CANDON CITY. Nagasat dagiti estudiante a taga-Candon agsipud ta innem a pulo ken innem kadakuada ti napili nga agtrabaho iti Candon City Hall babaen iti programa nga Special Program for the Employment of Students wenno SPES.
Naammuan kenni Mrs. Doris Manzano, HRMO officer ti Candon City nga iti 75 a nagaplikar iti nasao a programa, siam laeng kadakuada ti saan a naala.
“Dagiti saan a naala ket agsipud ta isuda ket anak ti empleado ti Candon wenno city scholars.” Kinuna ni Manzano idi nadamag no sino dagiti di naala.
Inlawlawagna a ti orientation dagiti ubbing nga agtrabaho ket intono Abril 15 kabayatanna a mangrugida met iti trabaho intono Abril 19.
Ti SPES program ket mangipaay iti gundaway kadagiti estudiante nga agtrabaho iti LGU babaen iti panakitinnulong ti Department of Labor and Employment.
Dagiti ubbing ket ummawatda iti P230 a sueldo iti inaldaw iti unos 26 nga aldaw.
Kabayatanna, kinuna ni Manzano nga iti Candon, agarup iti P240,000 ti counterpartna iti daytoy a programa.
Leave a comment