DEPUTY CHIEF TANOD, NABAGSOL

SANTA MARIA, ILOCOS SUR – Nakaro a pannakabartek, nangitunda ti saan a panagakiinnawatan gapu ti sigud a susik a nagresulta ti pannakabagsol ti maysa a deputy chief tanod, iti brgy. Laslasong Sur, Sta. Maria, Ilocos sur.

Ti biktima ket isuni Cerilo Aguyaoy y Castro, 3l-anyos, naasawaan, deputy chief tanod iti lugar a nakapasamakan ti pammagsol, idinto ti suspek ket isuni Ullyses Grecia y Suarnaba, naasawaan, tricycle driver ken residente met laeng ti nasao a lugar.

Ti imbestigasyon dagiti pannakabagi ti linteg, ti biktima ken ti suspek ket napanda naki-birthday kenni Barangay Captain Juvy Castro iti nasao a barangay sadiay pagtaenganna. Napasamak ti panaginnum ti nasanger dagiti dua ket immuna-una a nagawid ti suspek kadduana ti maysa met laeng a kalugaranda, kalpanna ditoy met a simmaruno ti biktima a nagawid.

Naammuan nga idinta nakasangpeten ti suspek sadiay pagtaenganda, sinungat ti suspek, ket naidukit ti sigud a susikda.  Dinanog ti biktima ti maminsan a daras a nakapuntaan iti kannawan a matana tisuspek, a nangitunda  ti suspek ket pimmidut ti botelya iti serbesa nga inburakna, nga isu ti inaramatna a panangbagsol ti biktima a nakapuntaan ti kannawan nga ima ken tiyan daytoy.

Ti biktima ket sigida a naitaray sadiay Reyes Clinic and Hospital para ti pannakaagasna.

Naammuan iti Radyo Tirad pass itattay aldaw kenni Police Inspector Eric Fernandez, hepe iti polisya iti nasao nga ili, a nasulbaren ti nasao kaso babaen ti pannakaidalanna ti areglo iti uneg ti barangay.

jb

Read Full Post »

SANTA MARIA, ILOCOS SUR NAIDEKLARA NGA ADDA TI STATE OF CALAMIT, GAPU TI BAGYO KAREN

SANTA MARIA – “Naideklaran nga adda iti state of calamity iti ili tayo ti nakaro a sinagabana gapu ti idadalyasat ni bagyo Karen.” Daytoy ti nabatad a kinuna ni Mayor Thelma Florendo, kadagiti brgy. captain ti naisayangkat a meeting itattay bigat sadiay municipal hall.

Inpakaammo pay ni Mayor FLorendo kadagiti Brgy. Captain iti nasao a panagtataripnong, a sigida nga immaksion iti lokal a gobierno gapu ti nakaro a sinagaba iti bagyo Karen,nangisayangkatda ti emergency meeting idi kalman, maysa ditoyen ti panangideklara nga addan iti state of calamity iti Santa Maria.

Ti naisayangkat a panangmitting kadagiti amin a brgy. Captain iti daytoy nga ili itattay bigat ket nailawlawag kadakuada no kasano ti addang nga aramidenda para ti panangipasada ti report iti biang ti DSWD, Department of Agriculture ken kasta metten ti proseso ti budget para ti pannakaalada ti calamity funds.

Madama metten ti pannakaiwarwarasna ti relief goods manipud iti opisina ti DSWD kadagiti naapektaran ti napalabas a bagyo.  Naammuan pay iti biang ti Agreculture, nga agur-uray da pay laeng ti report kadagiti brgy. Officials tapno maamamuanda no kasano ti kalawa dagiti naapektaran a nadadael ti agrikultura kasta metten dagiti tarakenda no adda ti natay idi panawen ti bagyo.

Read Full Post »

BANGKAY TI BALLASITANG, NAREKOBRE SADIAY STA. MARIA

STA. MARIA – Narekobre ti bangkay ti ballasitang a biktima ti pannakalmes sadiay karayan iti brgy. Silag iti daytoy nga ili, aggarup oras alas 10:00 itattay bigat.

Ti biktima ket ni Gladys Buwis, 13-anyos, ken residente iti brgy. Biquiwalin, Lidlidda, Ilocos Sur.

Ti interview iti Radyo Tirad Pass iti ama ti biktima a ni Mr. Godofredo Buwis, addaan ti naan-anay nga edad ken residente met laeng iti nasao a lugar, idi isasaplit ti bagyo Karen idi aldaw ti mierkoles, inpakninan iti pamilyana karaman ti anakna a biktima nga inpanna iti balay ti nanangna, aggarup maysa a kilometro ti kaadayona iti balayda a pinanawanda nga adda iti asideg iti karayan, ta danagenna ngamin a pumigsa pay ti bagyo. Nupay kasta, nalagip ti biktima ken ti asawana a dagiti tarakenda a kalding ket nabati iti balayda a pinanawanda, nagsubli dagitoy tapno ipanda ti nataltalged a lugar. Naamuan pay ti ama ti biktima a ditoy a nasabatda ti dakkel a danum a naggapu iti karayan nga aggarup pagattao ti kaadalemna, naiyanud ti biktima idinto ti misisna ket nakakapet ti puon ti lidda nga isu ti nakaisalakananna.

Innayon pay ti ama ti biktima a sabsabali ti ragsak a mangiladawan iti anakna sakbay a napasamak ti aksidente agsipud ta nakaragragsak a nadlawti apongna  ken dadduma pay a  makaaam-ammo kenkuana.

Narekboreda ti bangkay ti biktima babaen met laeng ti panagtitinnulong dagiti kabaranggayanda manipud iti ili ti Lidlidda  a nangsuyod ti kakrayan.  Adda dua a grupo ti nabukel a nangbiruk ti biktima. Kalpasan ti pannakarekobrena naipan ti bangkay sadiay Funerria Reyes iti daytoy nga ili para ti pannakatamingna.

Naammuan pay iti radyo tirad pass kenni Manong Godofredo a ti biktima ket isuna ti inunaan manipud dagiti innem nga annakda.

Jeff Barredo

Read Full Post »

BALUD TI POLISIA ITI STA. MARIA, NAWAYAWAYAAN

STA. MARIA- Temporaryo a nawayawayaan ti lalaki a nagprobokar iti stasyon iti polisya iti daytoy ng a ili kalpasan a pinatgan iti korte iti petition na  a makapagpyansa.

Ni Renato Escobar y Cordero, 52-anyos ken residente iti brgy. Poblacion Sur iti daytoy nga ili ti temporaryo a nawayawayaan manipud ti kustudya dagiti pannakabagi ti linteg babaen ti panagbayadna ti piyansa nga inlatang ti korte.  Dagiti  kaso a sangsangnguenna ket direct assault upon the agent of person in authority  nga addaan ti criminal case number 2535-SM iti sala ni Judge  Jovencio S. Gascon, 5th MCTC  Sta. Maria-Burgos, Naiyetnagan iti piyansa a  5,000.00 pisos. Ti sabali pay a  kaso ket  panagsalungasing  ti RA 9262  nga addan ti criminal case number 3150-N,  iti sala ni Judge Sixto D. Deompoc  iti RTC  branch 72, Narvacan. Sangapulo ribu met iti naiyetnag a pyansa iti suspect iti daytoy a kaso.

Maipalagip nga ni Escobar  ket pinungotpungotna idi ti maysa a babai, a mapapati a sigud a kaayan-ayatna iti  sango iti Sto. Nino Hospital. Nakaruk-at idi ti biktima  ket napan kimmamang iti stasyon ti polisya. Sinurot latta met idi suspect ti ex girlfreind na sa nagprobukar ken kinaritkaritna dagiti kameng ti polisya iti  estasyonda. Gapu idi iti daytoy nga inaramid ti suspect ket kinemmegda sada inkaranukon  isuna iti pagbaludan.

Naamwan met DZTP a ti mismo met laeng nga asawa ti suspect iti nangpyansa kenkuana.

jeff barredo

Read Full Post »