Lakay, napaltogan, mismo iti uneg ti balayna

Narvacan, Ilocos Sur- Nagsagaba ti pannakapaltog iti makannigid a sakana ti maysa a lakay bayat a daytoy ket agbuybuya idi iti programa iti telebisyon iti uneg ti pagtaenganna sadiay Sitio Barbarit, San Pedro, Narvacan, Ilocos Sur idi aggarup oras alas siete idi sardam ti martes.

Ti biktima ket managan Adorio Callejo y Aquino, 51-anyos, naasawaan, mannalaon idinto ti mapapati a suspek ket managan Bonifacio Aquino y Sotelo, 33-anyos, naasawaan, mannalon agpada dagitoy a residenteda iti nakapasamakan ti nasao nga insidente.

Ti imbestigasyon kadagiti pannakabagi ti linteg, ti biktima ket agbuybuya idi iti programa iti telebisyon iti uneg a mismo iti balayna, ket idi dayta a gundaway, naammuan a ti suspek ket simrek ken pinaltoganna ti naminsan a daras ti biktima a nakatugaw a nakasango daytoy iti tv.

Magsagaba ti tama ti bala ti paltog iti kannigid a saka ti biktima a daytoy ti naitaray sadiay Central Ilocos Sur District Hospital para ti pannakapaagasna, idinto ti suspek, ket sigida a naglibas kalasan ti insidente ngem bulontaryo daytoy a simmuko iti kuerpo ti polisya iti daytoy nga ili.

Ti paltog a naaramat ket mapapati a kalibre 22 ngem daytoy ket mapukpukaw.

Ti motibo, sigud a susik.

Agdama pay laeng a maisaysayangkat ti imbestigasyon ti nasao a pasamak.

Jeff Barredo

Read Full Post »

NTA, madama ti panagal-alada ti report ti nadadael a tabako

Candon city, Ilocos Sur- “Ti panagtudtudona ti sumagmamano nga aldaw a napalabas, nangted ti panagsayaatan ken pagdaksan iti industria iti tabako.” Daytoy ti naammuan kenni Mrs. Estrel de Peralta, OIC iti NTA Candon Branch ti interview iti Radyo Tirad Pass kenkuana.

KInuna ni de Peralta, pumabor ti panagtudona agsipud ta mangted ti panag-impis ti bulong nangnangruna kadagiti pumuskol a bulong nga adda iti top leaves.

Naammuan pay a nangted met ti didigra kadagiti naglaylay a tabako gapu ti panagtalinaed ti danum iti taltalon a nakaimulaanda.

Nupay kasta inpatalged ni de Peralta a nasayaat ti presyo ti tabako iti daytoy nga agdama agsipud ta ti high class ketk umabot ti nasuko a 80 pisos ti tunggal kilo nga agingana nasurok a 90 pisos ti tunggal kilo.

Naammuan pay a saan met a masayang dagiti naglaylay a tabako, mabalin nga ilutoda iti pugon ket uray reject to laengen ti pagbalinanna, umabot met ti per kilo ti gatad 60 pesos.

Naammuan pay kenkuana a madama pay laeng ti panang-monmonitor kadagiti field techniciansda no kasano tatta ti sitwasyon dagiti tabako, ngem inpatalgedna a dakdakkel nga amang ti naaaladan a kilos ti naluto a tabako idi simmangbay ti nagsasaruno a panagtudtudona.

Jeff Barredo

Read Full Post »

2 Nakaru Iti Motorsiklo

Nayospital ti dua a bisita a makifiesta koma idi dagitoy ket dinungpar ti motorsiklo a minaneho ti maysa a nabartek idiay barangay Pantar, itoy nga ili.

Dagiti biktima ket managan Efren Galleto Gomintong iti Patungkalew, Quirino, Ilocos Sur ken Jocelyn Aquino, 39 anios, residente met iti Poblacion, Santa Catalina, Ilcos Sur.

Iti inisial nga imbestigasion, dagiti dua a biktima ti magmagna iti kalsada tapno makifiesta idi daytoy motorsiklo a napaspas ti nangdungpar kadakuada sa na-crashed daytoy iti kalsada.

Nasugatan ti drayber ken ti dua a biktima ket naitarayda iti balay pagagasan.
Mapapati a nabartek ti drayber ti motorsiklo.

Nayospital ti dua a bisita a makifiesta koma idi dagitoy ket dinungpar ti motorsiklo a minaneho ti maysa a nabartek idiay barangay Pantar, itoy nga ili.

Dagiti biktima ket managan Efren Galleto Gomintong iti Patungkalew, Quirino, Ilocos Sur ken Jocelyn Aquino, 39 anios, residente met iti Poblacion, Santa Catalina, Ilcos Sur.

Iti inisial nga imbestigasion, dagiti dua a biktima ti magmagna iti kalsada tapno makifiesta idi daytoy motorsiklo a napaspas ti nangdungpar kadakuada sa na-crashed daytoy iti kalsada.

Nasugatan ti drayber ken ti dua a biktima ket naitarayda iti balay pagagasan.
Mapapati a nabartek ti drayber ti motorsiklo.

Read Full Post »

Produksion Ti Tabako Iti Filipinas

Candon City district latta ti kadakkelan ti produksion ti tabako iti 12 ket dua a probinsia nga agmulmula ti tabako iti pagilian a Filipinas iti daytoy a tawen.

Daytoy ket maibasar iti datus a naala ti Tawid News manipud iti National Tobacco Administration kas maibasar iti March 15, 2009 report.

Agarup iti nasurok 13 a milion a kilos ti produksion ti Candon district iti tabako a birhinia, burley ken natibo a tabakoiti daytoy a tawen.

Ti tabako a birhinia pay laeng ti kadakkelan ditoy nga immabot iti 11,876,400 a milion a kilos kabayatanna a ti burley ket 210,500 ken ti natibo ket 1,650,600 a kilos.

Sinaruno daytoy ti probinsia ti Isabela a nasurok 8 a milion a kilos ti produksion; maikatlo ti La Union nga immabot iti nasurok 7 a milion a kilos; ken ti probinsia ti Pangasinan a nakurang 7 a milion a kilos.

Dagiti dadduma pay nga addaan nangato a produksion ket Ilocos Sur-Vigan District ket 4,190,200; Abra, 3,673,400; Ilocos Norte, 3,538,100 ken Cagayan, 3,490,000.
Dagiti dadduma pay a probinsia a nagmula ket Mindoro, Misamis Oriental, Negros Oriental, Iloilo ken Cotabato/Maguindanao.

Kabayatanna, iti daytoy a tawen, immabot iti 54 a milion kilos ti produksion a daytoy ket nangatngato iti 16 a porsiento iti tawen 2008 nga immabot idi iti 46,827,722 a kilos.

Nangatngato daytoy iti 7,509,672 a kilo.

Read Full Post »

Tudo, Nangdadael Iti Mais

Candon City.  Imbes a ganansia, nagbalin a disgrasia ti ginanab dagiti nagmula iti mais idi naglangoy dagitoy iti danum iti agtultuloy a panagtudtudo ditoy Ilocandia.

Kinuna ni Mr. Elmor Leano, agdama a city agriculturists, a nupay awan pay ti dimmanon a report kadakuada, ngem kas makitada ket adu dagiti mais a nadadael gapu iti panakarnebda iti danum.

“Adda dagiti ngimmisiten ken bimmaba ti kalidadda gapu iti panakatudtudoda.” Kinunana iti interview iti DZTP.

Kinunana a ti mais, iti uneg uneg iti 24 nga oras a maibabad ti mais iti danum, addan ti panagbuotna.

Maipalagip a kadagiti napalabas nga aldaw, nagtultuloy ti panagtudo ditoy Ilocandia a nakadadaelan dagiti mula iti talon kas koma iti mais, tabako, nateng ken dadduma pay.

danny

Read Full Post »

Maikatlo a Natay iti JCS Surgical Mission

Adda manen natay kadagiti nagbalin a pasiente iti kalkalpas a JCS  Surgical/Medical Mission idi Abril 13-16, 2009.

Ti kaudian a biktima ket managan iti  Arsenio Estabillo, 49 anios, residente iti barangay Ronda, Santa Lucia, Ilocos Sur.

Isuna ti maikatlo a natay a naisayangkatan iti major surgery nga insayangkat ti nakipagpaset boluntario nga UST doctors ken dagiti duktors manipud iti ballasiw taaw.

Immun-unan a naipadamag a natay ni Alejandria de Torres, 5 months old a naoperar iti cleff lip ken ti maysa a pasiente iti Dan-ar, Santiago, Ilocos Sur a di nainaganan.

Ni Arsenio ket naoperar iti goiterna ket natay sumagmamano nga aldaw idi rimmuar iti ospital.

Ti surgical and medical mission ket naisayangkat iti Candon City Hospital tapno makatulong kadagiti marigrigat babaen iti panangilungalong ti bise gobernador ti Ilocos Sur.

Read Full Post »

Lalaki, Nagsirip iti Labing-labing ti Mistro

Candon City.  Gapu iti panagsiripna iti labing-labing ti maysa a mistro, naireklamo daytoy iti pulisia ken naipilaan iti kaso iti piskalia.

Ti suspek ket managan Paquito Aglibot, residente iti Caterman Candon City, kabayatanna a ti nagreklamo ket nailinged iti nagan a Jims, maysa a high school public teacher.

Iti pulongna iti pulisia, bayat iti labing-labingda kenni baketna iti kuartoda idi adda nangegna iti ruar.  Kinitana ti tawa ket nasiputanna ti maysa a lalaki a kumkumleb iti dayta a gundaway.

Linuktanna ti silaw ket nangala iti danum sana sinibugan daytoy, ngem kaskasdi a saan a timmakder ti lalaki.  Idi nangala ti plastic a danum ti biktima ket bansagenna koma ti suspek, ditan a timmakder daytoy.

“Manong, siak.”  Kinuna pay ti suspek.  Nakigtot ti biktima agsipud ta kasinsinna met gayam ti mapapati nga agsisirip.

Naireklamo daytoy ket maipila ti kaso nga unjust vexation gapu iti panagsirip ti suspek.

Read Full Post »

TOBACCO FESTIVAL 2009

CANDON CITY

Read Full Post »

TOBACCO FESTIVAL STREET DANCING COMPETITION 2009

CANDON CITY

Read Full Post »

PANAGUNGAR FESTIVAL 2009

SANTA MARIA,ILOCOS SUR

the man behind the program

Read Full Post »