Narvacan: Nagkayo, Napaltogan

NARVACAN, Ilocos Sur. Natay ti maysa a lalaki nga agkaykayo idi daytoy ket pinaltogan dagiti di nabigbig a suspek iti nagbeddengan ti barangay Lanipao ken Banglayan, itoy nga ili.

Ti biktima ket managan Dominador Salazar Sr., 55 anios, residente iti Banglayan itoy nga ili. Dagiti suspek ket saan a nabigbig.

Iti inisial nga imbestigasion, ti biktima ket agkaykayo iti dayta a gundaway idi dagiti mannalon ti nakangeg iti uni ti paltog.

Natakkuatan laengen a natayen ti biktima.

Mapapati nga M16 ti naaramat a paltog.

Read Full Post »

Pulis, Dimmanog

SANTA MARIA, Ilocos Sur. Maysa a pulis ti naireklamo a mapapati a dimmanog iti maysa a lalaki idiay barangay Nalvo, itoy nga ili.

Ti mapapati a suspek ket managan PO1 Noel Carriaga, agnanaed iti nasao a barangay ken naka-destino iti PRO1 ti pulisia. Kabayatanna a ti biktima ket managan Erick Antonio Zamora, 28 anios, residente iti Poblacion, Santa Maria, Ilocos Sur.

Iti inisial nga imbestigasion, ti biktima ket agawiden koma idi nakita ti suspek ket ditan a mapapati a dinanogna iti awan aniaman a rason.

Mapapati a ti pulis ket nakainom iti dayta a gundaway.

Read Full Post »