Narvacan: Nagkayo, Napaltogan

NARVACAN, Ilocos Sur. Natay ti maysa a lalaki nga agkaykayo idi daytoy ket pinaltogan dagiti di nabigbig a suspek iti nagbeddengan ti barangay Lanipao ken Banglayan, itoy nga ili.

Ti biktima ket managan Dominador Salazar Sr., 55 anios, residente iti Banglayan itoy nga ili. Dagiti suspek ket saan a nabigbig.

Iti inisial nga imbestigasion, ti biktima ket agkaykayo iti dayta a gundaway idi dagiti mannalon ti nakangeg iti uni ti paltog.

Natakkuatan laengen a natayen ti biktima.

Mapapati nga M16 ti naaramat a paltog.

Read Full Post »

Narvacan: Nabagsol a Lalaki

NARVACAN, Ilocos Sur.  Gapu iti paputok, maysa a lalaki ti nabagsol idiay barangay Dinalaoan, itoy nga ili.

Ti biktima ket managan Ronaldo Camarillo, 33 anios, residente iti nadakamat a barangay kabayatanna a ti suspek ket managan Santiago Cabello, 66 anios, iti isu met laeng a lugar.

Iti inisial nga imbestigasion, ti biktima agraman ti dua a kadduana ti magmagna nga agawid idi adda naglibang a paputok.  Ti suspek nga adda iti dayta a gundaway ti nangpabasol kadakuada a nagtungpal iti nabara a saritaan.

Idi simrek ti biktima iti lakon ti suspek, ti biktima ti nangmalo iti suspek a nakaalaan iti pingping, lapayag ken ima ti suspek.

Idi bimmales ti suspek, natirwanna ti barukong ti biktima. Naitaray daytoy iti ospital kabayatanna a simmuko ti suspek iti barangay officials.

Read Full Post »

Dua a motorsiklo, nagdinnungpar, maysa ti natukkolan ti saka

Narvacana, Ilocos Sur-Nagsagaba ti pannakatukkol iti kannigid a sakana ti maysa a motorista gapu ti aksidente a nakidinnungpar ti sabali a motorsiklo, napasamak idi aggarup oras alas 3:45 idi parbangon ti domingo iti kalsada national a masaksakopan iti brgy. Margaay iti daytoy nga ili.
Ti biktima ket nnabigbig nga isu ni Aljie Talino y Liberato a residente iti brgy. Abuor iti daytoy nga ili a nagmaneho ti maysa a motorsiklo.
Idinto ti aksidente a nakadinnungpar ti motor a minaneho ni ALjie ket maysa nga XRM nga agmaris ti amarillo, addaan plaka ZD-2757 a minaneho ni Marlon Baptista y delos Santos, 29-anyos, naasawaan, agik-ikut ti student permit ken residente iti brgyu.Taguiporo, Bantay, Ilocos Sur.
Ti imbestigasyon kadagiti kameng iti polisya, ti motorsiklo a manmanehuen ti biktima ket agdaldalyasat idi iti kalsada national nga adda ti sarsarunuenna a sabali a motorsiklo, ngem ditoy a ginandatna nga inobertekan.
Naammuan bayat ti panang-ob-obertek ti biktima ti sabali a motorsiklo, masabatna met ti XRM a manmanehuen ni Marlon nga aksidente ti panagdinnungparda.
Nagsagaba ti pannakatukkol ti kannigid a saka na ni Aljie a sigida a naitay sadiay Central Ilocos Sur district Hospital para ti pannakapaagasna.
Agdama pay laeng a maisaysayangkatk ti imbestigasyon ti nasao a pasamak.

Jeff Barredo

Read Full Post »

Lalaki a nagkissiw, nasalamaan dagiti agpatpatrol a kameng ti polisya

Narvacan, Ilocos Sur-Bayat ti panangisaysayangkat kadagiti kameng ti polisya iti daytoy nga ili ti mobile patrol iti national highway a masaksakupan iti brgy. Limmangsangan idi naminsan a rabii, maysa a lalaki ti nakailad iti tengnga iti kalsada national nga awanan poot.
Naammuan a sigida nga inarayat dagiti kameng ti polisya ket naammauanda no siasino ti kinatao daytoy babaen ti panang-imbestigarda. Nabigbig a managan Mario Anin, nataengan ken residente iti nasao a lugar ken daytoy ket agsagsagaba ti sakit a kissiw.
Nammuan a ti nasao a biktima ket makipagnanaed kadagiti kadagiti kakabagianna.
Maysa managan Artemio dela Cruz, ti nangaklon a kabaggianna ken mangitaray iti ospital, nupay kasta, natay ti biktima a saan a naidanon iti pagagasan.

Jeff Barredo

Read Full Post »

Van vs. Tricycle, uppat ti nasugatan

Narvacan, Ilocos Sur-Nagsagaba ti pannakasugsugat iti nadumaduma a paset ti bagida dagiti naglugan ti maysa a tricycle, pakairaman ti driver ken dagiti tallo a minor de edad a pasaherosna gapu ti aksidente a panangdungpar ti maysa a van idi kalman iti national highway a masaksakupan iti sitio Limmansangan, Brgy. Margaay, Narvacan, Ilocos Sur.

Dagiti biktima a pasaheros ti tricycle a maysa a Kawasaki, addaan plaka QI-8295 ket tallo a minor de edad ken ti nagmaneho managan Eduardo Soriano yl Anagaan, tricycle driver, baro ken addaan ti lisensia a dagitoy ket residenteda iti brgy. Sulvec iti dayltoy nga ili, nga aksidente a dinungpar ti masabatna nga Starex Van, addaan plaka XRD-950, agmaris ti medgray ken minaneho ni Celestino Manzano y Teofilo, 35-anyos, naasawaan, casual driver, LGU-Suyo, addaan lisensia ken residente iti brgy. Baringkcucurong, Suyo, Ilocos Sur.

Ti imbestigasyon kadagiti pannakabagi ti linteg, ti nasao a tricycle a nagluganan dagiti biktima ket agdaldalyasat idi iti kalsada national nga adda iti maysa a sarsarunuenna a van a dagitoy ket agturturongda iti abagatan a direction.

Naammuan a nag-minor ti van a sarsarunun ti tricycle, gapu ti ipapanna ti bahada iti kannawan a kalsada, idi dayta a gundaway, inobertekan ti tricycle, nai-tiempo ti panang-overtakena, masabatna nga starex van nga isu ti aksidente a nakaigappuanna ti panagdinnungpar dagitoy.

Nagsagaba ti pannakasugsugat dagiti naglugan ti tricycle karaman ti driver ket sigida a naitarayda sadiay Central Ilocos Sur District Hospital iti daytoy nga ili para ti pannakapaagasdal

Ti tricycle naaddaan ti nakaro a pannakadadael, idinto ti van ket naaddaan met ti pannakadadael iti sango a pasetna a saan pay laeng nga ammo no mano a gatad ti pannakapaestimarna.

Jeff Barredo

Read Full Post »

Motorsiklo vs. jeep, maysa ti nasugatan

Narvacan, Ilocos Sur-Nagsagaba ti pannakasugat ti kannigid a gurong ti maysa a motorista, kalpasan nga aksidente a nakidinnungpar ti maysa nga owner type jeep a napasamak aggarup oras alas onse idi naminsan a rabii iti national highway a masaksakupan iti brgy. Sta. Lucia, Narvacana, Ilocos Sur partikular iti crossing.

Ti biktima nabigbig iti nagan Laudimer Dalit y Mendoza, 43-anyos, baro, awanan lisensia ken residente iti brgy. Poblacion Sur, Santa Maria, Ilocos Sur a daytoy ti nagmaneho ti maysa a Honda Wave motorcycle ken addaan plaka 9110-AL.

Idinto ti owner type jeep, addaan plaka AIB-143 a minaneho ni JOel Caliera y Soria, 32-anyos, naasawaan, awanan lisensia ken residente iti brgy. San Pedro, Narvacan, Ilocos Sur.

Ti imbestigasyon kadagiti kameng ti polisya, ti motorsiklo a manmanehuen ti biktima ket agdaldalyasat iti national highway nga agturturong iti abagatan a direction, idinto ti nasao nga owner type jeep ket masabatna.

Naammuan idinta sakbay a madanon ti kalsada nga agturong iti brgy. Paratong, ti nasao a jeep ket kinabig ti driver nga inpakannigid ti monobela a sumrek ti nasao a barangay road, a saan met a napakpakadaan ti biktima a ti manmanehuenna a motorsiklo ket naglaylayon a nagpaabagatan a nangitunda ti panagdinnungparda.

Nagresulta ti pannakasugat ti biktima iti kannigid a gurongna a sigida a naitaray sadiay Central Ilocos Sur District Hospital para ti pannakapaagasna.

Ti motorsiklo ket naaddaan ti pannakadadael ken saan pay nga ammo no mano a gatad ti pannakapaestimarna.

Agdama pay laeng a maisaysayangkat ti imbestigasyon iti daytoy a pasamak.

Jeff Barredo

Read Full Post »

Ubing, nadungpar, dedbol

Narvacan, Ilocos Sur-Natay ti maysa nga ubing a lalaki a daytoy ti aksidente a dinungpar ti maysa a mini-cab idi aldaw kalman aggarup oras alas 11:15, iti public road a masaksakupan iti brgy. San Jose, Narvacan, Ilocos Sur.

TI biktima ket nabigbig nga isu ni Wilfredo Ballejas, jr. y Montero, agtawen ti innem ken residente iti nakapasamakan ti insidente.

Idinto ti mini-cab a nakapadungpar ket maysa a Suzuki, addaan plaka YBV-170, agmaris ti amarillo ken minaneho ni VIrgilio Abo y Vagay, 67-anyos, mannalon, addaan drivers license ken residente iti brgy. Parparia, Narvacan, Ilocos Sur.

Ti imbestigasyon kadagiti pannakabagi ti linteg, ti nasao a behikulo ket agdaldalyasat iti nasao a kalsada nga agturturong iti laud a direction.

Idi dayta a gundaway ti biktima ket adda idi iti igid ti kalsada a mapasungadan ti mini-cab.

Naammuan nga idinta dandanin mabatugan ti multi-cab ti biktima, bigla daytoy a bimmallasiw nga isu ti nakaalaanna ti aksidente a panangdungpar ti mini-cab.

Nagsagaba ti pannakasugat iti ulo ti biktima ken dadduma a paset iti bagina, sigida a naitaray sadiay Central Ilocos Sur District Hospital, ngem indeklara dagiti mangngagas sadiay a natay ti biktima.

Idinto ti driver ti mini-cab ket bulontaryo a simmuko iti police station iti daytoy nga ili para ti pannakakudstudyana ken pannaka-imbestargarna para ti naan-anay a disposisyon.

Kabayatanna, idi aggarup oras alas tres idi malem kalman, nangaramid ti affidavit ti ina ti biktima sadiay police station a ni Mrs. Julita Ballejos, nga immannugot a mapalubusan ti driver ti mini-cab, manipud ti pannakakustudyana kadagiti kameng ti polisya, a daytoy ti inawat met ti maysa managan Orlando Javier nga isuna ti responsable a mangipresentar kadagiti awtoridad inkaso a kasapulanda daytoy.

Jeff Barredo

Read Full Post »

Lalaki a nagprobukar, minalo ti bukodna a kabsat

Narvacan, Ilocos Sur- Agdama pay laeng nga im-imbestigaran kadagiti pannakabagi ti linteg iti daytoy nga ili ti reklamo ti maysa a lalaki a nakabil idi naminsan a rabii aggarup oras alas 9:44 iti uneg a mismo iti pagtaengan sadiay San Pablo, Narvacan, Ilocos Sur.

Ti Biktima ket nabigbig ti nagan Reynaldo Casica y Zapaturo, 50-anyos, awanan asawa ken residente iti nasao a lugar.

Idinto ti mapapati a suspek ket mismo a kaanakanna a managan Bryan Casica ngem nainget a pinaglibakan daytoy bayat ti napasamak a kumprontasyon a napasamak iti police station, nupay kasta inbagana a ti mismo nga amana managan Orlando Casica a kabsat ti biktima.

Bayat ti komprontasyon, dimmatag iti kuerpo ti polisya ni Orlando, ken boluntaryo a simmuko daytoy kadagiti kameng iti polisya.

Segun kenni Orlando, ti  biktima ket no masansan a maka-inum ti arak wenno mabartek, kanayon ti panagprobukarna ken karitenna pay daytoy.

Naammuan gapu ta masansan a kastoy kinuna ni Orlando, tinutupanna iti bukodna a kabsat.

Jeff Barredo

Read Full Post »

Lalaki a nangprobukar dagiti agassawa a kaarrubana, nakabalud

Narvacan, Ilocos Sur-Nakabalud iti kuwerpo ti polisya iti ili ti Narvacan, Ilocos Sur ti maysa a lalaki a nangprobukar iti uneg ti pagtaengan ti agssawa a kaarrubana, a napasamak sadiay brgy. Aquib, Narvacan, Ilocos Sur, aggarup oras alas alas 6:30 idi malem ti domingo.

Ti suspek ket nabigbig a managan Brendo Cabotahe y Ricaforte, 35-anyos, naasawaan, mannalon ken residente iti Zone 4, brgy. Quinarayan, Narvacan, Ilocos Sur a daytoy ti mapapati a rimmaut iti pagtaengan dagiti agassawa a da Benito ken Virginia Cabotahe ken kaarruba met laeng daytoy suspek.

Naammuan a ti suspek ket nagsao kadagiti saan a maiparbeng kontra kadagiti agassawa, gapu ti kinabara ti ulona ditoy a tinoktokanna ti bato iti ulo ni Virginia ken dinanogna ti sumagmamano a daras iti rupa ti naud-udi, nupay kasta bimmales met ni Virginia babaen ti panangkagatna ti suspek a nagsagaba pannakagat kadagiti naduma-duma a paset iti bagi ti suspek.

Naammuan pay nga inraman pay ti suspek a dinadael ti Honda TMX 155 nga addaan plaka 5795-AT a kukua ni Ernesto.

Ti suspek ken ni Virginia ket intaray dagiti kameng ti polisya a nagaresponde nga inpanda sadiay Central Ilocos Sur District Hospital para ti pannakapaagasda kasta metten ti liquor test kontra iti suspek.

Ti motibo ti nasao a pasamak gapu ti saan a panagkikiinnawatan ken sigud a susik.

Jeff Barredo

Read Full Post »

Suspek ti panagubor ti bus, puros minor de edad

Narvacan, Ilocos Sur- Babaen ti agtultuloy ti panangisayangkat ti imbestigasyon kadagiti kameng ti polisya iti ili ti Narvacan, Ilocos Sur, nabigbig dagiti suspek a nagubor ti maysa a Viron Transit bayat a dumaldalyasat iti national highway a masaksakupan iti brgy. Sulvec, Narvacan, Ilocos Sur.

Dagiti suspek ket agpapada a minor de edad nga isuda Darryl Merida y Antolin, 15-anyos, 4th year highschool; Rommel Cabalbag y Antoni, 14-anyos ken Jalce Racho y Obra, 13-anyos agpada a 2nd year highschool ket residenteda amin iti nakapasamak iti panagubor.

Napasamak ti nasao nga insidente aggarup oras alas 9:30 idi aldaw t biernes bayat nga agdaldalyasat iti kalsada national iti nasao a barangay nga agturturong iti amianan a direction ti maysa a Viron Transit bus, addaan plaka AUZ 747, addaan body number 1138 a minaneho ni Josefino Melina nataengan, naasawaan, addaan lisensia ken residente iti brgy. Quinarayan, Narvacan, Ilocos Sur,  a ditoy nga inubor dagiti suspek.

Nupay kasta awan met ti naireport a nadangran iti nasao a pasamak.

Jeff Barredo

Read Full Post »