Biktima ti rape, nagkedked a ma-medico legal

Santa Maria, Ilocos Sur- “Nagkedked a ma-medico legal ti biktima ti rape nga inpanmi idi huwebes sadiay Vigan.” Daytoy ti naammuan kenni P03 Ana Jamandra isuna ti mangig-iggem ti WCCD iti police station iti daytoy nga ili.

Kinuna ni P03 Jamandra, daytoy a kaso ket naireklamo idi napalabas a huwebes babaen ti panangkuyog kadakuada ti mismo a brgy. Captainda iti brgy. Barangay Ag-agrao, DSWD ken ti ikit ken lelang ti biktima.

Naammuan a ti biktima ket agtawen ti siam a mapapati a rinames isuna iti mismo nga amana, ngem nagkedked iti police officer nga innaganan ti masuspetsa.

Naammuan nga idi naikamang iti police station ti nasao a reklamo ket saan a nagtaktak iti biang ti polisya a maipa-medico legal a napanda idiay VIgan ngem nagkedked daytoy.

Nupay kasta, naka-eskedyul nga inton lunes ket isunto ti pannaka-medico legal ti biktima.

Naammuan pay ti nasao nga opisyal a naduktalan ngamin iti lelang ti biktima a lamolamo daytoy nga adda idi iti abay ti amana iti uneg ti pagtaenganda.

Kasta metten, ti deklarasyon ti biktima a rinames iti mismo nga amana.

Jeff Barredo

Read Full Post »

Barangay boundary desputes, sinungbatan ti Assessoria

Candon city, Ilocos Sur-Sinungbatan iti biang ti opisina ti Assessoria mainaig ti saan a panagkiinnawatan ti nagbeddengan ti dua a barangay a daytoy ket naikamang metten iti Sangguniang Panlunsod iti siyudad ti Candon.

Naammuan kenni Engr. Denia Rubang iti Assessoria a ti pagtaktakderanda ket mainaig ti kadastro a mapa a naaramid idi 1916 ti 1918.

Kinunana ket sinurotda laeng ti husto a dulon ken ti ibagbaga ti mapa.

Innayonna pay a naduktalan nga adu dagiti declarasyon ti daga a naiyurno gapu ti napasamak a trax mapping.

Naammuan kenni Engr. Rubang, adu dagiti nagbalin a kaso mainaig ti brgy. boundary desputes gapu ti tax mapping naammuan ngamin ti area ken nagbebeddengan ngem dagitoy ket naurnosda met laeng ti kamauddianna gapu ti naannayas a pannakailawlawagna.

Jeff Barredo

Read Full Post »

CANDON CITY DIVISION NAKA 14 GOLD ITI IRAA

CANDO CITY,ILOCOS SUR.Nasurpassan tayo iti target a balitok a medalya iti ilocos regional athletic association daytoy man iti waragawag manipud ken Mr Alex Razo iti Dep Ed ti syudad.

Iti interview iti Dztp kenkuana,nakagun od da iti balitok a medalya iti ay ayam a poll vault,400 meter hurdle,chess ken kasta metten iti elementary football a nakaalaanda iti 11 golds. maysa a silver medal iti boxing ken pito a bronze medal.

Kalaksidan na laeng iti dayta ket nakagun od pay iti lima a gold iti biang iti SPED.

Nagtalinaed iti dati a rangko na a number 10 iti secondarya idinto ta immangat met iti maysa iti elementarya a number 9 iti over all ranking iti IRAA iti Candon Division.Rank number 10 gamin nga agpada iti napan a tawen.

Read Full Post »

ELf naubor, driver nasugatan

Narvacan, Ilocos Sur- Nasugatan ti tengngedna ti driver a naubor ti manmanehuenna nga elf bayat a panpanurnurenna iti national highway a masaksakupan iti brgy. Nanguneg East, Narvacan, Ilocos Sur aggarup oras ala una dies itattay parbangon.

Nabigbig a ti biktima ket isuni Robert Pascual y Agcaoili, 38-anyos, naasawaan, driver, addaan lisensia ken residente iti La Paz, Laoag City, Ilocos Norte.

Ti imbestigasyon, ti behikulo a manmanehuen ti biktima ket agdaldalyasat iti nasao a kalsada nga agturturong iti amianan a direction, bigla nga inubor ti maysa a lalaki a di nailasinan ti botelya ti red Horse beer a nakatamaan iti windsshield daytoy.

Nagresulta ti pannakapettak ti windshield nga isu ti nakasugatan ti biktima ti tengngedna.

Jeff Barredo

Read Full Post »

Breaking Barrier, adu pay ti planona-Kuna ti Mayor

Candon City, Ilocos Sur-” Adda ti plano a mapagpapatangan kadagiti maseknan nga opisyal kas koma ti siyudad ti Candon ken dadduma pay tapno mapasayaat ti Breaking Barrier for Children nga adda a masarakan ti Centerna iti siyudad ti Candon.” Daytoy ti kinuna ni City Mayor Allen Singson ditoy Candon City ti Interview kenkuana itattay sadiay Social Hall, Eastern Mall.

Ti naisayangkat a 1st anniversary a  selebrasyon ti Breaking Barrier For Children, naammuan kenni City Mayor Allen Singson, a mapasayaat pay ti center ditoy Candon babaen ti panangipaay ti city government kadagiti masapsapul dagiti ubbing a pasyente manipud ti 14 anyos nga agpababa.

Dinamag pay ti Radyo Tirad pass iti alkalde no kas bilang nga umadu pay ti bilang, kinunana a mapalawa met ti siled nga ayanda wenno mangbirukda iti sabali a lugar.

Jeff Barredo

Read Full Post »

Breaking Barrier for Children, makatawen ditoy siyudad ti Candon

Candon City, Ilocos Sur- Naisayangkat ti umuna a tawen a selebrasyon ti Breaking Barrier for Children ditoy siyudad ti Candon, a napasamak sadiay Social Hall iti Eastern Mall.

Ti interview iti Radyo DZTP Tirad Pass itattay kenni Mr. Arnold Pinlac, nga iti 1st anniversary ti Breaking Barrier For Children wenno BBC ket naballigi iti siyudad ti Candon.

Kinunana nga idi napalabas a tawen a pannakalukat ti center da a masarakan sadiay Old City Hall sigud a City Engineering Office iti brgy. San Juan, Candon City ket sumagmamano idi ti nag-interesado a nagannak nga inpanda kadagiti annakda nga addaan ti diperensia.

Naammuan pay kenni Mr. Pinlac, nga itan ket adda ti bilang a walo pulo manipud iti siyudad ti Candon ken kadagiti kabangibangna nga ili kas koma iti Sta. Lucia, Santa Cruz, Santiago, Galimuyod ken dadduma pay.

Innayonna pay a dagiti na-cater da nga ubbing ket naragsakan a nangipadamag a dakkel ti nag-improban dagitoy.

Naammuan pay a saan laeng iti siyudad ti Candon a masarakan iti center da kas koma iti siyudad ti Vigan, Santa Maria ken dadduma pay nga ili iti probinsia nga Ilocos Sur kangrunaanna iti first Distrrict.

Jeff Barredo

Read Full Post »

Kaso dagiti suspek a nangpatay iti taga-Galimuyod, naipilan idiay piskalya

Candon city, Ilocos Sur-Naipilan idi malem kalman ti kaso kontra dagiti tallo a suspek  iti opisina ti piskalya iti siyudad ti Candon ti kauddian a napasamak a pammaltog a nakabiktimaan iti taga-Galimuyod, Ilocos Sur a managan Louie Piswic Valdez.

Nabigbig a dagiti suspek ket isuda Melchor Molina y Arre, 31-anyos, naasawaan, mannalon ken residente iti brgy. San NIcolas, Candon city a mapapati nga isuna ti nangpaltog iti biktima ken dagiti dua a kakadduana nga isuda Rommel Gacutan y Repollo, 25-anyos, naasawaan a kalugaran ni Melchor ken ni Rommel Limon, nataengan, residente iti brgy. Allangigan 1st, Candon cit.

Maipalagip a narekobre idi ti bangkay ti biktima manipud iti uneg ti tricyclena a naipan naipakni iti kamaisan iti nagbeddengan iti brgy. San Isidro ken brgy. San Nicolas iti daytoy a siyudad idi aggarup oras alas 6:00 idi bigat ti martes a daytoy ket nagsagaba ti pammaltog a nakatamaan iti barukong ken imana.

Maipalagip pay nga idi aldaw ti mierkoles, boluntaryo a simmuko dagiti suspek.

Agdama a nakabaluden dagitoy iti kuerpo ti polisya iti siyudad ti Candon.

Jeff Barredo

Read Full Post »

French national, na-hold-up

Candon City, Ilocos Sur-Na-hold-up ti maysa a french national bayat a magmagna iti igid ti national highway a masasakupan iti brgy. San Jose, Candon City manipud kadagiti nakamotorsiklo a lallaki, napasamak aggarup oras alas 11:50 idi rabii.

Ti biktima ket nabigbig nga isuni Philippe Fortnier, 61-anyos ken agdama nga agnanaed iti white beach puerto Galera.

Ti imbestigasyon dagiti pannakabagi ti linteg, ti biktima ket dimsaag iti Partas bus, iti nasao a lugar.

Naammuan nga idin magmagna ti biktima iti daya ti national highway nga agturturong iti amianan a direction, ket dua a motorsiklo ti immasideg kenkuana ken dua a saan a nailasinan a lallaki dagiti nagmaneho nga isuda ti mapapati a suspek.

Ti maysa ket naka-suot ti helmet idinto ti maysa nga isuna ti dimsaag manipud iti motorna naka-kallogong iti ‘bull cup’ ken agtayag ti lima a kadapan ken innem a pulgada a daytoy ti mapapati nga isuna ti  immasideg ititi biktima ket indeklarana ti ‘hold-up.’

Naammuan a nakaitaray dagiti suspek ti cash nga aggarup 11,000.00 pisos, ATM cards ken dadduma pay nga IDs a nagturongda iti saan a masinuo a direction.

Jeff Barredo

Read Full Post »

CANDON CITY KICKERS KO’s LAOAG CITY

CANDON CITY,ILOCOS SUR.Pinanabtuog dagiti pambato iti daytoy a syudad dagiti defending kampion  iti ay ayam a football iti agtultuloy pay laeng nga ilocos regional athletic association(IRAA)sadiay dagupan city.

Iti interview ken Mr Alex RAzo,siraragsak a nangibaga a inabakda iti laoag city iti score a four zero.”Uray bassit iti budget tayo ket naipakita dagiti ubbing tayo iti talento kontra kadagiti kalaban”kinuna ni Razo.

Daytoy metten iti nangted iti maikapat a balitok a medalya iti candon city division.

Read Full Post »

PRESYO ITI MAIS,NABABA DITOY PROBINSYA

CANDON CITY,ILOCOS SUR.Dismayado ita dagiti mannalon iti mais gapu iti kinababa iti presyo iti paroduktoda ditoy probinsya.

Agarup laeng iti 12-14 pesos iti kada kilo iti agtar-taray presyo iti agdama.Nagsardeng payen dagiti dadduma a negosyante nga aggatang iti mais ta awan metten iti fidmill a gumatang kadagiti magatangda a mais iti agdama.

Intudo met ita ni Congressman Jo Ping-ay, coop-natco representative nga dagiti panagimport dagiti fidmillers iti mais iti ballasiw taaw iti rason ita iti nababa a presyo.

Numampay iti kasta ket mangnamnama pay laeng nga agistable  met lang iti presyo iti mais iti umay a dua a lawas ta aglukat ton iti cargill,bmeg ken dadduma pay a dadakkel a fidmiller iti pagilyan kuna ni Ping ay.

“No kas pagarigan ta awan iti pagbaliwan iti presyo iti mais tayo ket sigagagarak a mangidanun daytoy iti kamara tapno mainbestigaran dagitoy ita a fidmillers iti pagilyan kuna ni Ping ay.

Read Full Post »