to the previous shooting attempt that happened at the residential compound of the Agustin family in Barangay #36 Natba, Bacarra last May 7, 2010 wherein Banaag was identified as one of the three suspects in the said incident.

“Although the suspect was identified, our policeman is still digging other possible motives, and they are also evaluating the gathered pieces of evidence to find out if there is substantial connection of Bacarra Vice Mayor-elect Pacifico Velasco in the killing, after Banaag was identified as his supporter,” the Regional Director stressed.

Meanwhile, SITG Agustin is now coordinating with the Department of Justice (DOJ) for the possible placing of the witness under the Witness Protection Program after said witness pinpointed Banaag as the gunman. PNPPRO1

Read Full Post »

Cong. Singson, Rinambakanna ti Maika-62 a Kasangayna

CANDON CITY. Simple ngem naragsak ti nagbalin a panangrambak ni House Deputy Speaker Eric D. Singson iti maika-62 a kasangayna idiay Candon Civic Center.

Ni Gov. Elect Luis Chavit Singson, Gov. DV Savellano, ken dadduma pay nga opisiales a nabotosan ken saan a nabotosan iti provincial capitol iti probinsia ti Ilocos Sur.

Pakairamanan kadagiti nagatendar dagiti municipal officials (old ken new), naduma-duma a line agencies ken organization nangruna dagiti adda iti maikaddua a distrito ti probinsia ti Ilocos Sur.

Kadagiti kapamiliana, presente met dagiti tallo nga anakna a lallaki a da Candon City Mayor Allen Singson, Congressman Elect Eric Owen Singson, Jr, ken Dr. Ericson Singson. Adda pay dagiti kakabsatna.

Umun-una a naisayangkat ti misa babaen kadagiti papadi iti panangidaulo ni Rev. Fr. Vicente Avila. Sinaruno daytoy ti bassit a programa.

Napunno ti fully-airconditioned a civic center kadagiti well-wishers iti dayta nga aldaw, June 16, 2010.

Maipalagip a ni Congressman Singson ket saannen a nagpabotos iti daytoy napalabas nga eleksion ket kinunana a daytoy met ti tiempona iti panaginana iti pulitika.

Kabayatanna, iti daytoy Hunio 21 ket isu met ti panagkasangay ni Governor Chavit Singson. (dannyantalan)

Read Full Post »

fish dealer shot in narvacan,dead

Dead on the spot ti maysa a fish dealer kalpasan a napaltogan sadiay ili a narvacan itay parbangon.Nabigbig ti biktima a ni Adorado Garote y Semana,52,ken taga barangay Dunglayan,Santa Maria.
Napasamak ti pammaltog iti mismo nga public market.Natamaan iti makin kannigid a mata ti biktima nga isu metten iti nakatayan na nga insigida.Calibre 45 iti nausar nga igam maibasar kadagiti narekobre a kapsula iti bala.Naamwan met iti PNP Narvacan a nakamotor dagiti saan a nailasinan nga suspek.Madama ita iti nainget nga imbestigasyon dagiti pulis.Daytoyen iti maikatlo a fish dealer a napapatay iti ili a narvacan.

Read Full Post »

NAGANAWA NABAGSOL

Seryoso ita iti hospital ti maysa a baro a naganawa laeng kadagiti agaapa ngem isu metten iti binagsolda.

Nabigbig ti biktima a ni Rodel Mosuela y Ballesteros,28,baro ken taga Silag Santa Maria.Ti suspek ket managan Artemio Domingo y Canaoay,38,naasawaan ken taga iti isu met laeng a lugar.

Iti imbestgasyon iti PNP Sta Maria,agaw awiden idi ti biktima iti nalabsan na iti grupo ti suspek nga umin inum..pinatgan na dagitoy.Nabiit pay laeng a nakatugaw ti biktima it rumsua iti saan a pinagkinnaawatan iti suspek ken iti kabsatna a managan Ruben Domingo.Naganawa ti biktima dagiti agkabsat idin ta bigla lattan a binagkong artemio domingo ti biktima.Dagus met a naitaray sadiay central ilocos sur district hospital.Gapu iti grabe a tama na naiyakar daytoy sadiay gabriela silang general hospital.Inarestar met dagiti pulis iti suspek.

Read Full Post »

NABARTEK SINUYATAN NA ITI NAPUDOT A DANUM TI BAKETNA

Gapu iti napalaos a bartek ni mister,sinuyatan na ti barukong ni misis iti napudot a danum.Nabigbig ti biktima a ni misis Rose Utera a taga barangay Quinnarayan Narvacan.Ti suspect a mister ket ni Brando Cardenas.

Agsinsinnungbat kan dagiti agassawa idi ta pagamwan ta sinuyatan lattan ni mister a nabartek iti asawana iti napudot a danum.Nalamaw iti barukong ni misis.Dagus a naitaray sadiay Central ilocos District Hospital.Tiniliw met a dagus dagiti pulis ti suspek a mister.Maisagsagana metten iti kaso a panaglabsing iti RA 9262 wenno panagabuso kadagiti babbai.

Read Full Post »

AGKABSAT NANGTAGBAT IDIAY LIDLIDDA

Binagsol ken tinagbat dagiti agkabsat ti kinainuman da idi kalman sadiay Lidlidda.Nabigbig ti biktima a managan Oliver Bonifacio.Dagiti  suspek nga agkabsat ket da Rolly Rosendo ken Malianeng Rosendo.Iti report a nakalap iti Radyo Tirad Pass ti biktima ken dagiti agkabsat ken napan da naginum iti igid iti karayan burayok iti barangay Bogie.Nabarbartek dagitoy agingana a nagsusubangda.Napikon dagiti agkabsat ket dita metten a kellaat a tinagbat ken binagsolda ti biktima.Dagus met a naitaray sadiay Candon General Hospital ni bonifacio.Natamaan iti ima ken timid daytoy.Nakarwar met laeng nga insigida kalpasan a nadait dagiti sugat na.

Read Full Post »