Santa Maria: 13 Anios, Nakadungpar

SANTA MARIA, Ilocos Sur. Maysa a 13 anios a babai a nagmaneho ti motorsiklo ti aksidente a nakapasapgid iti maysa a bumallasiw a babai idiay Col. Reyes avenue, barangay Poblacion Norte, itoy nga ili.

Nadungpar ni Soledad Villegas, 52 anios, residente iti Macaoayan, Burgos, Ilocos Sur idi daytoy ket bumallasiw iti kalsada.

Ti drayber a menor de edad ket nailinged iti nagan a Katkat, 13 anios, residente iti Maynganay Sur, Santa Maria, nagmaneho iti SYM Bonus X, addaan plaka 5508.

Iti inisial nga imbestigasion, ti motorsiklo ket agpalaud kabayatanna a ti biktima ket bumallasiw iti kalsada idi nasapgid daytoy.

Nasugatan ti biktima ket naipan iti ospital para iti panakaagas kenkuana. Naaddaan pay iti panakadadael ti lugan.

Read Full Post »

Kapitan, Napangtaan

SANTIAGO, Ilocos Sur. Naburiburan ti maysa a kapitan ti barangay idi daytoy ket nakaawat ti pangta manipud iti cellphone.

Nagpulong iti pulisia ni kapitan Manuel Ellorin iti Salincub, Santiago, Ilocos Sur gapu kadagiti naawatna a tawag nga adda pangta.

Kas maibasar iti pulisia, ti pangta ket manipud iti cellphone number 0916-7086492, ket dina ammo ti kinasiasinona daytoy.

Kinunana iti pulisia a ti timmawag ket nangibalikas kadagiti sumaganad, “natangkenka, agannadka, no kayatmo ti nasayaat”, “haanka a makibiang no kayatmo ti nasayaat” ken “agtalnaka no kayatmo ti nasayaat.”

Gapu iti amakna iti seguridadna, nagpulong daytoy iti pulisia.

Read Full Post »